ମୁମ୍ବାଇ: ନବବିବାହିତା ଦମ୍ପତି କ୍ୟାଟ୍ରିନା କୈଫ୍ ଓ ଭିକି କୌଶଲ୍ଙ୍କର କିଛି ରୋମାଣ୍ଟିକ୍ ଫଟୋ ଓ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ୍ ହୋଇଛି। ଏହି ପତି-ପତ୍ନୀ ଏବେ ଛୁଟି ମନାଇବାକୁ ବାହାରକୁ ଯାଇଛନ୍ତି। ଦୁହେଁ ଭିକି ଓ କ୍ୟାଟ୍ ଗୋଟାଏ ପରେ ଗୋଟାଏ ଫଟୋ କ୍ଲିକ୍ କରି ଇନ୍ଷ୍ଟାଗ୍ରାମ୍ରେ ସେୟାର୍ କରି ଚାଲିଛନ୍ତି। ଗୁରୁବାର ଦିନ ପ୍ରଥମେ କ୍ୟାଟ୍ ନିଜର ରୋମାଣ୍ଟିକ୍ ଭ୍ୟାକେସନ୍ର ଏକ ଝଲକ ଫ୍ୟାନ୍ସଙ୍କୁ ଦେଇଥିବା ଦେଖିବାକୁ ମିଳିଥିଲା। ଏବେ ଭିକି ବି କିଛି ଭଲ ଫଟୋ ସେୟାର୍ କରିଥିବାର ଦେଖିବାକୁ ମିଳିଛି।
ତେବେ ଫଟୋରେ ଦେଇଥିବା କ୍ୟାପ୍ସନ ପାଇଁ ଟ୍ରେଲ୍ ହୋଇଛନ୍ତି ଭିକି। ସେ ଲେଖିଛନ୍ତି, ‘ଏଠାରେ ୱାଇଫାଇ ନାହିଁ। ପୁଣି ବି ବଢ଼ିଆ ସଂଯୋଗ’। ଯାହାର ଉତ୍ତରରେ ପ୍ରଶଂସକ ଲେଖିଛନ୍ତି, ‘ୱାଇଫାଇ ନାହିଁ ତ ଫଟୋ କିପରି ଅପ୍ଲୋଡ୍ କଲ’? ଆଉ ଜଣେ ଲେଖିଛନ୍ତି, ‘ୱାଇଫାଇ ନାହିଁ, ପୁଣି ବି ଫଟୋ ଅପ୍ଲୋଡ୍ କରିବାର ମାଧ୍ୟମ କାଢ଼ିଦେଲ?’ ଆଉ କିଛି ପ୍ରଶଂସକ ଭିକିଙ୍କର ଖୁବ୍ ପ୍ରଶଂସା ବି କରିଛନ୍ତି। କେହି କେହି ଭିକିଙ୍କୁ ହିରୋ ବୋଲି କହିଥିବା ବେଳେ ଆଉକେହି ତାଙ୍କ ଫଟୋରେ ହାର୍ଟ ଇମୋଜି ଦେଇଛନ୍ତି।
ଉଲ୍ଲେଖଯୋଗ୍ୟ, ଗତ ବର୍ଷ ଡିସେମ୍ବର ୯ରେ କ୍ୟାଟ୍ରିନା ଏବଂ ଭିକି ରାଜସ୍ଥାନରେ ବିବାହ କରିଥିଲେ। ଏହି ରାଜକୀୟ ବିବାହରେ କେବଳ ବଲିଉଡ ଇଣ୍ଡଷ୍ଟ୍ରିର କିଛି ଲୋକମାନେ ସାମିଲ୍ ହୋଇଥିଲେ। ଭିକି ଓ କ୍ୟାଟ୍ରିନା ବଲିଉଡର ଅନ୍ୟତମ ଚର୍ଚ୍ଚିତ ଦମ୍ପତି । ଭିକି ଏବଂ କ୍ୟାଟ୍ରିନା ଦୀର୍ଘ ଦିନ ଏକାଠି ରହିଥିଲେ ହେଁ, ଦୁହେଁ ନିଜ ସମ୍ପର୍କ ବିଷୟରେ କାହାକୁ କିଛି ଜଣାଇ ନଥିଲେ।
