କୋଟଗଡ଼: କନ୍ଧମାଳ ଜିଲ୍ଲାର କୁଟିବାଲି ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏଠାରେ ଗଛରେ ପିଟି ହୋଇ ଏକ ଭ୍ୟାନ୍ ଓଲଟିଛି। ଏହାଫଳରେ ଘଟଣାସ୍ଥଳରେ ୩ ଜଣଙ୍କର ମୃତ୍ୟୁ ହୋଇଛି।ତିନି ମୃତକ ମହିଳା। ସେମାନେ ହେଲେ ଜସ୍ମିତା ଗୁଣ୍ଡ୍ରା ମାଝୀ(୩୫), ଗୁଣ୍ଡ୍ରା ମାଝୀ, ମେରଗୁଡାଲୁ ଗୁଣ୍ଡ୍ରା ମାଝୀ(୫୦) ଓ ଅନାମଇ ଗୁଣ୍ଡ୍ରା ମାଝୀ(୧୯)।
ଏହାଛଡ଼ା ୩୦ରୁ ଅଧିକ ଲୋକ ଆହତ ହୋଇଛନ୍ତି। ଏମାନଙ୍କ ଭିତରୁ ୧୫ଜଣଙ୍କ ଅବସ୍ଥା ସଂକଟାପନ୍ନ ଥିବା କୁହାଯାଉଛି। ସମସ୍ତ ଆହତଙ୍କୁ ବାଲିଗୁଡ଼ା ଓ ବିଷମକଟକ ହସ୍ପିଟାଲରେ ଭର୍ତ୍ତି କରାଯାଇଛି। ଏମାନେ ବାହାଘର ଭୋଜି ଖାଇବାକୁ ଅତଳାରୁ କୋଟଗଡ଼ର ସାଲକି ଗାଁକୁ ମଦାଙ୍ଗି ଯାଉଥିଲେ।
