ମାର୍ଚ୍ଚ ୪ ତାରିଖ
ବ୍ରହ୍ମପୁର
ଆସନ୍ତାକାଲି ଭୁବନେଶ୍ୱରରୁ ରଙ୍ଗେଇଲୁଣ୍ଡା ପର୍ଯ୍ୟନ୍ତ ବିମାନ ସେବା ଆରମ୍ଭ ହେବ। ମାର୍ଚ୍ଚ ୫ ତାରିଖରେ ସକାଳ ୯.୩୦ ରେ ଗୋଟିଏ ନଅ ସିଟ୍ ବିଶିଷ୍ଟ ଅଣ-ନିର୍ଦ୍ଧାରିତ ବିମାନ ଭୁବନେଶ୍ୱରରୁ ବିମାନ ଉଡ଼ାଣ କରିବ ଯାହା ଗୋଟିଏ ଘଣ୍ଟା ମଧ୍ୟରେ ଗନ୍ତବ୍ୟ ସ୍ଥଳରେ ଅବତରଣ କରିବ |
ଆସନ୍ତାକାଲି ବିଜୁ ଜୟନ୍ତୀ ଅବସରରେ ବିମାନ ସେବା ଆରମ୍ଭ ହେବ।
ଏହି ବିମାନରେ କେବଳ ନଅ ଜଣ ଯାତ୍ରୀ ରହିବେ ଯାହା ସକାଳ ୧୦.୪୦ ରେ ରଙ୍ଗେଇଲୁଣ୍ଡା ରୁ ଫେରିବ। ଲୋକଙ୍କ ଆଗ୍ରହକୁ ଦେଖି କେତେ ଥର ବିମାନ ଯିବାଆସିବା କରିବ ଏବଂ କେତେ ସିଟ ବିଶିଷ୍ଟ ହେବ ସେ ନେଇ ନିଷ୍ପତ୍ତି ନିଆଯିବ I
ଏହାପୂର୍ବରୁ ଶୁକ୍ରବାର ଦିନ ବାଣିଜ୍ୟ ଓ ପରିବହନ ବିଭାଗର ମୁଖ୍ୟ ସଚିବ ଉଷା ପାଢ଼ୀ ରଙ୍ଗେଇଲୁଣ୍ଡା ଏୟାରଷ୍ଟ୍ରିପ୍ ର ସମ୍ପ୍ରସାରଣ କାର୍ଯ୍ୟର ସମୀକ୍ଷା କରିଥିଲେ।
ବାଣିଜ୍ୟ ଏବଂ ପରିବହନ ସଚିବ ପରୀକ୍ଷା ପରିଚାଳନା ପାଇଁ ପ୍ରସ୍ତୁତିର ସମୀକ୍ଷା କରିଥିଲେ I ସେ ରଙ୍ଗେଇଲୁଣ୍ଡା ପରିଦର୍ଶନ କରି ପ୍ରଶାସନ ଏବଂ ପୋଲିସ ବିଭାଗ ସହିତ ଏକ ଘଣ୍ଟାରୁ ଅଧିକ ସମୟ ଧରି ଆଲୋଚନା କରିଥିଲେ। ସେ ଏୟାରଷ୍ଟ୍ରିପରେ ନିର୍ମାଣାଧୀନ ଟର୍ମିନାଲ ଏବଂ ରନୱେ ପରିଦର୍ଶନ କରିଛନ୍ତି।
