ଫେବୃଆରୀ ୧୯
ପୂର୍ବତନ ଆମ୍ ଆଦମୀ ପାର୍ଟି (ଏଏପି) ନେତା ତଥା କବି କୁମାର ବିଶ୍ୱାଶ ଙ୍କୁ କେନ୍ଦ୍ର ‘Y’ ବର୍ଗର ଭିଆଇପି ସୁରକ୍ଷା ଯୋଗାଇ ଦେଇଛି ବୋଲି ସରକାରୀ ସୂତ୍ରରୁ ପ୍ରକାଶ।
ପୁଙ୍ଖାନୁପୁଙ୍ଖ ସମୀକ୍ଷା ପରେ ଏବଂ Intelligence Inputs ଉପରେ ଆଧାର କରି କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ ମାଧ୍ୟମରେ ବିଶ୍ୱାଶ ଙ୍କୁ ଭିଆଇପି ସୁରକ୍ଷା ଯୋଗାଇବାକୁ କେନ୍ଦ୍ର ନିଷ୍ପତ୍ତି ନେଇଛି I
ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ “ସ୍ୱାଧୀନ ଖଲିସ୍ତାନ” ର ପ୍ରଧାନମନ୍ତ୍ରୀ ହେବାକୁ ଚାହୁଁଛନ୍ତି ବୋଲି ବିଶ୍ୱାଶ କହିଥିଲେ I ଏହା ପରେ ସେ କେନ୍ଦ୍ରକୁ ସୁରକ୍ଷା ମାଗିଥିଲେ I
ତାଙ୍କ ବିରୁଦ୍ଧରେ ବିଶ୍ୱାଶ ଦେଇଥିବା ମନ୍ତବ୍ୟ ଉପରେ ପ୍ରତିକ୍ରିୟା ପ୍ରକାଶ କରି କେଜ୍ରିୱାଲ କହିଛନ୍ତି ଯେ ସେ ହେଉଛନ୍ତି ମଧୁର ଆତଙ୍କବାଦୀ ଯିଏ ଡାକ୍ତରଖାନା, ବିଦ୍ୟାଳୟ, ବିଦ୍ୟୁତ୍ ଇତ୍ୟାଦି ଯୋଗାଉଛନ୍ତି।
ସମ୍ପ୍ରତି ଏକ ଭିଡିଓ କ୍ଲିପ୍ ଭାଇରାଲ୍ ହୋଇଛି I ଯେଉଁଥିରେ ପୂର୍ବତନ AAP ନେତା ଅଭିଯୋଗ କରିଛନ୍ତି ଯେ ଜଣେ AAP ନେତା ପଞ୍ଜାବର ମୁଖ୍ୟମନ୍ତ୍ରୀ କିମ୍ବା ସ୍ୱାଧୀନ ଖାଲିସ୍ତାନର ପ୍ରଧାନମନ୍ତ୍ରୀ ହେବାକୁ ଚାହୁଁଛନ୍ତି। ଏଥିରେ ସେ କେଜ୍ରିୱାଲ ଙ୍କ ନାଁ ନେଇନାହାନ୍ତି I
ବୁଧବାର ନିର୍ବାଚନ ଆୟୋଗ ଭିଡିଓ କ୍ଲିପ୍ ର ପ୍ରସାରଣ ଉପରେ ପ୍ରତିବନ୍ଧକ ଲଗାଇଥିଲେ, କିନ୍ତୁ ଗୁରୁବାର ଦିନ ଏହି ପ୍ରତିବନ୍ଧକକୁ ହଟାଇ ଦେଇଛନ୍ତି।
ବିଶ୍ୱାଶ ଅଭିଯୋଗ କରିଛନ୍ତି ଯେ ୨୦୧୭ ପଞ୍ଜାବ ବିଧାନସଭା ନିର୍ବାଚନ ସମୟରେ AAP ମୁଖ୍ୟ ମଧ୍ୟ ବିଚ୍ଛିନ୍ନତାବାଦୀ ଙ୍କୁ ଭେଟୁଥିଲେ I
AAP ଏହି ଭିଡିଓକୁ ମିଥ୍ୟା, ବିଭ୍ରାନ୍ତିକର ଏବଂ ପ୍ରତିଦ୍ୱନ୍ଦ୍ୱୀ ଦଳର ଏକ କାର୍ଯ୍ୟ ବୋଲି କହିଛି I
ପ୍ରତିକ୍ରିୟା ପ୍ରକାଶ କରି କେଜ୍ରିୱାଲ ଶୁକ୍ରବାର ଦିନ କହିଛନ୍ତି, “ଏହା କମେଡି। ଯଦି ସେମାନଙ୍କୁ ବିଶ୍ୱାଶ କରାଯାଏ ଯେ ମୁଁ ଜଣେ ବଡ ଆତଙ୍କବାଦୀ ଏବଂ ଯଦି ତାହା ହୁଏ, ତେବେ ଗତ ୧୦ ବର୍ଷ ମଧ୍ୟରେ ସୁରକ୍ଷା ଏଜେନ୍ସିଗୁଡିକ କଣ କରୁଥିଲେ?
ମୁଁ କବି (କୁମାର ବିଶ୍ୱାଶ) ଙ୍କୁ ଧନ୍ୟବାଦ ଦେବା ଆବଶ୍ୟକ I ମୁଁ ଦୁନିଆର ମଧୁର ଆତଙ୍କବାଦୀ, ସ୍କୁଲ, ଡାକ୍ତରଖାନା, ବିଦ୍ୟୁତ୍, ରାସ୍ତା, ଜଳ ଯୋଗାଉଥିବା ଆତଙ୍କବାଦୀ ବୋଲି ସେ କହିଛନ୍ତି।
