ଖ୍ରୀଷ୍ଟଚର୍ଚ୍ଚ: ଖ୍ରୀଷ୍ଟଚର୍ଚ୍ଚରେ ଖେଳାଯାଉଥିବା ମହିଳା ବିଶ୍ୱକପର ଦ୍ୱିତୀୟ ସେମିଫାଇନାଲରେ ବିଜୟ ଲାଭ କରିଛି ଇଂଲଣ୍ଡ । ଦଳ ଦକ୍ଷିଣ ଆଫ୍ରିକାକୁ ୧୩୭ ରନରେ ପରାସ୍ତ କରିଛି । ଏକତରଫା ବିଜୟ ହାସଲ କରିଛି ଇଂଲଣ୍ଡ ଟିମ୍ । ଫାଇନାଲରେ ଅଷ୍ଟ୍ରେଲିଆ ଇଂଲଣ୍ଡକୁ ଭେଟିବ। ଆଜି ଅନୁଷ୍ଠିତ ଦ୍ୱିତୀୟ ସେମିଫାଇନାଲରେ ଡିଫେଣ୍ଡିଂ ଚାମ୍ପିଅନ ଇଂଲଣ୍ଡ ଶୋଚନୀୟ ଭାବେ ଦକ୍ଷିଣ ଆଫ୍ରିକାକୁ ହରାଇଛି। ଦକ୍ଷିଣ ଆଫ୍ରିକା ଦଳ ୧୩୭ ରନରେ ବ୍ୟବଧାନରେ ପରାସ୍ତ ହୋଇଛି | ଦକ୍ଷିଣ ଆଫ୍ରିକା ସାମ୍ନାରେ ବିଜୟ ପାଇଁ ଇଂଲଣ୍ଡ ଦଳ ୨୯୪ ରନ୍ ଲକ୍ଷ୍ୟ ଧାର୍ଯ୍ୟ କରିଥିଲା । ଏହାର ଜବାବରେ ଦକ୍ଷିଣ ଆଫ୍ରିକାର ମହିଳା ଦଳ ମାତ୍ର ୧୫୬ ରନ୍ ସ୍କୋର କରିବା ପରେ ଆଉଟ୍ ହୋଇଯାଇଥିଲା ।
ଇଂଲଣ୍ଡରେ ବିଜୟର ଦୁଇ ଖେଳାଳି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଏହି ଦୁଇ ଖେଳାଳି ହେଲେ ଡାନିଏଲ୍ ୟାଟ୍ ଓ ସୋଫି ଏକ୍ଲେଷ୍ଟୋନ୍ । ଡାନିଏଲ୍ ୟାଟ୍ ପ୍ରଥମେ ୧୨୯ ରନର ଚମତ୍କାର ଇନିଂସ ଖେଳିଥିଲେ । ଏବଂ ସୋଫି ଏକ୍ଲେଷ୍ଟୋନ୍ ୩୬ ରନ୍ ବିନିମୟରେ ୬ଟି ୱିକେଟ୍ ନେଇଥିଲେ | ଇଂଲଣ୍ଡ ଏବଂ ଅଷ୍ଟ୍ରେଲିଆ ମଧ୍ୟରେ ଫାଇନାଲ ଏପ୍ରିଲ ୩ରେ ଖେଳାଯିବ |
