୪ ଦିନ ହେଲା ସୁମିତଙ୍କୁ ଖୋଜି ଖୋଜି ତପସ୍ୱିନୀ ନୟାନ୍ତ

0
167
ସୁମିତଙ୍କୁ ଖୋଜି ଖୋଜି ତପସ୍ୱିନୀ ନୟାନ୍ତ
ସୁମିତଙ୍କୁ ଖୋଜି ଖୋଜି ତପସ୍ୱିନୀ ନୟାନ୍ତ

ଆସିକା: କୁଆଡ଼େ ଗଲେ ସୁମିତ୍ ? ଆଉ ୭ ଦିନ ଲାଗି ତପସ୍ୱିନୀଙ୍କ ସହ ଏକାଠି ରହିବା ନେଇ କୋର୍ଟଙ୍କ ରାୟ ପରଠାରୁ ସୁମିତ୍ ନାହାଁନ୍ତି । କେଉଁ ଆଡ଼େ ଯାଇଛନ୍ତି ସେନେଇ ତପସ୍ୱିନୀଙ୍କ ପାଖରେ କିଛି ଖୋଜ୍ ଖବର ନାହିଁ । ସୁମିତଙ୍କ ଫୋନ୍ ବି ଲାଗୁନି । ସବୁଆଡ଼ୁ ନିରାଶ ହେବା ପରେ ତପସ୍ୱିନୀ ଓରଫ ଡିମ୍ପଲ ପୁଣି କୋର୍ଟକୁ ବାହାରିଛନ୍ତି ଅଭିଯୋଗ କରିବା ପାଇଁ ।

ପୂର୍ବରୁ ସ୍ୱାମୀ ନିଖୋଜ ନେଇ ତପସ୍ୱିନୀ ଥାନାରେ ଏତଲା ମଧ୍ୟ ଦେଇଛନ୍ତି । ଅନ୍ୟପଟେ ସୁମିତଙ୍କ ଓକିଲ କହିଛନ୍ତି ସେ ତାଙ୍କ ସାଙ୍ଗ ଘରେ ଅସୁସ୍ଥତା ଯୋଗୁଁ ଅଛନ୍ତି । ହେଲେ ଏନେଇ ସୁମିତଙ୍କ କୌଣସି ପ୍ରତିକ୍ରିୟା ଆସିନାହିଁ କି ସେ କାହା ନଜରକୁ ଆସୁ ନାହାଁନ୍ତି । ୪ ଦିନ ହେଲା ସ୍ୱାମୀଙ୍କ ଖୋଜ ଖବର ନାହିଁ, ଫଳରେ ପୁଣି ବ୍ରହ୍ମପୁର ଏସଡିଜେଏମ୍ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ତପସ୍ୱିନୀ । ନ୍ୟାୟ ମିଳିବା ଯାଏ ଲଢ଼େଇ ଜାରି ରଖିବେ ବୋଲି କହିଛନ୍ତି ସେ ।

ପ୍ରଥମ ପର୍ଯ୍ୟାୟରେ ସ୍ୱାମୀ, ସ୍ତ୍ରୀଙ୍କୁ ଏକାଠି ପୋଲିସ ହେପାଜତରେ ରହିବାକୁ କୋର୍ଟ ନିର୍ଦ୍ଦେଶ ଦେଇଥିଲେ । ଆସିକା ଚିନିକଳ ଅତିଥି ଭବନରେ ସୁମିତ୍, ତପସ୍ୱିନୀ ଏକାଠି ରହିବା ପରେ କୋର୍ଟରେ ରିପୋର୍ଟ ଦାଖଲ କରିଥିଲେ ଥାନା ଅଧିକାରୀ । ଏହା ପରେ ଦମ୍ପତିଙ୍କୁ ଭଡ଼ା ଘରେ ୭ ଦିନ ରହିବା ଲାଗି କୋର୍ଟ ନିର୍ଦ୍ଦେଶ ଦେଇଥିଲେ । ହେଲେ, କୋର୍ଟଙ୍କ ନିର୍ଦ୍ଦେଶ ପରଦିନ ଠାରୁ ସୁମିତଙ୍କ କୌଣସି ଖୋଜ ଖବର ନାହିଁ ।

Also Read  ମେଡିକାଲ କଲେଜ ଶୀଘ୍ର ଚାଲୁ କରିବା ଦାବିରେ ଆଜି ୧୨ ଘଣ୍ଟିଆ ତାଳଚେର ବନ୍ଦ

LEAVE A REPLY

Please enter your comment!
Please enter your name here