ବାଲିପାଟଣା : ଖୁସି ପାଲଟିଗଲା ଦୁଃଖ । କାଠଚକ୍ରି ବାଣ ଫୁଟି ଜଣଙ୍କର ମୃତ୍ୟୁ ହୋଇଛି । ଭୁବନେଶ୍ୱର ଉପକଣ୍ଠ ବାଲିପାଟଣା ବ୍ଲକ ନରିଶୋରେ ଦୋଳ ମେଳଣ ଅବସରରେ ଘଟିଛି ଏହି ଅଘଟଣ ।ମୃତକ ନିକଟସ୍ଥ ନରିଶୋ ଶାସନ ଗାଁର ସ୍ମୃତି ରଞ୍ଜନ ଷଡଙ୍ଗୀ ବୋଲି ଜଣାପଡିଛି ।
ସୂଚନା ଅନୁଯାୟୀ, ଶୁକ୍ରବାର ବିଳମ୍ବିତ ରାତିରେ ଦୋଳ ପୁର୍ଣ୍ଣିମା ଅବସରରେ ବାଣ ଫୁଟାଇ ଧୁମ୍ଧାମ୍ରେ ଝୁଲଣ ଉତ୍ସବ ପାଳନ କରୁଥିଲେ । ଏହି ସମୟରେ ସ୍ମୃତି ନିକଟରେ ଠିଆ ହୋଇଥିବା ବେଳେ ବାଣ ଛିଟିକି ପଡ଼ିଥିଲା । ଫଳରେ ତାଙ୍କ ମୁଣ୍ଡରେ ବାଜିଥିଲା । ପରେ ସେଠାରୁ ତାଙ୍କୁ ଉଦ୍ଧାର କରି କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ତାଙ୍କୁ ମୃତ ଘୋଷଣା କରାଯାଇଛି ।
