ରାଉରକେଲା: ଷ୍ଟିଲସିଟି ରାଉରକେଲାରେ ବଡ଼ ଧରଣର ଏନ୍କାଉଣ୍ଟର। ଚାନ୍ଦିପୋଷ ଥାନା ଅଞ୍ଚଳରେ କୁଖ୍ୟାତ ଅପରାଧୀଙ୍କୁ ଏନ୍କାଉଣ୍ଟର କଲା ପୁଲିସ। ଏନକାଉଣ୍ଟରରେ ଜଣେ ହାର୍ଡକୋର ଅପରାଧୀ ଆହତ । ଗୁରୁତର ଅବସ୍ଥାର ଆହତ ଅପରାଧୀକୁ କାବୁ କରିବା ପରେ ଆର୍ଜିଏଚ୍ ହସ୍ପିଟାଲରେ ଭର୍ତ୍ତି କରାଯାଇଛି। ଗୁରୁତର ଅପରାଧୀ ହେଲେ ବିଶ୍ବଜିତ ସାହୁ । ତାଙ୍କ ବାମ ଗୋଡରେ ବାଜିଛି ଗୁଳି ।ଏହାସହ ଅନ୍ୟ ଜଣେ ଦୁର୍ଦ୍ଦାନ୍ତ ଅପରାଧୀ ଗିରଫ । ଚାନ୍ଦିପୋଷ ଅଞ୍ଚଳରେ ଦୁଇ ହାର୍ଡକୋର କ୍ରିମିନାଲଙ୍କ ଗତିବିଧି ସଂପର୍କରେ ସୂଚନା ପାଇ ପୋଲିସ ସହ ସ୍ପେଶାଲ ସ୍କ୍ଵାଡ ପହଞ୍ଚିଥିଲେ । ଅପରାଧୀ ଠାରୁ ଗୋଟିଏ ଏକେ-୪୭ ରାଇଫଲ୍ ସହ ଗୋଟିଏ ପିସ୍ତଲ ୧୫ରୁ ଉର୍ଦ୍ଧ୍ବ ଜୀବନ୍ତ ଗୁଳି ଜବତ ହୋଇଥିବା ବେଳେ ଅପରାଧୀ ବ୍ୟବହାର କରୁଥିବା କାର୍ ଜବତ କରଛି ଚାନ୍ଦିପୋଷ ପୋଲିସ।
