ନୂଆଦିଲ୍ଲୀ: ଆଜି ଦିଲ୍ଲୀରେ ଅପରାହ୍ନରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନେତୃତ୍ୱରେ ବୈଠକ ବସିବ । ଏହା ପୂର୍ବୁରୁ ମଙ୍ଗଳବାର ସଂଧ୍ୟାରେ ମମତା ଦିଲ୍ଲୀରେ ପହଞ୍ଚିଛନ୍ତି। ଏହାପରେ ସେ ଏନସିପି ସୁପ୍ରିମୋ ଶରଦ ପାଓ୍ୱାରଙ୍କୁ ଭେଟି ରାଷ୍ଟ୍ରପତି ପ୍ରାର୍ଥୀ ହେବାକୁ ମନାଇବାକୁ ପ୍ରୟାସ କରିଥିବା ସୂଚନା ରହିଛି। ହେଲେ ଏହି ବୈଠକକୁ ଏନଡିଏର ଅନ୍ୟତମ ବିରୋଧୀ ଏଆଇଏମଆଇଏମକୁ ଡକାଯାଇନଥିବାରୁ ଦଳ ଅସନ୍ତୋଷ ପ୍ରକାଶ କରିଛି। ସେହିପରି ସିପିଆଇ ଏମ୍ ମହାସଚିବ ମଧ୍ୟ ମମତାଙ୍କ ଏପରି ପ୍ରସ୍ତାବ ଏବଂ ଏକାକୀ ରାଷ୍ଟ୍ରପତି ପ୍ରାର୍ଥୀ ନିଷ୍ପତ୍ତିକୁ ନେଇ ଅସନ୍ତୋଷ ପ୍ରକାଶ କରିଛନ୍ତି। ଏମିତିକି ବୈଠକରେ ତାଙ୍କ ଦଳର ଶୀର୍ଷ ନେତା ଉପସ୍ଥିତ ରହିବେ ନାହିଁ ବୋଲି ସୀତାରାମ ୟେଚୁରୀ ସ୍ପଷ୍ଟ କରିଛନ୍ତି।
ଖବର ସରବରାହ ସଂସ୍ଥା ପିଟିଆଇର ରିପୋର୍ଟ ଅନୁଯାୟୀ, ସିପିଆଇ (ଏମ୍)ର ସାଧାରଣ ସଚିବ ସୀତାରାମ ୟେଚୁରୀ କହିଛନ୍ତି ଯେ ରାଷ୍ଟ୍ରପତି ନିର୍ବାଚନ ପ୍ରାର୍ଥୀ ଚୟନକୁ ନେଇ ମମତା ବାନାର୍ଜୀ ଆହ୍ୱାନରେ ବରିଷ୍ଠ ନେତୃତ୍ୱ ଅଂଶଗ୍ରହଣ କରିବେ ନାହିଁ। ଅନ୍ୟପକ୍ଷରେ, ବୈଠକକୁ ନିମନ୍ତ୍ରଣ କରାଯାଇ ନଥିବାରୁ ଏଆଇଏମଆଇଏମ ଅସନ୍ତୋଷ ବ୍ୟକ୍ତ କରିଛି। ଏଥିସହିତ ଦିଲ୍ଲୀରେ ପହଞ୍ଚିବା ପରେ ମମତା ବାନାର୍ଜୀ ଏନସିପି ମୁଖ୍ୟ ଶରଦ ପାୱାରଙ୍କୁ ଭେଟିଥିଲେ।
ମମତା ବାନାର୍ଜୀ ମଧ୍ୟ ଶନିବାର ଦିନ 22 ଜଣ ବିରୋଧୀ ଦଳର ନେତାଙ୍କୁ ଏକ ଚିଠି ଲେଖିଥିଲେ। ଏକାଠି ହୋଇ ରାଷ୍ଟ୍ରପତି ପ୍ରାର୍ଥୀ ଦେବାକୁ ଅଣ ଏନଡିଏ ଦଳକୁ ସେ ଆହ୍ୱାନ କରିଥିଲେ। ତେବେ ମମତା ବାନାର୍ଜୀ 2021ରେ ବିଧାନସଭା ନିର୍ବାଚନରେ ବିଜୟ ହାସଲ କରିବା ପରଠାରୁ ବିରୋଧୀ ଦଳଗୁଡ଼ିକୁ ଏକଜୁଟ କରିବାକୁ ଚେଷ୍ଟା କରିଆସୁଛନ୍ତି।
