ନୂଆଦିଲ୍ଲୀ : ଅଭିନେତା କମଲ ହାସନଙ୍କ ଫିଲ୍ମ ‘ବିକ୍ରମ’ ବକ୍ସ ଅଫିସରେ ସଫଳତାର ପାହାଚ ଚଢୁଛି। ଫିଲ୍ମର ବ୍ୟବସାୟ ମାତ୍ର ୫ ଦିନ ମଧ୍ୟରେ ୨୦୦ କୋଟି ଅତିକ୍ରମ କରିଛି। ବିଜୟ ସେତୁପତି, ଫହାଦ ଫାଜିଲ ଏବଂ ସୁରିଆଙ୍କ ଅଭିନୀତ ଏହି ଫିଲ୍ମର ନିର୍ଦ୍ଦେଶନା ଲୋକେଶ କାନାଗରାଜ ଦେଇଛନ୍ତି। ନିକଟରେ ଫିଲ୍ମର ସଫଳତାରେ ଖୁସି ହୋଇ କମଲ ହାସନ ନିର୍ଦ୍ଦେଶକଙ୍କୁ ଏକ ବିଳାସପୂର୍ଣ୍ଣ କାର ଉପହାର ଦେଇଛନ୍ତି।
କମଲ ହାସନଙ୍କ କ୍ୟାରିୟରର ଏହା ହେଉଛି ପ୍ରଥମ ଫିଲ୍ମ ଯାହା ୨୦୦ କୋଟି ଅତିକ୍ରମ କରିଛି। ଫିଲ୍ମଟି ୱାର୍ଲ୍ଡ ୱାଇ଼ଡ୍ ବିଜନେସ୍ ରେ୨୦୦ କୋଟି ଅତିକ୍ରମ କରିବା ଖୁସିରେ କମଲ ହାସନ ସୋସିଆଲ ମିଡିଆରେ ମଧ୍ୟ ପୋଷ୍ଟ କରିଛନ୍ତି। ବାଣିଜ୍ୟ ବିଶ୍ଳେଷକ ତରନ ଆଦର୍ଶ ଟ୍ୱିଟରରେ ଫିଲ୍ମର ରୋଜଗାର ଆକଳନ ସେୟାର କରିଛନ୍ତି। ବର୍ତ୍ତମାନ ଫିଲ୍ମ ବିକ୍ରମ ବକ୍ସ ଅଫିସରେ ଜବରଦସ୍ତ ବ୍ୟବସାୟ କରୁଥିବା ବେଳେ, ଅକ୍ଷୟ କୁମାରଙ୍କ ଫିଲ୍ମ ‘ସମ୍ରାଟ ପୃଥ୍ୱୀରାଜ’, କାର୍ତ୍ତିକ ଆର୍ଯ୍ୟନଙ୍କ ଫିଲ୍ମ ‘ଭୁଲ ଭୁଲୈୟା ୨’ ଏବଂ ‘ମେଜର’ ମଧ୍ୟ ବକ୍ସ ଅଫିସରେ ପ୍ରତିଯୋଗିତାରେ ଅଛନ୍ତି।।
