ଫେବୃଆରୀ ୨୨
କୋଲକାତାର ନେଟାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରର କଷ୍ଟମ ଅଧିକାରୀମାନେ ସୋମବାର ଏକ ଘରୋଇ କାର୍ଗୋ କମ୍ପ୍ଲେକ୍ସରୁ 48 ଲକ୍ଷ ଟଙ୍କା ମୂଲ୍ୟର ସିଗାରେଟ ଷ୍ଟିକ ଜବତ କରିଛନ୍ତି।
ଏକ ବିଶେଷ ସୂତ୍ରରୁ ଖବର ପାଇବା ପରେ କଷ୍ଟମ ଅଧିକାରୀମାନେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ I ଏ ବାବଦରେ ଏକ ମାମଲା ରୁଜୁ ହୋଇଛି।
କଷ୍ଟମ ଅଧିକାରୀ କହିଛନ୍ତି ଯେ, ଫେବୃଆରୀ ୨୧ ରେ ଏକ ନିର୍ଦ୍ଦିଷ୍ଟ ଖବର ଆଧାରରେ ଡିମାପୁରରୁ କୋଲକାତା ଅଭିମୁଖେ ଯାଉଥିବା ବିମାନ କୁ ନେଟାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରରେ ଯାଞ୍ଚ କରାଯାଇଥିଲା I ଏହି ସମୟ ରେ ଘରୋଇ କାର୍ଗୋ କମ୍ପ୍ଲେକ୍ସରୁ ପ୍ରାୟ 48 ଲକ୍ଷ ମୂଲ୍ୟର ସିଗାରେଟ୍ ଜବତ କରାଯାଇଥିଲା।
କଷ୍ଟମ୍ସ ଆକ୍ଟର ଧାରା ୧୧୦ ଅନୁଯାୟୀ ସିଗାରେଟ ଜବତ କରାଯାଇଛି।
ଅଧିକାରୀ କହିଛନ୍ତି, “ଏହା NDPS ଆକ୍ଟର ବିଭିନ୍ନ ବିଭାଗ ଅଧୀନରେ ଏହା ଦଣ୍ଡନୀୟ ଅଟେ। ଉକ୍ତ ନିଶା ଦ୍ରବ୍ୟ କିଏ ଆଣୁଥିଲା ସେ ସମ୍ପର୍କରେ ଜାଣିବା ପାଇଁ ଘଟଣାର ଅଧିକ ତଦନ୍ତ ଜାରି ରହିଛି।”
