ଭୁବନେଶ୍ୱର: ଜୁନ ୨୬: ଚାଲିଥିବା ଟି -20 ବିଶ୍ୱକପ ଫାଇନାଲକୁ କେଉଁଦଳ ଯିବେ, ତାଙ୍କୁ ନେଇ କ୍ରିକେଟ ପ୍ରେମୀ ଅଙ୍କକଷା ଆରମ୍ଭ କରିଦେଇଛନ୍ତି I ଇଣ୍ଡିଆ, ସାଉଥ ଆଫ୍ରିକା, ଇଂଲଣ୍ଡ ଏବଂ ଆଫଗାନିସ୍ତାନ ଏଥରର ବିଶ୍ୱ କପ ସେମିଫାଇନାଲରେ ପ୍ରବେଶ କରିସାରିଛନ୍ତି I
ଗତ ସଂସ୍କରଣର ସେମିଫାଇନାଲ୍ ର ପୁନରାବୃତ୍ତି ଘଟିଛି I ଭାରତ ଏବଂ ଇଂଲଣ୍ଡ ମୁହାଁମୁହିଁ ହେବେ I ଗତଥର ଆଡିଲେଡରେ ଇଂଲଣ୍ଡ ଇଣ୍ଡିଆକୁ 10 ୱିକେଟ୍ ରେ ପରାସ୍ତ କରିଥିଲା I ଦକ୍ଷିଣ ଆଫ୍ରିକା ଅନ୍ୟ ମ୍ୟାଚରେ ଆଫଗାନିସ୍ତାନକୁ ସାମ୍ନା କରିବ। ଆଫଗାନିସ୍ତାନ ଟ୍ରିନିଦାଦରେ ପ୍ରଥମ ସେମିଫାଇନାଲରେ ନିଜର ଟି -୨୦ ବିଶ୍ୱକପ ସେମିଫାଇନାଲ ଖେଳିବ I ପ୍ରଥମ ସେମିଫାଇନାଲ ସକାଳ ୬ ଟା ରେ ଆରମ୍ଭ ହେବାକୁ ଥିବାବେଳେ ଇଂଲଣ୍ଡ ବିପକ୍ଷରେ ଭାରତ ମ୍ୟାଚ୍ ଗୁଏନା ରେ ରାତି ୮ ଟା ରେ ଖେଳାଯିବ | ଗୁରୁବାର ଦିନ ହିଁ ଉଭୟ ମ୍ୟାଚ୍ ଖେଳାଯିବ |
ଖେଳ ସ୍ଥିତିକୁ ନେଇ ସେମିଫାଇନାଲ ଏବଂ ଫାଇନାଲ ପାଇଁ ବିଭିନ୍ନ ନିୟମ ଅଛି | ଦକ୍ଷିଣ ଆଫ୍ରିକା ଏବଂ ଆଫଗାନିସ୍ତାନ ମଧ୍ୟରେ ପ୍ରଥମ ସେମିଫାଇନାଲ ପାଇଁ ଏକ ରିଜର୍ଭ ଦିନ ଥିବାବେଳେ ଭାରତ-ଇଂଲଣ୍ଡ କ୍ଷେତ୍ରରେ ସମାନ କଥା ହେବନାହିଁ I
କାହିଁକି ଭାରତ ବନାମ ଇଂଲଣ୍ଡ ସେମିଫାଇନାଲରେ ରିଜର୍ଭ ଦିନ ନାହିଁ?
ଗୁଏନା ରେ ଭାରତର ସେମିଫାଇନାଲ ଖେଳାଯିବ ବୋଲି ପୂର୍ବରୁ ସ୍ଥିର କରାଯାଇଥିଲା। କିନ୍ତୁ, ଦ୍ୱିତୀୟ ସେମିଫାଇନାଲ ପାଇଁ ଗୁଏନା ମ୍ୟାଚ ଏବଂ ବାରବାଡୋସରେ ଫାଇନାଲ ମଧ୍ୟରେ ଗୋଟିଏ ଦିନର ବ୍ୟବଧାନ ସହିତ କୌଣସି ରିଜର୍ଭ ଦିନ ରହିବ ନାହିଁ | ଅବଶ୍ୟ, ଦରକାର ପଡିଲେ, ଏଥିପାଇଁ ଅତିରିକ୍ତ ୨୫୦ ମିନିଟ୍ ଦିଆଯିବ I
ଯଦି ଭାରତ ବନାମ ଇଂଲଣ୍ଡ ସେମିଫାଇନାଲ ବର୍ଷା ଯୋଗୁଁ ହେଇ ନ ପାରେ, ତେବେ କ’ଣ ହେବ?
ଗତ କିଛି ଦିନ ମଧ୍ୟରେ ଗୁଏନାରେ ଭଲ ପରିମାଣର ବର୍ଷା ହେଇଛି ଏବଂ ଏହି ମ୍ୟାଚ ମଧ୍ୟ ନ ହେବାର ସମ୍ଭାବନା ଅଧିକ | ଯେହେତୁ କୌଣସି ରିଜର୍ଭ ଦିନ ନାହିଁ, ମ୍ୟାଚ୍ ସମାପ୍ତ କରିବାକୁ ଅତିରିକ୍ତ 250 ମିନିଟ୍ ଦିଆ ଯାଇଛି I ତଥାପି, ଯଦି ନିର୍ଦ୍ଧାରିତ ଦିନରେ କୌଣସି ଫଳାଫଳ ନ ମିଳିଲେ, ଗ୍ରୁପ ରେ ଶୀର୍ଷ ସ୍ଥାନରେ ଇଣ୍ଡିଆ ରହିଥିବାରୁ, ଏହା ଫାଇନାଲକୁ ଉନ୍ନୀତ ହେବ |
ଅନ୍ୟ ସେମିଫାଇନାଲରେ ମଧ୍ୟ ସମାନ ଅବସ୍ଥା | ଯଦି ଦିନର ଖେଳ ଏବଂ ରିଜର୍ଭ ଦିନରେ କୌଣସି ଖେଳ ସମ୍ଭବ ନ ହୁଏ, ତେବେ ସୁପର ଆଠ ପର୍ଯ୍ୟାୟରେ ଉଚ୍ଚ ମାନ୍ୟତା ହେତୁ ଦକ୍ଷିଣ ଆଫ୍ରିକା ଫାଇନାଲକୁ ଉନ୍ନୀତ ହେବ |
