ନୂଆଦିଲ୍ଳୀ: ବିବାହ ବନ୍ଧନରେ ବାନ୍ଧି ହେଲେ ତାମିଲ୍ ଅଭିନେତ୍ରୀ ନୟନତାରା ଏବଂ ନିର୍ଦ୍ଦେଶକ ବିଘ୍ନେଶ ଶିବାନ। ସାଉଥ ଫିଲ୍ମ ଇଣ୍ଡଷ୍ଟ୍ରିର ଚର୍ଚ୍ଚିତ ଷ୍ଟାର କପଲ୍ ହେଲେ ବିଗ୍ନେଶ ଶିବନ ଏବଂ ନୟନତାରା । ବହୁ ଦିନ ହେବ ଦୁହିଁଙ୍କ ବିବାହକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରି ରହିଥିଲେ। ଆଜି ସେହି ଦିନ ଆସିଯାଇଛି । ୯ଜୁନ୍ ଅର୍ଥାତ୍ ଆଜି ନୟନତାରା ଏବଂ ବିଗ୍ନେଶ୍ ଦୁହେଁ ବିବାହ ବନ୍ଧରେ ବାନ୍ଧି ହୋଇଛନ୍ତି । ଦମ୍ପତିଙ୍କ ବିବାହ ବିଷୟରେ ଅଧିକ ସୂଚନା ମିଳିପାରି ନାହିଁ । କିନ୍ତୁ ରିସର୍ଟ ଏବଂ ଅତିଥିମାନଙ୍କ ବିଷୟରେ କିଛି କିଛି ଖବର ସାମ୍ନାକୁ ଆସୁଛି ।ନିଜ ପରିବାର ଓ ବନ୍ଧୁପରିଜନଙ୍କ ଉପସ୍ଥିତିରେ ଦୁହେଁ ପରସ୍ପରଙ୍କୁ ଜୀବନସାଥୀ ରୂପେ ବରଣ କରିଛନ୍ତି। ସେମାନେ ସେମାନଙ୍କ ବିବାହର ପ୍ରଥମ ଫଟୋ ସୋସିଆଲ୍ ମିଡିଆରେ ସେୟାର କରିଛନ୍ତି। ଏହି ଷ୍ଟାର୍ ଦମ୍ପତିଙ୍କ ବିବାହରେ ରଜନୀକାନ୍ତ, ଶାହାରୁଖ୍ ଖାନ୍, ବିଜୟ ସେଥୁପତି, ମଣି ରତ୍ନମ୍ ଏବଂ ଶିବ କାର୍ତ୍ତିକେୟନ୍ ଆଜି ବଡ଼ ବଡ଼ ଷ୍ଟାର୍ ଉପସ୍ଥିତ ହୋଇଥିଲେ।
ବିବାହ ଶେଷ ହେବା ପରେ ଉଭୟ ଶିବନ ଏବଂ ନୟନତାର ସେମାନଙ୍କ ଇନ୍ଷ୍ଟା ଆକାଉଣ୍ଟରେ ଦୁହିଁଙ୍କ ବିବାହ ବେଳର ଫଟୋ ଅପ୍ଲୋଡ୍ କରିଛନ୍ତି। ଦୁହେଁ ବିବାହ ଫଟୋ ଓ କ୍ୟାପ୍ସନ ଜରିଆରେ ନିଜର ଖୁସି ବ୍ୟକ୍ତ କରିଛନ୍ତି। ସେପଟେ ଫ୍ୟାନ୍ମାନେ ମଧ୍ୟ ନୟନତାରାଙ୍କୁ ବଧୂ ବେଶରେ ଦେଖି ବେଶ୍ ଖୁସି ଅଛନ୍ତି। ଉଭୟ ନୟନତାରା ଓ ବିଘ୍ନେଶଙ୍କ ୱେଣ୍ଡିଂ ଲୁକ୍ ଫ୍ୟାନ୍ମାନଙ୍କୁ ବେଶ୍ ପସନ୍ଦ ଆସିଛି। ସମସ୍ତେ ତାଙ୍କୁ ତାଙ୍କ ବିବାହ ପାଇଁ ଶୁଭେଚ୍ଛା ଜଣାଇଛନ୍ତି।
