ନେପାଳରେ ବିମାନ ଦୁର୍ଘଟଣା: ୧୮ ମୃତ
ଭୁବନେଶ୍ୱର: ଜୁଲାଇ ୨୪ ତାରିଖ: ବୁଧବାର ପୂର୍ବାହ୍ନରେ କାଠମାଣ୍ଡୁରେ ଥିବା ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରୁ ସୌର୍ଯ୍ୟ ଏୟାରଲାଇନ୍ସର ଗୋଟିଏ ବିମାନ ଉଡିବାକୁ ଆରମ୍ଭ କରିବା ସମୟରେ ବିମାନଟି ରନୱେରୁ ଖସିଯିବା ଫଳରେ ବିମାନରେ ନିଆଁ ଲାଗିଯାଇଥିଲା ଏବଂ ଏହି ଘଟଣାରେ ୧୮ ଜଣଙ୍କର ମୃତ୍ୟୁ ଘଟିଛି।
ଏହି ବିମାନରେ ଦୁଇ ଜଣ ପରିଚାଳକ ଏବଂ ୧୭ ଜଣ ଟେକ୍ନିସିଆନ ଥିଲେ I ବିମାନଟି ଟେକ୍ନିସିଆନଙ୍କୁ ନେଇ ପୋଖରା ସହରକୁ ରକ୍ଷଣାବେକ୍ଷଣ ଯାଞ୍ଚ ପାଇଁ ଯାଉଥିଲା I
ପାଇଲଟ ମନୀଷ ଶଙ୍କରଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାକୁ ନିଆଯାଇଛି ଏବଂ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଛି I
କାଠମାଣ୍ଡୁ ପୋଷ୍ଟ ଦ୍ୱାରା ଉଦ୍ଧୃତ ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ବିମାନଟି ଉଡ଼ିବା ସମୟରେ ୱିଙ୍ଗ୍ ଟିପ୍ ଭୂମି ଉପରେ ମାଡ ହେବାପରେ ବିମାନଟି ରନୱେରୁ ଖସି ଯାଇଥିଲା I ସଙ୍ଗେ ସଙ୍ଗେ ବିମନାଟିରେ ନିଆଁ ଲାଗି ଯାଇଥିଲା ଏବଂ ରନୱେର ପୂର୍ବ ପାର୍ଶ୍ୱରେ ଥିବା ଏକ ଖାଲରେ ଅଟକି ଯାଇଥିଲା I
ଗତ ବର୍ଷ ଜାନୁଆରୀରେ ନେପାଳର ପର୍ଯ୍ୟଟନ ସହର ପୋଖରାରେ ଅବତରଣ କରିବା ପୂର୍ବରୁ ୟେଟି ଏୟାରଲାଇନ୍ସର ବିମାନ ଦୁର୍ଘଟଣାଗ୍ରସ୍ତ ହେବା ପରେ ପାଞ୍ଚ ଜଣ ଭାରତୀୟଙ୍କ ସମେତ ୭୨ ଜଣଙ୍କର ମୃତ୍ୟୁ ଘଟିଥିଲା। ଅନ୍ୟ ଏକ ମର୍ମନ୍ତୁଦ ଦୁର୍ଘଟଣା ୧୯୯୨ ରେ ଘଟିଥିଲା, ଯେତେବେଳେ ପାକିସ୍ତାନ ଇଣ୍ଟରନ୍ୟାସନାଲ ଏୟାରଲାଇନ୍ସ ଏୟାରବସ୍ କାଠମାଣ୍ଡୁ ନିକଟରେ ଏକ ପାହାଡ ଉପରେ ଖସିପଡିବା ଫଳରେ ୧୬୭ ଜଣଙ୍କର ମୃତ୍ୟୁ ଘଟିଥିଲା।
