ଭୁବନେଶ୍ୱର: ଜୁନ ୨୬: ଓଡିଶାରେ ମଦ ଉପରେ ପ୍ରତିବନ୍ଧକ ଲଗାଯିବା ନେଇ ଆଶଙ୍କା ପ୍ରକାଶ ପାଇଛି I ଡ୍ରଗ୍ ଅପବ୍ୟବହାର ବିରୋଧରେ ଆନ୍ତର୍ଜାତୀୟ ଦିବସ ଅବସରରେ ସାମ୍ବାଦିକମାନଙ୍କ ସହ କଥାବାର୍ତା କରିବ ଅବସରରେ, ମନ୍ତ୍ରୀ ନିତ୍ୟାନନ୍ଦ ଗୋଣ୍ଡ କହିଛନ୍ତି ଯେ ରାଜସ୍ୱ କ୍ଷତି ଭୟରେ ରାଜ୍ୟ ମଦ ବିକ୍ରିକୁ ଉତ୍ସାହିତ କରିପାରିବ ନାହିଁ। ମଦ ଯୋଗୁଁ ସମାଜ ପ୍ରଦୂଷିତ ହେଉଛି।
“ମଦ୍ୟପାନ ନିଶା ଜୀବନକୁ ନଷ୍ଟ କରୁଛି। ଏହା ଯନ୍ତ୍ରଣା ମଧ୍ୟକୁ ନେଇଯାଉଛି I ଆମ ସରକାର ଓଡିଶାକୁ ମଦମୁକ୍ତ କରିବା ଉପରେ ଦୃଷ୍ଟି ଦେବେ ଏବଂ ନିଶା ସେବନକୁ ମଧ୍ୟ ନିରୁତ୍ସାହିତ କରିବେ। ରାଜ୍ୟରେ ଡ୍ରଗ୍ସ ସେବନକୁ ହ୍ରାସ କରିବାକୁ ପଦକ୍ଷେପ ନିଆଯିବ। ଆମେ ଏକ୍ସାଇଜ୍ ଏବଂ ଅନ୍ୟାନ୍ୟ ବିଭାଗ ସହ ଏ ବାବଦରେ ଆଲୋଚନା କରିବୁ ଏବଂ ଏହାକୁ ପର୍ଯ୍ୟାୟକ୍ରମେ କାର୍ଯ୍ୟକାରୀ କରିବୁ I ବିଭିନ୍ନ ରାଜ୍ୟରେ ନିଷେଧାଦେଶ ଲାଗୁ କରାଯାଇଛି ବୋଲି ସେ କହିଛନ୍ତି।
ଓଡିଶା 1956 ମସିହାରେ Orissa Prohibition Act ପ୍ରଣୟନ କରିଥିଲା, ଯାହା ଜାନୁଆରୀ 19, 1957 ରେ ଭାରତର ରାଷ୍ଟ୍ରପତିଙ୍କ ଅନୁମୋଦନ ପାଇଥିଲା। ତଥାପି ଏହି ଆଇନ ବାବଦରେ ଏପର୍ଯ୍ୟନ୍ତ ବିଜ୍ଞପ୍ତି ପ୍ରକାଶ କରାଯାଇ ନାହିଁ। ରାଜ୍ୟରେ ମଦ ଏବଂ ଡ୍ରଗ୍ସ ଉତ୍ପାଦନ, ବିକ୍ରୟ ତଥା ବ୍ୟବହାର ଉପରେ ନିଷେଧାଦେଶ ପ୍ରଣୟନ ତଥା ସମ୍ପ୍ରସାରଣ ଉଦ୍ଦେଶ୍ୟରେ ରାଜ୍ୟ ବିଧାନସଭା Orissa Prohibition Act , 1956 ପାରିତ କରିଛି।
ଜୁନ୍ 2022 ରେ ଓଡ଼ିଶା ହାଇକୋର୍ଟ 2013 ମସିହାରେ Orissa Prohibition Act , 1956 କାର୍ଯ୍ୟକାରିତା ପାଇଁ ଦାଖଲ ହୋଇଥିବା ଏକ ପିଏଲକୁ ଖାରଜ କରିଦେଇଥିଲେ। ତତ୍କାଳୀନ ନବୀନ ପଟ୍ଟନାୟକ ନେତୃତ୍ୱାଧୀନ ସରକାର ଗୋଟିଏ ଆଫିଡେଭିଟରେ କହିଥିଲେ ଯେ ଏହାର “ଓଡ଼ିଶା ନିଷେଧ ଆଇନ, 1956 କାର୍ଯ୍ୟକାରୀ କରିବାକୁ କୌଣସି ପ୍ରସ୍ତାବ ନାହିଁ”।
