‘ଜଣେ ବ୍ୟକ୍ତି, ଗୋଟିଏ ପଦବୀ’ ଏବଂ ‘ଗୋଟିଏ ପରିବାର, ଗୋଟିଏ ଟିକେଟ୍‌’ ନିୟମ ଲାଗୁ ସହ ସାଂଗଠନିକ ସଂସ୍କାର ଘୋଷଣା କଲା କଂଗ୍ରେସ

0
836
congress-protest-all-over-india against-inflation
Rahul Gandhi.(File Photo: IANS)I

ଉଦୟପୁର: କଂଗ୍ରେସ ଦଳ ରବିବାର ଦିନ ଆଗାମୀ ବିଧାନସଭା ଏବଂ ଲୋକସଭା ନିର୍ବାଚନର ପରବର୍ତ୍ତୀ ପର୍ଯ୍ୟାୟ ପାଇଁ ଦଳକୁ ପ୍ରସ୍ତୁତ କରିବା ଲକ୍ଷ୍ୟରେ ବ୍ୟାପକ ସାଂଗଠନିକ ସଂସ୍କାର ଘୋଷଣା କରିଛି। ୫୦ ବର୍ଷରୁ କମ୍‌ ବୟସର ଲୋକଙ୍କ ବ୍ୟାପକ ପ୍ରତିନିଧିତ୍ୱ ଉପରେ ଦଳ ଗୁରୁତ୍ୱାରୋପ କରିଛି ଏବଂ ଏଥିସହିତ ‘ଜଣେ ବ୍ୟକ୍ତି, ଗୋଟିଏ ପଦବୀ’ ଏବଂ ‘ଗୋଟିଏ ପରିବାର, ଗୋଟିଏ ଟିକେଟ୍‌’ ନିୟମ ଲାଗୁ କରିଛି। ‘ନବ ସଂକଳ୍ପ ଚିନ୍ତାନ ଶିବିର’ରେ ବ୍ୟାପକ ବିଚାରବିମର୍ଶ ପରେ ଗ୍ରହଣ କରାଯାଇଥିବା ଉଦୟପୁର ଘୋଷଣାନାମାରେ କଂଗ୍ରେସ ମଧ୍ୟ ତିନିଟି ନୂତନ ବିଭାଗ ଗଠନ କରିବାକୁ ନିଷ୍ପତ୍ତି ନେଇଛି। ସେଗୁଡ଼ିକ ହେଲା- ସାର୍ବଜନୀନ ଅନ୍ତର୍ଦୃଷ୍ଟି, ନିର୍ବାଚନ ପରିଚାଳନା ଏବଂ ଜାତୀୟ ତାଲିମ।

ଦଳ ଗୋଟିଏ ପରିବାର, ଗୋଟିଏ ଟିକେଟ୍‌ ନିୟମକୁ ବିନା ବ୍ୟତିକ୍ରମ ସହିତ ଲାଗୁ କରିବାକୁ ଘୋଷଣା କରିଛି। ଯେତେବେଳେ ପରିବାରର ଅନ୍ୟ ଜଣେ ସଦସ୍ୟ ଅତି କମରେ ପାଞ୍ଚ ବର୍ଷ ଧରି ଦଳ ପାଇଁ କାର୍ଯ୍ୟ କରୁଥିବେ, ସେ କ୍ଷେତ୍ରରେ ଏ ନିୟମକୁ କହୋଳ କରାଯାଇପାରେ। ଦଳ ଏହା ମଧ୍ୟ ନିଷ୍ପତ୍ତି ନେଇଛି ଯେ ନୂତନ ଲୋକଙ୍କୁ ସୁଯୋଗ ଦେବା ପାଇଁ କୌଣସି ବ୍ୟକ୍ତି ପାଞ୍ଚ ବର୍ଷରୁ ଅଧିକ ସମୟ ଧରି ଗୋଟିଏ ଦଳୀୟ ପଦବୀରେ ରହିବା ଉଚିତ ନୁହେଁ। ସଂଗଠନର ସମସ୍ତ ସ୍ତରରେ ୫୦ ବର୍ଷରୁ କମ୍‌ ବୟସର ଲୋକଙ୍କୁ ୫୦ ପ୍ରତିଶତ ପ୍ରତିନିଧିତ୍ୱ ପ୍ରଦାନ କରିବାକୁ ମଧ୍ୟ ଦଳ ନିଷ୍ପତ୍ତି ନେଇଛି।

କଂଗ୍ରେସ ସଭାପତି ରାଜନୈତିକ ଆହ୍ଵାନ ଉପରେ ବିଚାରବିମର୍ଶ କରିବା ପାଇଁ କଂଗ୍ରେସ କାର୍ଯ୍ୟ କମିଟି (ସିଡବ୍ଲୁସି) ସଦସ୍ୟଙ୍କ ମଧ୍ୟରୁ କିଛି ସଦସ୍ୟଙ୍କୁ ନେଇ ଏକ ପରାମର୍ଶଦାତା ଗୋଷ୍ଠୀ ଗଠନ କରିବେ ବୋଲି ଦଳ ଘୋଷଣା କରିଛି। ‘ଚିନ୍ତନ ଶିବିର’ରେ ନିଜର ଶେଷ ଅଭିଭାଷଣରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଘୋଷଣା କରିଛନ୍ତି ଯେ ସାଂଗଠନିକ ସଂସ୍କାର ଆରମ୍ଭ କରିବା ପାଇଁ ଏକ ଟାସ୍କ ଫୋର୍ସ ଗଠନ କରାଯିବ। ସେ କହିଛନ୍ତି ଯେ କଂଗ୍ରେସ ମହାତ୍ମା ଗାନ୍ଧୀ ଜୟନ୍ତୀ ଅକ୍ଟୋବର ୨ରୁ କନ୍ୟାକୁମାରୀରୁ କାଶ୍ମୀର ପର୍ଯ୍ୟନ୍ତ ‘ଭାରତ ଜୋଡୋ ଯାତ୍ରା’ ଆରମ୍ଭ କରିବ। ଜୁନ୍‌ ୧୫ରୁ ଜିଲ୍ଲା ସ୍ତରରେ ଦଳ ଏହାର ‘ଜନ ଜାଗରଣ ଯାତ୍ରା’ର ଦ୍ୱିତୀୟ ପର୍ଯ୍ୟାୟ ମଧ୍ୟ ଆରମ୍ଭ କରିବ ବୋଲି ସେ ଘୋଷଣା କରିଛନ୍ତି।

Also Read  ଭାଲେଣ୍ଟାଇନ୍ସ ଡେ ରେ ନିଜ ପ୍ରେମିକା ଙ୍କୁ ବିବାହ କରିବା ପାଇଁ ଚୋରି କରି ବନ୍ଧା ହେଲେ ଯୁବକ

LEAVE A REPLY

Please enter your comment!
Please enter your name here