ନୂଆଦିଲ୍ଲୀ : ରକେଟ୍ରି: ନ ନାମ୍ବି ଇଫେକ୍ଟ ଖୁବ୍ ଶୀଘ୍ର ସିନେମାଘରେ ରିଲିଜ୍ ହେବାକୁ ଯାଉଛି। ଆର ମାଧବନ୍ ଆଜିକାଲି ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି। ପ୍ରମୋସନ ସମୟରେ ମାଧବନ କହିଛନ୍ତି ଶାହାରୁଖ ଏହି ଫିଲ୍ମର ଅଂଶ ହେବାକୁ ଇଚ୍ଛା ପ୍ରକାଶ କରିଥିଲ୍। କେବଳ ଏତିକି ନୁହେଁ, ସେ ଏହି ଚରିତ୍ର ପାଇଁ କୌଣସି ଫି’ ମଧ୍ୟ ନେଇ ନାହାଁନ୍ତି।
ସୂଚନା ଅନୁଯାୟୀ, ମାଧବନ୍ ଫିଲ୍ମର ପ୍ରମୋସନ ସମୟରେ କହିଛନ୍ତି, ଯେତେବେଳେ ସେ ଜିରୋରେ ଶାହାରୁଖଙ୍କ ସହ କାମ କରୁଥିଲେ, ସେତେବେଳେ ଏକ ଜନ୍ମଦିନ ପାର୍ଟିରେ ସେ ମୋତେ ଫିଲ୍ମର ଷ୍ଟାଟସ୍ ବିଷୟରେ ପଚାରିଥିଲେ ଏବଂ ଫିଲ୍ମରେ କାମ କରିବାକୁ ଇଚ୍ଛା କରିଥିଲେ। ସେ କହିଥିଲେ,ମୋତେ ବ୍ୟାକଗ୍ରାଉଣ୍ଡରେ କୌଣସି ଭୂମିକା ଚଳିବ। ମୁଁ ଏହି ଫିଲ୍ମର ଏକ ଅଂଶ ହେବାକୁ ଚାହୁଁଛି।
ମାଧବନ୍ ଆହୁରି କହିଛନ୍ତି, ମୁଁ ଭାବିଲି ଶାହାରୁଖ ଥଟ୍ଟା କରୁଛନ୍ତି। ମୋ ପତ୍ନୀ ସରିତାଙ୍କ ପରାମର୍ଶରେ ମୁଁ ଶାହାରୁଖଙ୍କ ମ୍ୟାନେଜରଙ୍କୁ ଏହି ଦୟାଳୁ ଶବ୍ଦ ପାଇଁ ଧନ୍ୟବାଦ ଜଣାଇବାକୁ ମେସେଜ ଦେଲି। ମୁଁ ତାଙ୍କୁ ଧନ୍ୟବାଦ ଦେବା ପାଇଁ ଖାନ ସାହେବଙ୍କ ମ୍ୟାନେଜରଙ୍କୁ ମେସେଜ୍ କରିଥିଲି ଏବଂ ତାଙ୍କର ତୁରନ୍ତ ଉତ୍ତର ଆସିଲା – ଖାନ୍ ସାହବ ଶୁଟ୍ ଡେଟ୍ ପଚାରୁଛନ୍ତି ଏବଂ ସେ ଆମର ଫିଲ୍ମ ଏକ ଅଂଶ ହୋଇଗଲେ।
ମାଧବନ୍ କହିଛନ୍ତି, ଶାହାରୁଖ ଏବଂ ସୁରିଆ ଫିଲ୍ମରେ କାମ କରିବା ପାଇଁ କୌଣସି ଫି’ ନେଇ ନାହାଁନ୍ତି। ଫିଲ୍ମର ଦ୍ୱିତୀୟ ଭର୍ସନରେ ସୁରିଆ ଜଣେ ସାମ୍ବାଦିକ ଭୂମିକାରେ ନଜର ଆସିବେ ଯାହା ଶାହାରୁଖ କରିଛନ୍ତି। ଉଭୟ କଳାକାର ସେମାନଙ୍କ କାରଭାନ, କଷ୍ଟ୍ୟୁମ୍ ଏବଂ ଆସିଷ୍ଟାଣ୍ଟ ପାଇଁ କୌଣସି ଫି’ ନେଇ ନାହାଁନ୍ତି।
