ଯାଜପୁର: ଚଳନ୍ତା ବସ୍ରେ ନାବାଳିକା ଛାତ୍ରୀଙ୍କୁ ଦୁର୍ବ୍ୟବହାର ଅଭିଯୋଗ । ଯାଜପୁର ରୋଡ ଥାନାରେ ଏତଲା ଦେଲେ ଛାତ୍ରୀଙ୍କ ପରିବାର ଲୋକେ । ଅଭିଯୁକ୍ତ ଯୁବକକୁ ଥାନାରେ ଅଟକ ରଖି ପୋଲିସର ପଚରାଉଚରା ଜାରି ରଖିଛି । ଚଣ୍ଡିଖୋଲରୁ ଯାଜପୁରରୋଡ ଯିବା ବେଳେ ଦୁର୍ବ୍ୟବହାର ହୋଇଥିବା ନେଇ ଅଭିଯୋଗ ହୋଇଛି ।
ସୂଚନା ଅନୁସରେ, ବ୍ଯାସନଗର ସ୍ଥିତ ସାପଗଡିଆ ଅଂଚଳର ଜନୈକ ବ୍ଯକ୍ତିଙ୍କ ଝିଅ ଚଣ୍ଡିଖୋଲର ଏକ କଲେଜରେ ପାଠ ପଢ଼ନ୍ତି। ତେବେ ଆଜି କଲେଜରେ କ୍ଲାସ କରି ସାରି ଘରକୁ ଏକ ଘରୋଇ ବସରେ ଛାତ୍ରୀ ଜଣକ ଆସୁଥିଲେ । ମଝି ରାସ୍ତାରେ ଚଳନ୍ତା ବସ୍ରେ ସମ୍ପୃକ୍ତ ଯୁବକ ଦୁର୍ବ୍ୟବହାର କରିଥିଲେ । ଯାହାକୁ ନେଇ ଛାତ୍ରୀ ଜଣକ ବସର ଡ୍ରାଇଭର, ହେଲ୍ପରଙ୍କୁ ଜଣାଇଥିଲେ ।ଛାତ୍ରୀ ଜଣକ ପ୍ରତିବାଦ କରିବାରୁ ବାଟରେ ଓହ୍ଲାଇ ପଳାଇଥିଲା ଅଭିଯୁକ୍ତ । ଘରେ ପହଞ୍ଚି ଛାତ୍ରୀ ଜଣାଇବା ପରେ ଏତଲା ଦେଇଥିଲେ ପରିବାର ଲୋକ । ଯାଜପୁର ରୋଡ ପୋଲିସ ଖବର ପାଇବା ପରେ ତୁରନ୍ତ ଘଟଣା ସ୍ଥଳରେ ପହଞ୍ଚି ଛାତ୍ରୀ ଓ ତାଙ୍କ ବାପାଙ୍କ ନିକଟରୁ ସମସ୍ତ ଅଭିଯୋଗ ଶୁଣିବା ପରେ ସମ୍ପୃକ୍ତ ଯୁବକକୁ ଖୋଜାଖୋଜି କରିଥିଲେ । ଏଥିସହିତ ଯୁବକକୁ ଗିରଫ କରି ଥାନାକୁ ଆଣି ପଚରାଉଚରା କରୁଥିବା ବିଶେଷ ସୂତ୍ରରୁ ଖବର ମିଳିଛି।
