ଜୁଲାଇ ପହିଲାରୁ ପଞ୍ଜାବରେ ୩୦୦ ୟୁନିଟ୍‌ ମାଗଣା ବିଦ୍ୟୁତ୍‌ ଘୋଷଣା କଲେ ‘ଆପ୍‌’ ସରକାର

0
149

ଚଣ୍ଡୀଗଡ଼: ଜୁଲାଇ ପହିଲାରୁ ପ୍ରତି ପରିବାର ପାଇଁ ୩୦୦ ୟୁନିଟ୍‌ ମାଗଣା ବିଦ୍ୟୁତ୍‌ ଯୋଗାଇ ଦେବାକୁ ଆଜି ପଞ୍ଜାବର ‘ଆମ୍‌ ଆଦ୍‌ମୀ ପାର୍ଟି’ (ଆପ୍‌) ସରକାର ଘୋଷଣା କରିଛନ୍ତି।

ଆଜି କ୍ଷମତାସୀନ ହେବାର ଏକ ମାସ ପୂର୍ତ୍ତୀ ଅବସରରେ ଭଗୱନ୍ତ ମାନ୍‌ ନେତୃତ୍ବାଧୀନ ଉପରୋକ୍ତ ଘୋଷଣା କରିଛନ୍ତି। ଚଳିତ ମାସରେ ପଞ୍ଜାବ ସରକାର ମାଗଣା ବିଦ୍ୟୁତ୍‌ ଘୋଷଣା କରିପାରନ୍ତି ବୋଲି ସୂଚନା ଦେଇ ମଙ୍ଗଳବାର ଦିନ ମୁଖ୍ୟମନ୍ତ୍ରୀ ଭଗୱନ୍ତ ମାନ୍‌ ମଙ୍ଗଳବାର ଦିନ କହିଥିଲେ, ଖୁବ୍‌ ଶୀଘ୍ର ରାଜ୍ୟବାସୀଙ୍କୁ ସେ ସୁ-ସମ୍ବାଦ ଜଣାଇବେ।

ଟୁଇଟ୍‌ କରି ମାନ୍‌ ଲେଖିଥିଲେ, ଆ‌ମ ନେତା ତଥା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍‌ଙ୍କ ସହିତ ଗୁରୁତ୍ବପୂର୍ଣ୍ଣ ବୈଠକ ହୋଇଛି। ଖୁବ୍‌ ଶୀଘ୍ର ପଞ୍ଜାବବାସୀଙ୍କୁ ମୁଁ ଶୁଭଖବର ଦେବି।

ପରିବାର ପିଛା ୩୦୦ ୟୁନିଟ୍‌ ମାଗଣା ବିଦ୍ୟୁତ୍‌ ଯୋଗାଇ ଦେବ ବୋଲି ‘ଆପ୍‌’ ପଞ୍ଜାବ ବିଧାନସଭା ନିର୍ବାଚନ ପ୍ରଚାର ଅଭିଯାନ ବେଳେ ପ୍ରତିଶ୍ରୁତି ଦେଇଥିଲା। ଏଭଳି ପ୍ରତିଶ୍ରୁତି ଦେବା ଅବସରରେ ‘ଆପ୍‌’ର ଆବାହକ ତଥା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍‌ କହିଥିଲେ, ରାଜ୍ୟରେ ବଳକା ବିଜୁଳିଶକ୍ତି ଉତ୍ପାଦନ ସତ୍ତ୍ବେ ଦୀର୍ଘ ସମୟ ଧରି ବିଜୁଳିକାଟ ଚାଲୁଛି ଏବଂ ଅନେକ ଲୋକ ଅଧିକ ଟଙ୍କାର ଭୁଲ୍‌ ବିଜୁଳି ବିଲ୍‌ ପାଉଛନ୍ତି।

ଉଲ୍ଲେଖଯୋଗ୍ୟ, ଦିଲ୍ଲୀରେ ‘ଆପ୍‌’ ସରକାର ପ୍ରତି ମାସରେ ୨୦୦ ୟୁନିଟ୍‌ ମାଗଣା ବିଜୁଳି ଯୋଗାଇ ଦେଉଛନ୍ତି।

Also Read  ଆଗାମୀ ୫ ଘଣ୍ଟା ମଧ୍ୟରେ ଲଘୁଚାପ ପାଲଟି ଓଡ଼ିଶା ଉପକୂଳରେ ପହଞ୍ଚିବ ‘ଜୋୱାଦ୍‌’

LEAVE A REPLY

Please enter your comment!
Please enter your name here