ଫେବୃଆରୀ ୧୭
ଉତ୍ତର ପ୍ରଦେଶ ର ମେନପୁରୀର କରହଲ ନିର୍ବାଚନ ମଣ୍ଡଳୀ ବର୍ତ୍ତମାନ କୁରୁକ୍ଷେତ୍ରରେ ପରିଣତ ହୋଇଛି। ଏହି ନିର୍ବାଚନ ମଣ୍ଡଳୀ ରେ ସମାଜବାଦୀ ପାର୍ଟି ମୁଖ୍ୟ ସୁପ୍ରିମୋ ଅଖିଳେଶ ଯାଦବ ଏବଂ କେନ୍ଦ୍ର ମନ୍ତ୍ରୀ ଏସପି ସିଂ ବାଗେଲ ନିର୍ବାଚନ ଲଢ଼ୁଛନ୍ତି I
ଗୁରୁବାର ଦିନ ଅମିତ ଶାହା ଏବଂ ମୁଲାୟମ ସିଂ ଯାଦବ ପ୍ରାୟ ଏକ ସମୟରେ ଏଠାରେ ନିର୍ବାଚନ ସଭା କରିଥିଲେ। ଦୁଇ ରାଲି ମଧ୍ୟରେ ପ୍ରାୟ ୬ କିଲୋମିଟର ପାର୍ଥକ୍ୟ ଥିଲା |
ତିନି ବର୍ଷ ପରେ ପ୍ରଥମ ଥର ପାଇଁ ମୁଲାୟମ ଏକ ରାଲିରେ ସମ୍ବୋଧିତ କରିଛନ୍ତି। ୨୦୧୯ ରେ, ସେ ନିଜେ ମେନ୍ପୁରୀରେ ଏକ ରାଲି କରିଥିଲେ, ଯେଉଁଥିରେ ସେ ମାୟାବତୀଙ୍କ ସହ ମଞ୍ଚ ବାଣ୍ଟିଥିଲେ |
ପୁଅ ଅଖିଳେଶଙ୍କ ପାଇଁ ମୁଲାୟମ ଭୋଟ୍ ମାଗିଥିଲେ। କହିଥିଲେ ଯେ ଏସପିଙ୍କ ପ୍ରାଥମିକତା ହେଉଛି ଯୁବକ ଏବଂ କୃଷକ I ସେ ଆହୁରି ମଧ୍ୟ କହିଲେ ଯେ ଜନସାଧାରଣ ନିଶ୍ଚିତ ଭାବରେ ଭାବୁଥିବେ ଯେ ମୁଲାୟମ ସିଂ ତାଙ୍କୁ କ’ଣ କହିବେ? ଆମେ କେବଳ କହିବୁ ଯାହା ଆମେ ଜନସାଧାରଣଙ୍କ ପାଇଁ କରିବୁ | ଦେଶକୁ ମଜବୁତ କରିବା ଆମର ଲକ୍ଷ | ଏସପିଙ୍କୁ ଭୋଟ୍ ଦେବାକୁ ଆବେଦନ କରି ସେ କହିଥିଲେ ଯେ ଯେଉଁ ବିଶ୍ୱାସ ସହିତ ଆପଣ ଆସିଛନ୍ତି, ସେ ସବୁ ନିଶ୍ଚୟ ପୂରଣ ହେବ ଇ
ମୁଲାୟମ କହିଥିଲେ, ଏତେ ବଡ ଜଣ ସମାବେଶ ପ୍ରମାଣ କରୁଛି ଯେ ଲୋକମାନେ ଏସପି ସରକାର ଗଠନ କରୁ ବୋଲି ଚାହୁଁଛନ୍ତି। ଯଦି ଏସପି ସରକାର ଗଠନ ହୁଏ, ତେବେ ଯୁବକମାନଙ୍କ ପାଇଁ ରୋଜଗାର, ଚାକିରୀ କୁ ସମାଜବାଦୀ ପାର୍ଟି ପ୍ରାଧାନ୍ୟ ଦେବ I
ଅଖିଳେଶ ନିଜ ଭାଷଣ ରେ କହିଥିଲେ, ନେତାଜୀଙ୍କଠାରୁ ଆଶୀର୍ବାଦ ଗ୍ରହଣ କରି ସେ ରାଜ୍ୟ କୁ ଆହୁରି ସମୃଦ୍ଧଶାଳୀ କରିବେ I ମାର୍ଚ୍ଚ ୧୦ ରେ ଉତ୍ତର ପ୍ରଦେଶ ରେ ପରିବର୍ତ୍ତନ ଘଟିବ | ଏହି ନିର୍ବାଚନ ଏକ ଭାଇଚାରା ର ନିର୍ବାଚନ | ଏହି ନିର୍ବାଚନ ହେଉଛି କୃଷକଙ୍କ ନିର୍ବାଚନ |
ସେ କହିଥିଲେ, ଏହା ନେତାଜୀ ଙ୍କ ର ଅଞ୍ଚଳ ଅଟେ। ଏଠାରେ ନେତାଜୀ ଅଧ୍ୟୟନ କରିଥିଲେ, ଏଠାରେ ନେତାଜୀ କୁସ୍ତି ଲଢୁଥିଲେ | ଏହିଠାରେ ହିଁ ନେତାଜୀ ରାଜନୀତି ଶିଖିଲେ I ତାଙ୍କ ଦ୍ୱାରା ସୃଷ୍ଟ ସମାଜବାଦୀ ପାର୍ଟି ର ସୁନାମ ଆଜି ସାରା ଭାରତବର୍ଷ ରେ ଅଛି I
