ନୂଆଦିଲ୍ଲୀ ୧୮/୦୫: ମେ ୧୭ ରୁ କାନ୍ସ ଫିଲ୍ମ ଫେଷ୍ଟିଭାଲ୍ ଆୟୋଜିତ ହୋଇଯାଇଛି। ପ୍ରଥମ ଦିନରେ ଦୀପିକା ପାଦୁକୋନ୍ ତାଙ୍କ ଷ୍ଟାଇଲିସ୍ ଅନ୍ଦାଜରେ ସମସ୍ତଙ୍କ ହୃଦୟ ଜିତିଛନ୍ତି। କାନ୍ସ ଫିଲ୍ମ ଫେଷ୍ଟିଭାଲର ପ୍ରଥମ ଦିନରୁ ସୋସିଆଲ ମିଡିଆରେ ଦୀପିକା ପାଦୁକୋନଙ୍କ ଫଟୋ ଭାଇରାଲ ହେବାରେ ଲାଗିଛି। ଏହି ବର୍ଷ ଦୀପିକା କାନ୍ସ ଫିଲ୍ମ ଫେଷ୍ଟିଭାଲର ଜୁରୀର ଏକ ଅଂଶ ଏବଂ ସେ ରେଡ କାର୍ପେଟରେ ତାଙ୍କର ଜଲୱା ଜାରି ରଖିଛନ୍ତି। ଏହାର ଫଟୋଗୁଡ଼ିକ ଫେଷ୍ଟିଭାଲ୍ ଡି କାନ୍ସର ଅଫିସିଆଲ୍ ଇନଷ୍ଟାଗ୍ରାମ୍ ଆକାଉଣ୍ଟରେ ସେୟାର କରାଯାଇଛି।
ସବ୍ୟସାଚୀଙ୍କ ଦ୍ୱାରା ଡିଜାଇନ୍ କରାଯାଇଥିବା ବ୍ଲାକ୍ ଏବଂ ଗୋଲ୍ଡେନ୍ ଶାଢୀରେ ଦୀପିକା ଚମତ୍କାର ଦେଖାଯାଉଛନ୍ତି। ଅଭିନେତ୍ରୀ ତାଙ୍କର ଏହି ଲୁକରେ ଫଟୋସୁଟ୍ କରିଛନ୍ତି। ଏହି ଫଟୋସୁଟର ଝଲକ ସେ ସୋସିଆଲ ମିଡିଆରେ ଦେଖାଇଛନ୍ତି। ଫଟୋଗୁଡିକୁ ସେୟାର କରି ଅଭିନେତ୍ରୀ କ୍ୟାପସନରେ ଲେଖିଛନ୍ତି, ‘ସବ୍ୟସାଚୀ କହିଛନ୍ତି, ଶାଢୀ ଗୋଟିଏ କାହାଣୀ, ଯାହା ବିଷୟରେ କହିବା ମୁଁ କେବେ ବନ୍ଦ କରିବି ନାହିଁ। ଆମେ ଦୁନିଆରେ ଯେଉଁଠାରେ ଥାଉ, ଏହା ସବୁଆଡେ। ଏବଂ ମୁଁ ଏଥିରେ ଅଧିକ ସହମତ ହୋଇପାରିଲି ନାହିଁ।
ଲୋକମାନେ ସୋସିଆଲ ମିଡିଆରେ କ୍ରମାଗତ ଭାବରେ ଦୀପିକାଙ୍କ ଲୁକ୍ ବିଷୟରେ ଲେଖୁଛନ୍ତି। ଅଭିନେତ୍ରୀଙ୍କ ନୂଆ ଲୁକ୍ ଲୋକଙ୍କ ହୃଦୟ ଜିତୁଛି। ଜଣେ ୟୁଜର୍ ଲେଖିଛନ୍ତି, ‘ଷ୍ଟାଇଲ୍ ମାମଲାରେ ଦୀପିକା ପାଦୁକୋନଙ୍କ ପରି କେହି ନାହାଁନ୍ତି।’ ଅନ୍ୟ ଜଣେ ଲେଖିଛନ୍ତି, ‘ଆମେ ଦୀପିକାଙ୍କ ପାଇଁ ଗର୍ବିତ …।’
