ଭୁବନେଶ୍ୱର: ମେଡ଼ିକାଲ କଲେଜରେ ନାମ ଲେଖାଇବାକୁ କହି ଠକେଇ ଅଭିଯୋଗରେ ଦୁଇ ଜଣଙ୍କୁ ଗିରଫ କରିଛି ଇନଫୋସିଟଇ ଥାନା ପୋଲିସ । ମେଡିକାଲ ଶିକ୍ଷା ପାଇଁ ସିଟ୍ ବ୍ୟବସ୍ଥା କରି ନାମ ଲେଖାଇ ଦେବାକୁ କହି ୩୨ ଲକ୍ଷ ଟଙ୍କା ଠକି ନେଇଛନ୍ତି ଦୁର୍ବୃତ୍ତ । ଏଭଳି ଦୁଇ ଜଣ ଠକଙ୍କୁ ଗିରଫ କରିଛି ଭୁବନେଶ୍ୱର ଇନ୍ଫୋସିଟି ଥାନା ପୋଲିସ । ଅଭିଯୁକ୍ତ ମାନେ ହେଲେ ଅଭିମନ୍ୟୁ କୁମାର ସିଂ ଓ ସୁଗତ ଚୌଧୁରୀ ।
ସେମାନଙ୍କ ଠାରୁ ୧୦ ଲକ୍ଷରୁ ଅଧିକ ଟଙ୍କା ଜବତ କରିବାରେ ସଫଳ ହୋଇଛି ପୋଲିସ । ଜଣକୁ କୋଲକତାରୁ ଏବଂ ଆଉ ଜଣକୁ ପାଟନା ରେଳ ଷ୍ଟେସନ୍ରୁ ଗିରଫ କରିଛି ଇନ୍ଫୋସିଟି ଥାନା ପୋଲିସ । ସେମାନଙ୍କ ନିକଟରୁ ଠକେଇରେ ବ୍ୟବହୃତ ହୋଇଥିବା ୨ଟି ଲାପଟପ,୮ଟି ମୋବାଇଲ ଓ ଗୋଟିଏ ଜାଲ୍ ଆଧାର କାର୍ଡ ଜବତ ହୋଇଛି । ଏମାନେ ଖାଲି ଓଡ଼ିଶା ନୁହନ୍ତି କର୍ଣ୍ଣାଟକ,ବିହାର, କୋଲକତା ଓ ଛତିଶଗଡ଼ ଭଳି ବିଭନ୍ନ ରାଜ୍ୟରେ ଠକେଇ କରିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।
ବିଭନ୍ନ ହସ୍ପିଟାଲ୍୍ରେ ଡାକ୍ତର ଥିବା କହି ପିଲା ଓ ଅଭିଭାବକମାନଙ୍କ ମନରେ ବିଶ୍ୱାସ ଜନ୍ମାଉଥିଲେ । ତା ପରେ ମେଡିକାଲ କଲେଜରେ ସିଟ୍ କରାଇ ଦେବେ କହି ଲୁଟୁଥିଲେ ଲକ୍ଷ ଲକ୍ଷ ଟଙ୍କା । ଇନ୍ଫୋସିଟି ଥାନାରେ ଗତ ୫ ତାରିଖ ଦିନ ଜଣେ ଯୁବତୀ ଏଭଳି ଠକେଇର ଶିକାର ହୋଇଥିବା ଅଭିଯୋଗ କରିଥିଲେ । ସେହି ଏଫ୍ଆଇଆର ଆଧାରରେ ପୋଲିସ ତଦନ୍ତ କରୁଛି। ଏହି ଦୁଇ ଜଣ ଠକ ସେମାନଙ୍କର ନାଁ ବଦଳାଇ ଜାଲ ପରିଚୟ ପତ୍ର ତିଆରି କରି ବିଭନ୍ନ ରାଜ୍ୟ ବୁଲୁଥିଲେ ।
ରାଜଧାନୀର ଏକ ନାମୀ ମେଡିକାଲ କଲେଜରେ ସିଟ୍ କରାଇ ଦେବେ କହି ଏମାନେ ଏହି ଯୁବତୀଙ୍କ ଠାରୁ ୩୨ ଲକ୍ଷ ଟଙ୍କା ନେଇଥିଲେ । ପୋଲିସ୍ର ଖୋଳତାଡ଼ ପରେ ଜଣାପଡ଼ିଛି କି ଏହି ଦୁଇ ଠକ ଅନେକ ଲୋକଙ୍କୁ ଏମଳି ଭାବେ ଚିତା କାଟିଛନ୍ତି ।