ଆବୁଧାବି: ୟୁଏଇର ରାଷ୍ଟ୍ରପତି ସେଖ ଖଲିଫା ବିନ ଜାୟଦ ଅଲ ନାହୟାନଙ୍କ ପରଲୋକ । ଏନେଇ ୟୁଏଇର ସରକାରୀ ଗଣମାଧ୍ୟମ ଡବ୍ଲୁଏଏମ ସୂଚନା ଦେଇଛି । ଶୁକ୍ରବାର ତାଙ୍କର ଦେହାନ୍ତ ହୋଇଛି । ଶେଖ ଖଲିଫା ୨୦୦୪ ନଭେମ୍ବର ୩ରେ ୟୁନାଇଡେଟ ଆରବ ଏମିରେଟସରର ରାଷ୍ଟ୍ରପତି ଭାବେ ଦାୟିତ୍ୱ ନେଇଥିଲେ । ଏହା ସହ ଆବୁଧାବିର ଶାସନ କ୍ଷମତା ମଧ୍ୟ ତାଙ୍କ ହାତରେ ରହିଥିଲା । ମୃତ୍ୟୁବେଳକୁ ତାଙ୍କୁ ୭୩ ବର୍ଷ ବୟସ ହୋଇଥିଲା। ଶେଖ୍ ଖୋଲିବା ଗତ କିଛି ବର୍ଷ ଧରି ଅସୁସ୍ଥ ଥିଲେ। ରାଷ୍ଟ୍ରପତିଙ୍କ ବିୟୋଗରେ ଦେଶରେ ୪୦ ଦିନ ପାଇଁ ରାଷ୍ଟ୍ରୀୟ ଶୋକ ଘୋଷଣା କରାଯାଇଛି । ସେହିଭଳି ୟୁଏଇର ଜାତୀୟ ପତାକାକୁ ଅର୍ଦ୍ଧନିମିତ ରଖାଯାଇଛି । ଦେଶର ସମସ୍ତ ମନ୍ତ୍ରାଳୟ, ବିଭାଗ, ସଂଘୀୟ ଓ ସ୍ଥାନୀୟ ସଂସ୍ଥାନକୁ ବନ୍ଦ କରାଯାଇଛି ।
ଶେଖ ଖଲିଫା ୨୦୧୯ରେ ଚତୁର୍ଥ ଥର ପାଇଁ ୟୁଏଇ ରାଷ୍ଟ୍ରପତି ଭାବେ ନିର୍ବାଚିତ ହୋଇଥିଲେ | ୟୁଏଇର ସୁପ୍ରିମ କାଉନସିଲ ତାଙ୍କୁ ପୁଣିଥରେ ରାଷ୍ଟ୍ରପତି ଭାବେ ନିର୍ବାଚିତ କରିଥିଲା। ସେ ୧୮ ବର୍ଷ ଧରି ଦେଶର ଶାସନ ଭାର ସମ୍ଭାଳୁଥିଲେ | ସଂଯୁକ୍ତ ଆରବ ଏମିରେଟ୍ସର ରାଷ୍ଟ୍ରପତି ତଥା ଆବୁଧାବିର ଶାସକ ଭାବେ ଶେଖ ଖଲିଫା ୩ ନଭେମ୍ବର ୨୦୦୪ ରୁ ଦାୟିତ୍ବ ଗ୍ରହଣ କରିଥିଲେ। ତାଙ୍କ ପିତାଙ୍କ ଉତ୍ତରାଧିକାରୀ ଭାବରେ ଶେଖ ଖଲିଫା ମନୋନୀତ ହୋଇଥିଲେ।
