ନୀତି ଆୟୋଗ ବୈଠକ ମଝିରୁ ଉଠି ଆସିଲେ ମମତା ବାନାର୍ଜୀ
ଭୁବନେଶ୍ୱର: ଜୁଲାଇ ୨୭: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଜୁଲାଇ ୨୭ ରେ ଶନିବାର ଦିନ ନୂଆଦିଲ୍ଲୀରେ NITI ଆୟୋଗଙ୍କ ନବମ Governing Council ବୈଠକରୁ ଅଧାରୁ ବାହାରି ଆସିବା ନେଇ ରାଜନୀତି ଆରମ୍ଭ ହେଇଯାଇଛି I ତାଙ୍କୁ ମାତ୍ର ପାଞ୍ଚ ମିନିଟ୍ କଥା ହେବାକୁ ଅନୁମତି ଦିଆଯାଇଥିବା ନେଇ ସେ ଅଭିଯୋଗ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ନୀତି ଆୟୋଗ ବୈଠକ ଅନୁଷ୍ଠିତ ହେଉଛି। ‘
‘ମୁଁ କହିଲି ତୁମେ (କେନ୍ଦ୍ର ସରକାର) ରାଜ୍ୟ ସରକାରଙ୍କ ପ୍ରତି ଭେଦଭାବ କରିବା ଉଚିତ୍ ନୁହେଁ। ମୁଁ କହିବାକୁ ଚାହୁଁଥିଲି କିନ୍ତୁ ମୋ ମାଇକ୍ ମ୍ୟୁଟ୍ ହୋଇଗଲା | ମୋତେ କେବଳ ପାଞ୍ଚ ମିନିଟ୍ କଥା ହେବାକୁ ଅନୁମତି ଦିଆଗଲା | ମୋ ପୂର୍ବରୁ ଲୋକମାନେ 10-20 ମିନିଟ୍ ପର୍ଯ୍ୟନ୍ତ କହିଥିଲେ’ ବୋଲି ମମତା ବାନାର୍ଜୀ NITI ଆୟୋଗ ବୈଠକରୁ ବାହାରକୁ ଆସିବା ପରେ ଗଣମାଧ୍ୟମକୁ କହିଛନ୍ତି।
ପଶ୍ଚିମ ବଙ୍ଗଳା ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ “ମୁଁ ବିରୋଧୀ ଦଳର ଏକମାତ୍ର ବ୍ୟକ୍ତି ଯିଏ ଏଥିରେ ଭାଗ ନେଉଥିଲେ କିନ୍ତୁ ତଥାପି ମୋତେ କହିବାକୁ ଅନୁମତି ଦିଆଯାଇ ନଥିଲା। ଏହା ଅପମାନଜନକ …”
ବିରୋଧୀ-ଶାସିତ ଅନେକ ରାଜ୍ୟ ଏହି ବୈଠକରେ ଯୋଗ ଦେଇନାହାନ୍ତି I କଂଗ୍ରେସ ଶାସିତ ତିନୋଟି ରାଜ୍ୟର ମୁଖ୍ୟମନ୍ତ୍ରୀ – କର୍ଣ୍ଣାଟକର ସିଦ୍ଧରମୟI, ହିମାଚଳ ପ୍ରଦେଶର ସୁଖବିନ୍ଦର ସିଂ ସୁଖୁ ଏବଂ ତେଲେଙ୍ଗାନାର ରେଭନ୍ତ ରେଡ୍ଡୀ କେନ୍ଦ୍ର ବଜେଟରେ ୨୦୨୪ ରେ ସେମାନଙ୍କୁ ଉଚିତ ପ୍ରାପ୍ୟ ଦିଆଯାଇ ନ ଥିବା ଅଭିଯୋଗ କରି ନୀତି ଆୟୋଗ ବୈଠକ ରେ ଯୋଗଦେବେ ନାହିଁ ବୋଲି ଘୋଷଣା କରିଛନ୍ତି।
ତାମିଲନାଡୁର ମୁଖ୍ୟମନ୍ତ୍ରୀ ତଥା ଡିଏମକେ ନେତା ଏମ.କେ ଷ୍ଟାଲିନଙ୍କ ସହ କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟାନ ଏବଂ ଆମ୍ ଆଦମୀ ପାର୍ଟି ନେତୃତ୍ୱାଧୀନ ପଞ୍ଜାବ ଏବଂ ଦିଲ୍ଲୀ ସରକାର ମଧ୍ୟ ଏହି ବୈଠକରେ ଯୋଗ ଦେବାପାଇଁ ମନା କରିଦେଇଛନ୍ତି ।
ଏହି ସଭାରେ ଯୋଗ ଦେଇଥିବା ମମତା ବାନାର୍ଜୀ ଏହା ପୂର୍ବରୁ କହିଥିଲେ ଯେ ଏକ ସାଧାରଣ ପ୍ଲାଟଫର୍ମରେ ସେମାନଙ୍କ ସ୍ୱର ଉତ୍ତୋଳନ କରାଯିବା ଉଚିତ୍।
