ଫେବୃଆରୀ ୨୩
ବୁଧବାର ଗିରଫ ହୋଇଥିବା ମହାରାଷ୍ଟ୍ର ମନ୍ତ୍ରୀ ନବାବ ମଲିକ PMLA ମାମଲାରେ ଜଡିତ ଏବଂ ସେଥିରେ ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମ୍ ଏବଂ ଅନ୍ୟମାନଙ୍କ ସମ୍ପୃକ୍ତି ରହିଛି ବୋଲି ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ପକ୍ଷରୁ କୁହାଯାଇଛି I
ବିଶେଷ ସୂତ୍ରରୁ ପ୍ରକାଶ ଯେ, କିଛି ରିଅଲ୍ ଇଷ୍ଟେଟ୍ ପ୍ରୋଜେକ୍ଟରେ ନବାବ ମଲିକଙ୍କ ବେନାମୀ ବିନିଯୋଗର ବିବରଣୀ ଇଡି ପାଇଛନ୍ତି। ଏହି ଆଧାରରେ ମଲିକ ଙ୍କୁ ହେଫଜାତ କୁ ନିଆଯାଇଛି I
I
ଦାଉଦଙ୍କ ଭାଇ ଇକବାଲ କାସକରଙ୍କଠାରୁ ରେକର୍ଡ କରାଯାଇଥିବା ବିବୃତ୍ତି ଆଧାରରେ ମଲିକଙ୍କୁ ଡକାଯାଇଥିଲା। କାସକରଙ୍କ ବିବୃତ୍ତିରେ କିଛି ଜମି କାରବାର ବିଷୟରେ ଉଲ୍ଲେଖ କରାଯାଇଛି, ଯେଉଁଥି ପାଇଁ ମଲିକ ଙ୍କୁ ଡକାଯାଇଛି I
ଶୁକ୍ରବାର ଦିନ ଇଡି ଦାଉଦଙ୍କ ଭାଇ ଇକବାଲ କାସକରଙ୍କୁ ଗିରଫ କରିଥିଲା। କାସକର ଫେବୃଆରୀ ୨୪ ପର୍ଯ୍ୟନ୍ତ ଇଡିଙ୍କ ହେପାଜତ ରେ ରହିବ ।
ନବାବ ମଲିକ ମହାରାଷ୍ଟ୍ର ସରକାର ର ଜଣେ ଟାଣୁଆ ମନ୍ତ୍ରୀ I ଘଟଣା ରୁ ପ୍ରକାଶ ପ୍ରାୟ ୮ ଘଣ୍ଟା ଧରି ପଚରାଉଚରା କରିବା ପରେ ମନ୍ତ୍ରୀ ଙ୍କୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଗିରଫ କରିଛି I
ତାଙ୍କୁ ଇଡି କାର୍ଯ୍ୟାଳୟରୁ ବାହାରକୁ ନିଆଯିବାବେଳେ ମାଲିକ ତାଙ୍କ ସମର୍ଥକ ମାନଙ୍କୁ କହିଥିଲେ- “ଝୁକେଙ୍ଗେ ନହିଁ….ଲଢ଼େଙ୍ଗେ ଔର ଜିତେଙ୍ଗେ ) I
ଭୋର ପ୍ରାୟ ୫ ଟା ସମୟରେ ଇଡି ର ଟିମ ମଲିକଙ୍କ ଘରକୁ ଯାଇ କୁର୍ଲା ଜମି କାରବାରରେ ପଚରାଉଚରା ପାଇଁ ତାଙ୍କୁ ନେଇ ଯାଇଥିଲେ।
ବହୁ ସଂଖ୍ୟାରେ ଜାତୀୟତାବାଦୀ କଂଗ୍ରେସ ପାର୍ଟି ର କର୍ମୀ ମଲିକଙ୍କ ବିରୋଧରେ କାର୍ଯ୍ୟାନୁଷ୍ଠାନକୁ ବିରୋଧ କରିବା ପାଇଁ ଇଡି ଅଫିସ ସମ୍ମୁଖରେ ବିଭିନ୍ନ ସ୍ଲୋଗାନ ଦେଉଥିବାର ଲକ୍ଷ କରାଯାଉଥିଲା I ଇଡି ପକ୍ଷରୁ ସୁରକ୍ଷା ପାଇଁ ସିଆଇଏସଏଫ
ଏବଂ ମୁମ୍ବାଇ ପୋଲିସ୍ କୁ ସୁରକ୍ଷା ପାଇଁ ନିୟୋଜିତ କରାଯାଇଥିଲା I
ଏନସିପିର ବରିଷ୍ଠ ନେତାମାନେ ମଲିକ ଙ୍କ ଗିରଫଦାରୀ କୁ ନିନ୍ଦା କରିଛନ୍ତି I ବିରୋଧୀ ଙ୍କୁ ଚୁପ କରିବା ପାଇଁ ଭାରତୀୟ ଜନତା ପାର୍ଟି ଏହିଭଳି କାର୍ଯ୍ୟ କରୁଛି ବୋଲି ଏନସିପିର ନେତାମାନେ କହିଛନ୍ତି I
