ବାରିପଦା ଆଇଟିଡିଏ ସହକାରୀ ଯନ୍ତ୍ରୀଙ୍କ ଘରୁ ମିଳିଲା ନଗଦ ୪୧ ଲକ୍ଷ, ୬୫୯ ଗ୍ରାମ ସୁନା

0
152
ଘରୁ ମିଳିଲା ନଗଦ ୪୧ ଲକ୍ଷ
ଘରୁ ମିଳିଲା ନଗଦ ୪୧ ଲକ୍ଷ

ବାରିପଦା: ବାରିପଦା ଆଇଟିଡିଏର ସହକାରୀ ଯନ୍ତ୍ରୀ ସନ୍ତୋଷ ଦାସଙ୍କ ଘରେ ଦ୍ୱିତୀୟ ଦିନରେ ଜାରି ରହିଛି ଭିଜିଲାନ୍ସ ରେଡ୍। ଚଢାଉ ବେଳେ ୪୧.୭୭ ଲକ୍ଷ ନଗଦ ଟଙ୍କା ଜବତ କରିଛି ଭିଜିଲାନ୍ସ। ବିଳମ୍ବିତ ରାତିରେ ରେଡ୍ ବେଳେ, ବାଲେଶ୍ୱର ସ୍ଥିତ ଘରୁ ୨୮ଲକ୍ଷ ୧୭ହଜାର ୮୦୦ ନଗଦ ଟଙ୍କା ସହ ୬୫୯ ଗ୍ରାମ ସୁନା ଜବତ ହୋଇଛି। ପୂର୍ବରୁ ୧୩.୬ ଲକ୍ଷ ଟଙ୍କା ଜବତ ହୋଇଥିଲା। ଭୁବନେଶ୍ୱର ବରଗଡ଼ ବ୍ରିଟ୍ କଲୋନୀରେ ଥିବା ଘରର ପତ୍ତା ପାଇ ଭିଜିଲାନ୍ସ ରେଡ୍ ଆରମ୍ଭ କରିଛି। ଭୁବନେଶ୍ୱର ଓ ବରଗଡ଼ରେ ଥିବା ୪ମହଲା କୋଠାର ମୂଲ୍ୟ ୫୬ ଲକ୍ଷରୁ ଅଧିକ ଟଙ୍କା ହେବ।

Itda Money 1ଗତକାଲି ଆୟବହିର୍ଭୂତ ସଂପତ୍ତି ଠୁଳ ଅଭିଯୋଗରେ ବାରିପଦା ଆଇଟିଡିଏ ସହକାରୀ ଯନ୍ତ୍ରୀ ସନ୍ତୋଷ ଦାସଙ୍କ ବାସଭବନ ସମେତ ଏଗାରଟି ସ୍ଥାନରେ ଭିଜିଲାନ୍ସ ଚଢ଼ାଉ ଆରମ୍ଭ କରିଥିଲା। କଟକ ଭିଜିଲାନ୍ସ ଦ୍ବାରା ଏହି ଚଢ଼ାଉ ଆଜି ସକାଳୁ ଆରମ୍ଭ ହୋଇଥିବାର ଖବର ମିଳିଛି।
୧୦ଜଣ ଡିଏସପି, ୪ ଜଣ ଇନ୍ସପେକ୍ଟର ଏବଂ ଅନ୍ୟ ୩୦ କର୍ମଚାରୀ ଏହି ଚଢ଼ାଉରେ ନିୟୋଜିତ ଅଛନ୍ତି। ଚଢ଼ାଉ ଚାଲିଥିବା ସ୍ଥାନଗୁଡିକ ହେଲା ଭୁବନେଶ୍ୱର ପ୍ଲଟ ନମ୍ବର ୨୪୦୪/ ଇବି-୫୦୨ଉପରେ ଅବସ୍ଥିତ ଚାରିମହଲା କୋଠା, ଫ୍ଲାଟ ନମ୍ବର ୧୦୫, ବିଜୟ ଏନକ୍ଲେଭ, ଶୈଳଶ୍ରୀ ବିହାର, ଭୁବନେଶ୍ୱର, ଭୁବନେଶ୍ୱରର କଳିଙ୍ଗ ବିହାରରେ ନିର୍ମାଣାଧୀନ କୋଠା, ବାଲେଶ୍ବରରରେ ଚାରି ମହଲା କୋଠା, ବାଲିଆପାଳରେ ପୈତୃକ ବାସଭବନ, ବାଲେଶ୍ବରର ସଦରରେ ଶଶୁର ଘର, ବାଲେଶ୍ବରର ଏଲଆଇସି କଲୋନି ନିକଟରେ ଥିବା ଜ୍ୱାଇଁଙ୍କ ଭଡ଼ା ଘର , ବାଲିଆପାଳରେ ଥିବା ଜ୍ୱାଇଁଙ୍କ ପୈତୃକ ଘର, ବାରିପଦାରେ ସନ୍ତୋଷ ଦାସଙ୍କ ଭଡ଼ା ଘର, ବାରପଦାରେ ଥିବା ତାଙ୍କ ସରକାରୀ କାର୍ଯ୍ୟାଳୟ, ମୟୂରଭଞ୍ଜର ବାଇସିଙ୍ଗାରେ ପୁଅଙ୍କ ଭଡା ଘର।

କଟକ ଭିଜିଲାନ୍ସ ଡିଏସପି ପି .କେ ଦ୍ବିବେଦୀଙ୍କ ସହ ୫ଜଣ କର୍ମଚାରୀ ବାଲିଆପାଳରେ ଚଢ଼ାଉ କରିଛନ୍ତି। ଏଠାରେ କେବଳ ସନ୍ତୋଷ ଦାସଙ୍କ ବାପା ରହନ୍ତି। ଏଠାରେ ଥିବା ତାଙ୍କ ଜମିବାଡ଼ି ଓ ସଂପତ୍ତିର ଆକଳନ କରୁଛନ୍ତି ଭିଜିଲାନ୍ସ ଟିମ୍। ଏନେଇ ଅଧିକ ତଥ୍ୟକୁ ଅପେକ୍ଷା କରାଯାଇଛି। ଏଅଞ୍ଚଳରେ ଏହା ଏକ ବଡ଼ ଧରଣର ଭିଜିଲାନ୍ସ ଚଢ଼ାଉ ବୋଲି କୁହାଯାଉଛି।

Also Read  ସୋନପୁର ଜିଲ୍ଲା ମୁଖ୍ୟ ଚିକତ୍ସାଳୟରେ ନବଜାତ ଶିଶୁକନ୍ୟା ଚୋରି

LEAVE A REPLY

Please enter your comment!
Please enter your name here