ଧର୍ମଗଡ଼: ମାଓବାଦୀଙ୍କ ଲଙ୍କାକାଣ୍ଡ। ଜାଳିଦେଲେ ଜେସିବି, ଟିପର ଓ ଟ୍ରାକ୍ଟର । ମାଓବାଦୀମାନେ ବିଳମ୍ବିତ ରାତିରେ ଠିକାକାମରେ ନିୟୋଜିତ ଥିବା ଗାଡ଼ିଗୁଡ଼ିକରେ ନିଆଁ ଲଗାଇ ଦେଇଛନ୍ତି । ଭବାନିପାଟଣାର ଜଣେ ଠିକାଦାରଙ୍କ ରାସ୍ତାକାମ ଚାଲିଥିବା ବେଳେ ଏଭଳି ଲଙ୍କାକାଣ୍ଡ ଭିଆଇଛନ୍ତି ମାଓବାଦୀ । ଭବାନୀପାଟଣା ସଦର ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ସୂଚନା ଅନୁଯାୟୀ, ଭବାନୀପାଟଣା ସଦର ବ୍ଲକ ଯୁଗସାଇପାଟଣା ପୋଖରୀ ଘାଟି ମାନସ୍କାରେ ପ୍ରଧାନମନ୍ତ୍ରୀ ସଡ଼କ ଯୋଜନାରେ ରାସ୍ତା ନିର୍ମାଣ କାର୍ଯ୍ୟ ଚାଲିଥିଲା । ମାଓବାଦୀମାନେ ଏହାକୁ ବିରୋଧ କରି ରାସ୍ତା କାମରେ ନିୟୋଜିତ ଥିବା ୩ ଟ୍ରାକ୍ଟର, ୨ଟି ଟିପର ଓ ଗୋଟିଏ ଜେସିବିକୁ ଜାଳି ଦେଇଛନ୍ତି। ସିପିଆଇ ମାଓବାଦୀ ଓଡ଼ିଶା ରାଜ୍ୟ କମିଟି ପକ୍ଷରୁ ବ୍ୟାପକ ପୋଷ୍ଟର ଲଗାଯାଇଛି। ଘଟଣାସ୍ଥଳରେ ଏବେଯାଏଁ ପୋଲିସ ପହଞ୍ଚି ନଥିବା ବେଳେ ୨୦୧୮ ପରେ ମାଓ ସଂଙ୍ଗଠନର ଏହା ଏକ ବଡ଼ ହିଂସାକାଣ୍ଡ ବୋଲି ସୂଚନା ରହିଛି।
