କଟକ: କଟକକୁ ପୁଣି ଫେରିଲା ଆନ୍ତର୍ଜାତୀୟ ମ୍ୟାଚ । ବାରବାଟୀରେ ହେବ ଭାରତ- ଦକ୍ଷିଣ ଆଫ୍ରିକା ଟି-୨୦ ମ୍ୟାଚ । ଆସନ୍ତା ଜୁନ ମାସରେ ହେବାକୁ ଯାଉଥିବା ଭାରତ – ଦକ୍ଷିଣ ଆଫ୍ରିକା ଟି-୨୦ ସିରିଜର ଏକ ମ୍ୟାଚ ବାରବାଟୀ ଷ୍ଟାଡିୟମରେ ଅନୁଷ୍ଠିତ ହେବ ।
ବାରବାଟୀରେ ମ୍ୟାଚ କରାଇବା ନେଇ ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ ସହିତ ଓସିଏ ସଂପାଦକ ସଞ୍ଜୟ ବେହେରାଙ୍କ ସହିତ ବିଶେଷ ଆଲୋଚନା ହେଇଛି । ଓଡ଼ିଶା କ୍ରିକେଟ ଆସୋସିଏସନର ଅନୁରୋଧକୁ ରକ୍ଷା କରି ବିସିସିଆଇ ସହମତି ଜଣାଇଥିବା ଓସିଏ ସମ୍ପାଦକ ସଞ୍ଜୟ ବେହେରା ଗଣମାଧ୍ୟମକୁ ଜଣାଇଛନ୍ତି । ଜୁନ ମାସରେ ବାରବାଟୀ ଷ୍ଟାଡିୟମରେ ଏହି ମ୍ୟାଚ ଦର୍ଶକଙ୍କ ଖଚାଖଚ ଭିଡ଼ରେ ଅନୁଷ୍ଠିତ ହେବ । ତେବେ ଫେବ୍ରୁଆରୀ ମାସରେ ଓ୍ୱେଷ୍ଟ ଇଣ୍ଡିଜ୍ ମ୍ୟାଚ ପାଇଁ ଓସିଏ ସମସ୍ତ ପ୍ରସ୍ତୁତି କରିସାରିଥିଲା । କିନ୍ତୁ କୋଭିଡ୍ କଟକଣା ପାଇଁ ଶେଷ ମୂହୁର୍ତ୍ତରେ ଏହି ମ୍ୟାଚ ବାତିଲ ହୋଇଯାଇଥିଲା ।
