ଫେବୃଆରୀ ୨୭/ ଉଗାଣ୍ଡାର ଜଣେ ମହିଳା ଙ୍କ ଠାରୁ ୭ କୋଟି ଟଙ୍କାର ହେରୋଇନ ଜବତ କରାଯାଇଛି I ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ କଷ୍ଟମ ଅଧିକାରୀ ମାନେ ଏହି ମହିଳାଙ୍କ ଠାରୁ ୭ କୋଟି ଟଙ୍କାର ହେରୋଇନ ଚୋରା ଚାଲାଣ କରୁଥିବା ବେଳେ ଧରିଛନ୍ତି I
ଜଣେ କଷ୍ଟମ ଅଧିକାରୀ କହିଛନ୍ତି ଯେ ମହିଳା ଜଣକ ଏୟାର ଇଣ୍ଡିଆ ବିମାନ ଯୋଗେ ନାଇରୋବି ରୁ ଆସି ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ଓଲ୍ହାଇଥିଲେ I ପରେ ତାଙ୍କୁ ପୋଲିସ କୁ ହସ୍ତାନ୍ତର କରାଯାଇଛି I
କଷ୍ଟମ ଅଧିକାରୀ ଙ୍କ ସୂତ୍ରରୁ ପ୍ରକାଶ, ତାଙ୍କଠାରୁ ୬୯ ଟି କ୍ୟାପସୁଲ ଉଦ୍ଧାର କରାଯାଇଛି I ଯେଉଁଥିରେ ୯୪୬ ଗ୍ରାମ ଓଜନର ନାର୍କୋଟିକ୍ ପଦାର୍ଥ (ହିରୋଇନ୍) ରେ ଭର୍ତ୍ତି ହେଇଛି I ଜବତ ହୋଇଥିବା କ୍ୟାପସୁଲର ମୂଲ୍ୟ ସାତ କୋଟି ଟଙ୍କା ହେବ ।
ଅଧିକାରୀ କହିଛନ୍ତି ଯେ ସୁରକ୍ଷା ଯାଞ୍ଚ ସମୟରେ ମହିଳା ଜଣକ ବିବ୍ରତ ହେଉଥିବାର ଦେଖାଯାଇଥିଲା I ପରେ ଅଧିକାରୀ ମାନେ ତାଙ୍କ ଲଗେଜ୍କୁ ଭଲଭାବେ ଖୋଜି ହିରୋଇନ୍ କ୍ୟାପସୁଲ ଉଦ୍ଧାର କରିଥିଲେ।
କଷ୍ଟମ୍ସ ଅଧିକାରୀ ତାଙ୍କୁ କୋର୍ଟରେ ହାଜର କରିଥିଲେ ଏବଂ ତାଙ୍କୁ ନ୍ୟାୟିକ ହେପାଜତକୁ ପଠାଯାଇଛି I ଅଧିକାରୀ କହିଛନ୍ତି ଯେ ଏହି ଘଟଣାର ଅଧିକ ତଦନ୍ତ ଚାଲିଛି।
