ନଭେମ୍ବର ୧୪
ଟି -20 ବିଶ୍ୱକପ ଶେଷ ପର୍ଯ୍ୟାୟରେ ପହଞ୍ଚିଛି। ରବିବାର ଫାଇନାଲରେ ଅଷ୍ଟ୍ରେଲିଆ ନ୍ୟୁଜିଲାଣ୍ଡକୁ ଭେଟିବ। ଉଭୟ ଦଳ ଏହି ଫର୍ମାଟରେ କେବେବି ବିଶ୍ୱ ଟାଇଟଲ୍ ଜିତି ନାହାଁନ୍ତି, ତେଣୁ ଏଥର ଟି -20 ରେ ଏକ ନୂଆ ବିଶ୍ୱ ଚାମ୍ପିଅନ୍ ହେବା ନିଶ୍ଚିତ।
ଆଜି ଯାଏ, ଆଇସିସି ଟୁର୍ନାମେଣ୍ଟରେ ନ୍ୟୁଜିଲାଣ୍ଡ ସବୁଠାରୁ ସଫଳ ଦଳ ଭାବେ ଉଭା ହୋଇଛି | 2015 ଠାରୁ ଆଜି ଭିତରେ , ଏହି ଦଳ ପଞ୍ଚମ ଫାଇନାଲ୍ ମ୍ୟାଚ୍ ଖେଳିବ | 2019 ODI ବିଶ୍ୱକପରେ ମଧ୍ୟ ନ୍ୟୁଜିଲାଣ୍ଡ ଦଳ ଫାଇନାଲରେ ପ୍ରବେଶ କରିଥିଲା, କିନ୍ତୁ ପରେ ମ୍ୟାଚ୍ ଏବଂ ସୁପର ଓଭର ଟାଏ ହେବା ପରେ ସେମାନଙ୍କୁ କମ୍ ଚୌକା ଥିବା ଆଧାରରେ ଟ୍ରଫିରୁ ବଞ୍ଚିତ କରାଯାଇଥିଲା | ଏହି ଟି -20 ବିଶ୍ୱକପ୍ର ସେମିଫାଇନାଲରେ ନ୍ୟୁଜିଲ୍ୟାଣ୍ଡର ବିଜୟ ର ହିରୋ ଜେମ୍ସ ନେଶାମ ମଧ୍ୟ ODI ବିଶ୍ୱକପ୍ର ଫାଇନାଲ ଖେଳିଥିଲେ। ତା’ପରେ ସେ ପରାଜୟରୁ ଏତେ ନିରାଶ ହୋଇଥିଲେ ଯେ ସେ କ୍ରିକେଟର ହୋଇନଥିଲେ ଭଲ ହୋଇଥାନ୍ତା ବୋଲି ଭାବିବାକୁ ଲାଗିଲେ। ସେ କ୍ରିକେଟରୁ ଅବସର ନେବାକୁ ମଧ୍ୟ ଚିନ୍ତା କରୁଥିଲେ। ବର୍ତ୍ତମାନ ଉଭୟ ନ୍ୟୁଜିଲ୍ୟାଣ୍ଡ ଦଳ ଏବଂ ନିଶାମ ସେହି ନିରାଶାକୁ ଦୂର କରିବା ପାଇଁ ଗୋଟିଏ ବଡ ସୁଯୋଗ ପାଇଛନ୍ତି |
ଟସ୍ ଗୁରୁତ୍ୱପୂର୍ଣ୍ଣ କିନ୍ତୁ ଫାଇନାଲର ଚାପ ମଧ୍ୟ ରହିବ:
ଏହି ଟି -20 ବିଶ୍ୱକପରେ ଟସ୍ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଆସିଛି | ସୁପର 12 ରେ ଖେଳାଯାଇଥିବା 14 ଟି ମ୍ୟାଚ ମଧ୍ୟରୁ ଅଧିକାଂଶ ମ୍ୟାଚ ରେ ପ୍ରଥମେ ବ୍ୟାଟିଂ କରିଥିବା ଦଳ ନିଜ ସ୍କୋରକୁ ରକ୍ଷା କରିବାରେ ସକ୍ଷମ ହେଇନାହାନ୍ତି । ତେଣୁ, ଟସ୍ ଜିତିଥିବା ଦଳ ପ୍ରଥମେ ଫିଲ୍ଡ କରିବାକୁ ପସନ୍ଦ କରିବ | ତେବେ ଫାଇନାଲ୍ ମ୍ୟାଚ୍ ଟିକିଏ ଅଲଗା I ଉଭୟ ଟିମ ଖୁବ ପ୍ରେସର ରେ ରହିବେ I ତେଣୁ, କିଛି କ୍ରିକେଟ ବିଶେଷଜ୍ଞ ଙ୍କ ମତ ଟସ ଜିତିଥିବା ଦଳ ପ୍ରଥମେ ବ୍ୟାଟିଂ କରିବା ନେଇ ନିଷ୍ପତ୍ତି ନେଇ ପାରନ୍ତି I
ଅଷ୍ଟ୍ରେଲିଆର ବ୍ୟାଟିଂ ଏବଂ ନ୍ୟୁଜିଲାଣ୍ଡର ବୋଲିଂ ମଧ୍ୟରେ ପ୍ରତିଯୋଗିତା:
ଉଭୟ ଦଳର ଶକ୍ତି ଏବଂ ଦୁର୍ବଳତା ବିଷୟରେ କହିବାକୁ ଗଲେ ଅଷ୍ଟ୍ରେଲିଆ ବ୍ୟାଟିଂରେ ଏବଂ ନ୍ୟୁଜିଲ୍ୟାଣ୍ଡ ବୋଲିଂରେ ଶକ୍ତିଶାଳୀ। ଟି -20 କ୍ରିକେଟ୍ ରେ, ଭଲ ବ୍ୟାଟିଂ କରୁଥିବା ଦଳର ସାଧାରଣତଃ ଅଧିକ ସୁବିଧାରେ ଥାଏ I କିନ୍ତୁ ଏହି ଟୁର୍ନାମେଣ୍ଟ ରେ ଅନେକ ସମୟ ରେ କମ୍ ସ୍କୋର ହେବାର ଲକ୍ଷ କରାଯାଇଛି I ତାହା ଯଦି ହୁଏ, ବିଜୟ ପାଇଁ ଭଲ ବୋଲିଂ ମଧ୍ୟ ଅଧିକ ଗୁରୁତ୍ୱପୂର୍ଣ୍ଣ ହେବ I
