କଟକ : ମହାନଦୀ ପଠାରେ ସମସ୍ତ ପ୍ରକାର ସ୍ଥାୟୀ ନିର୍ମାଣ ଉପରେ ରୋକ ଳଗାଯାଇଛି । ପରିବେଶ ସୁରକ୍ଷା ଓ ମହାନଦୀ ପଠାର ସୁରକ୍ଷା ଉପରେ ଏନଜିଟି ଗୁରୁତ୍ୱାରୋପ କରିବା ସହିତ ୭ ଜଣିଆ ବିଶେଷଜ୍ଞ କମିଟି ଗଠନ ପାଇଁ ନିର୍ଦ୍ଦେଶ ଦେଇଛନ୍ତି । ନ୍ୟାଦେଶ ପର୍ଯ୍ୟନ୍ତ ମହାନଦୀ ପଠାରେ କୌଣସି ପ୍ରକାର ସ୍ଥାୟୀ ନିର୍ମାଣକୁ ଅନୁମତି ଦିଆଯିବ ନାହିଁ । ଏଭଳି ନିର୍ଦ୍ଦେଶ ଦେଇଛନ୍ତି ଜାତୀୟ ଗ୍ରିନ୍ ଟ୍ରିବୁନାଲ ।
୨୦୨୦ ଡିସେମ୍ବର ୧୫ରେ ଏନଜିଟିଙ୍କ ନିର୍ଦ୍ଦେଶରେ ଗଠିତ କମିଟିର ୫ ଜଣ ସଦସ୍ୟ ରହିଥିଲେ । ଏହି ସଦସ୍ୟଙ୍କ ସହିତ ପ୍ରଫେସର ସି.ଆର.ବାବୁ ଓ ପ୍ରଫେସର ପି.ସି.ମିଶ୍ରଙ୍କୁ ନେଇ ଯୁଗ୍ମ କମିଟି ଗଠନ କରାଯିବ । ମହାନଦୀ ନଦୀଶଯ୍ୟା ସହିତ ପରିବେଶର ସୁରକ୍ଷା ପାଇଁ କଣ ପଦକ୍ଷେପ ଗ୍ରହଣ କରାଯିବ ସେ ନେଇ ତିନି ମାସ ଭିତରେ କମିଟି ରିପୋର୍ଟ ଦାଖଲ କରିବ ବୋଲି ଏନଜିଟି ନିର୍ଦ୍ଦେଶ ଦେଇଛନ୍ତି ।
