କଟକ: ଡିମ୍ପଲ-ସୁମିତ ପାରିବାରିକ ବିବାଦ ମାମଲାରେ ନୂଆ ମୋଡ । ଏହି ବିବାଦ ମାମଲାରେ ହାଇକୋର୍ଟରେ ରିଭ୍ୟୁ ପିଟିସନ ଦାଖଲ କରିଛନ୍ତି ଡାକ୍ତର ସୁମିତ । ଗତ ୪ ତାରିଖରେ ହୋଇଥିବା ନିର୍ଦ୍ଦେଶନାମା ଉପରେ ହାଇକୋର୍ଟରେ ରିଭ୍ୟୁ ପିଟିସନ ଦାଖଲ କରିଛନ୍ତି ସୁମିତ । ଡିମ୍ପଲ, ସୁମିତଙ୍କ ଘରେ ରହିବା ଏବଂ ମାସିକ ୧୭ ହଜାର ଟଙ୍କା ଦେବା ନିର୍ଦ୍ଦେଶକୁ ହାଇକୋର୍ଟରେ ଚ୍ୟାଲେଞ୍ଜ କରିଛନ୍ତି ସୁମିତ ।
ଏହି ମାମଲାରେ ନନ୍ଦିଘୋଷ ଟିଭିକୁ ସୁମିତ କହିଛନ୍ତି ଯେ, କୋର୍ଟରେ ମାମଲା ବିଚାରାଧୀନ ରହିଛି । ଘର କଥା ଘରେ ରହିଲେ ଭଲ । ଘର କଥା ବାହାରକୁ ଆସିବାର ନଥିଲା । ଏବେ ଏହି ବିବାଦର ସମାଧାନ ନ୍ୟାୟାଳୟ କରିବେ ବୋଲି କହିଛନ୍ତି ଡାକ୍ତର ସୁମିତ । ସେହିପରି ଏକାଠି ହେବା ନହେବା ସମୟ ହିଁ କହିପାରିବ ବୋଲି ସେ କହିଛନ୍ତି । ଏହାସହ ନିଖୋଜ ନେଇ ଯେଉଁ ପ୍ରତିକ୍ରିୟା ପ୍ରକାଶ ପାଉଥିଲା, ସେନେଇ ଉତ୍ତର ରଖିଛନ୍ତି ସୁମିତ । ମାନସିକ ସ୍ଥିତି ଭଲ ନଥିବାରୁ ଛୁଟିରେ ରହିଛି ବୋଲି ସୁମିତ କହିଛନ୍ତି ।