ସିପିଆଇ (ଏମ୍) ସାଧାରଣ ସମ୍ପାଦକ ସୀତାରାମ ୟେଚୁରୀ ଏବଂ ସିପିଆଇ ସାଧାରଣ ସମ୍ପାଦକ ଡି ରାଜା କହିଛନ୍ତି ଯେ ଜୁନ୍ 15ରେ ହେବାକୁ ଥିବା ବୈଠକରେ ଯୋଗଦେବେ ନାହିଁ। ସେମାନେ ସଭାରେ ଯୋଗଦେବାକୁ କିନ୍ତୁ ସାଂସଦ ପଠାଇବେ। ସେହିପରି ଏହି ବୈଠକକୁ ଶିବସେନା ସୁପ୍ରିମୋ ତଥା ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଆସିପାରିବେ ନାହିଁ ବୋଲି ଶିବସେନା କହିଛି। ଉଦ୍ଧବଙ୍କର ଅଯୋଧ୍ୟା ଗସ୍ତ କାର୍ଯ୍ୟକ୍ରମ ରହିଥିବା ସୂଚନା ରହିଛି।
ପିଟିଆଇ ନ୍ୟୁଜ୍ ଅନୁଯାୟୀ ସାଧାରଣ ସମ୍ପାଦକ ସୀତାରାମ ୟେଚୁରୀ ମଙ୍ଗଳବାର କହିଛନ୍ତି ଯେ ରାଷ୍ଟ୍ରପତି ନିର୍ବାଚନ ପାଇଁ ଏନସିପି ମୁଖ୍ୟ ଶରଦ ପାୱାର ବିରୋଧୀ ଦଳର ପ୍ରାର୍ଥୀ ହେବାକୁ ମନା କରି ଦେଇଛନ୍ତି। ଶରଦ ପାୱାର ୟେଚୁରୀ, ସିପିଆଇ ସାଧାରଣ ସମ୍ପାଦକ ଡି ରାଜା ଏବଂ ଏନସିପି ନେତା ପ୍ରଫୁଲ୍ଲ ପଟେଲ ଏବଂ ପିସି ଚାକୋଙ୍କୁ ଦିଲ୍ଲୀରେ ଭେଟି ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନକରିବାକୁ ନିଷ୍ପତ୍ତି ନେଇଛନ୍ତି।
ୟେଚୁରୀ କହିଛନ୍ତି ଯେ ମୋତେ କୁହାଯାଇଛି ଯେ ରାଷ୍ଟ୍ରପତି ନିର୍ବାଚନ ପାଇଁ ପାୱାର ବିରୋଧୀଙ୍କ ଚେହେରା ହେବେ ନାହିଁ। ଅନ୍ୟ ନାମକୁ ବିଚାର କରାଯାଉଛି। ବିରୋଧୀ ସୂତ୍ରରୁ ପ୍ରକାଶ ଯେ ପାୱାର ଏପରି ଏକ ନିର୍ବାଚନରେ ପ୍ରାର୍ଥୀ ହେବାକୁ ଅନିଚ୍ଛା ପ୍ରକାଶ କରିଛନ୍ତି କାରଣ ଏହି ନିର୍ବାଚନରେ ବିରୋଧୀଙ୍କ ଚେହେରା ହେଲେ ବିଜୟ ସମ୍ବାବନା କମ୍।
ଅନ୍ୟପକ୍ଷରେ, ୟେଚୁରୀଙ୍କ ସାକ୍ଷାତ ପରେ ମମତା ବାନାର୍ଜୀ ଶରଦ ପାୱାରଙ୍କୁ ଭେଟି ତାଙ୍କୁ ମନାଇବା ପାଇଁ ଚେଷ୍ଟା କରିଥିଲେ। ତେବେ ବୈଠକ ପରେ ଶରଦ ପାୱାର ରାଜି ହୋଇଛନ୍ତି କି ନାହିଁ ତାହା ସ୍ପଷ୍ଟ ହୋଇନାହିଁ। ଯେତେବେଳେ ମମତା ବାନାର୍ଜୀଙ୍କ ସମ୍ପର୍କରେ ପଚରାଗଲା- କହିଲା ଆସନ୍ତାକାଲି କହିବି।
ଅନ୍ୟପକ୍ଷରେ, ବୈଠକକୁ ନିମନ୍ତ୍ରଣ କରାଯାଇ ନ ଥିବାରୁ ହାଇଦ୍ରାବାଦର ଦଳ ଏଆଇଏମଆଇଏମ ଅସନ୍ତୋଷ ବ୍ୟକ୍ତ କରିଛି। ଦଳର ବରିଷ୍ଠ ନେତା କହିଛନ୍ତି ଯେ ଏହା କି ପ୍ରକାର ବୈଠକ, ଯେଉଁଥିରେ ତାଙ୍କୁ ନିମନ୍ତ୍ରଣ କରାଯାଇ ନାହିଁ।
