ପୁରୀ, ୨୬ା୧୦: ଫୋକସରେ ପଞ୍ଚାୟତ ନିର୍ବାଚନ। ପଞ୍ଚାୟତ ନିର୍ବାଚନକୁ ତୁଲାଇବା ପାଇଁ ତୟାର ହେଉଛି ବିଜେଡି। ପଞ୍ଚାୟତ ସ୍ଥରରେ କେମିତି କାର୍ଯ୍ୟ କରିବାକୁ ହେବ। କେମିତି ସବୁ ଲୋକଙ୍କୁ ଏକଜୁଟ କରିବାକୁ ହେବ ସେନେଇ ଦିଆଯାଉଛି ପ୍ରଶିକ୍ଷଣ। ଲୋକଙ୍କ ପାଖରେ ସେମାନଙ୍କର ହକ୍ର ଯୋଜନା ପହଞ୍ଚାଇବା ପାଇଁ ଦିଆଯିବ ଟ୍ରୋନିଂ। ପ୍ରତି ପଞ୍ଚାୟତ ସ୍ତରରେ ବିଜେଡ କରୁଛି ପ୍ରଶିକ୍ଷଣ ଶିବିର। ପୁରୀରେ ମଧ୍ୟ ପଞ୍ଚାୟତ ନିର୍ବାଚନ ଦାୟିତ୍ୱ ତୁଲାଇବା ପାଇଁ ଛାତ୍ର ଓ ଯୁବ ବିଜେଡି କର୍ମକର୍ତ୍ତାଙ୍କୁ ଦିଆଯାଉଛି ଟ୍ରେନିଂ।
ଆଜି ଯୁବ ଓ ଆସନ୍ତାକାଲି ଛାତ୍ର ବିଜେଡି ସଂଗଠନର ହେବ ପ୍ରଶିକ୍ଷଣ ଶିବିର। ପୁରୀରେ ହେବାକୁ ଥିବା ଏହି ପ୍ରଶିକ୍ଷଣ ଶିବିରରେ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ଲୋକଙ୍କ ପାଖରେ ପହଞ୍ଚାଇବାକୁ ବ୍ଲକସ୍ତରୀୟ ବିଜେଡି ଯୁବ ଓ ଛାତ୍ରନେତାଙ୍କୁ ଦିଆଯିବ ଟ୍ରେନିଂ। ଦୁଇ ଦିନ ଯାକ ଭର୍ଚୁଆଲରେ ଯୁବ ଓ ଛାତ୍ର ବିଜେଡିକୁ ଟିପସ୍ ଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
ଡିଜିଟାଲ ମାଧ୍ୟମରେ ଲୋକଙ୍କୁ ଯୋଡ଼ି ଘରେ ଘରେ ଫାଇଭ୍-ଟିର ସଫଳତା ଦେଖାଇବା ନେଇ ପ୍ରଶିକ୍ଷଣ ଦିଆଯିବ। ପ୍ରଥମ ଥର ପାଇଁ ଦଳର ସମସ୍ତ ୩୧୪ ବ୍ଲକ ସଭାପତି ଓ ୧୧୯ ପୌର ସଭାପତିଙ୍କୁ ଦିଆଯିବ ଟ୍ରେନିଂ। ପଞ୍ଚାୟତ ନିର୍ବାଚନରେ ଯୁବ ଓ ଛାତ୍ର ଗୋଷ୍ଠୀର ବଡ଼ ଭୂମିକା ରହିଛି। ସେମାନଙ୍କୁ ନେଇ ବିଜୟର ରୋଡମ୍ୟାପ ପ୍ରସ୍ତୁତ କରିବ ବିଜେଡି ।
