ପୁରୀ: ପୁରୀ ରେଳ ଷ୍ଟେସନରୁ ଯାତ୍ରୀଙ୍କ ଠାରୁ ଜବତ ହୋଇଛି ବିଡା ବିଡା ଟଙ୍କା । ଲଗେଜ ସ୍କାନରରେ ସ୍କାନିଙ୍ଗ ବେଳେ ଯାତ୍ରୀଙ୍କ ବ୍ୟାଗରୁ ମିଳିଛି ୨୮ ଲକ୍ଷ ୮୫ ହଜାର ୫ଶହ ଟଙ୍କା । ଆରପିଏଫ ଥାନା ପକ୍ଷରୁ ଏହି ଟଙ୍କା ଜବତ କରାଯାଇଛି । ଅଟକ ଥିବା ଯୁବକ ଜଣକ ହେଉଛନ୍ତି ବିଶାଖାପାଟଣା ନରସିପାଟନମର ଉଦୟ କୁମାର । ଆରପିଏଫ ପୁଲିସ୍ ସମ୍ପୃକ୍ତ ଯୁବକଙ୍କୁ ଥାନାରେ ଅଟକ ରଖି ପଚରାଉଚରା ସହ ଘଟଣାର ତଦନ୍ତ ଆରମ୍ଭ କରିଛି। ସମ୍ପୃକ୍ତ ଯାତ୍ରୀଙ୍କ ନାଁ ଉଦୟ କୁମାର ଓ ଘର ବିଶାଖାପାଟଣାର ନରସିପାଟନମ୍ରେ ବୋଲି ଜଣା ପଡ଼ିଛି। ଏତେ ଗୁଡିଏ ଟଙ୍କା ଉଦୟ କେଉଁଠୁ ଆଣିଲେ ସେନେଇ ଆରପିଏଫ ତଦନ୍ତ ଚଳାଇଥିବା ବେଳେ ଜମି ବିକ୍ରି କରି ଏସବୁ ଟଙ୍କା ଆଣିଥିବା ଉଦୟ କହିଛନ୍ତି ।
