ଭୁବନେଶ୍ୱର : ପୁଣି ଜବତ ହେଲା ଧଳାଜହର। ଜଟଣୀ ରାଜାବଜାରରୁ କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ କରିଛି କ୍ରାଇମବ୍ରାଞ୍ଚ। ବ୍ରାଉନସୁଗାର କାରବାର ଅଭିଯୋଗରେ ୩ଜଣଙ୍କୁ ଗିରଫ କରିଛି କ୍ରାଇମ୍ବ୍ରାଞ୍ଚ ଏସ୍ଟିଏଫ୍ । ଗିରଫ ୩ ଜଣ ହେଲେ ସେକ୍ ସମୀର, ସୟଦ ଇମତିୟାଜ୍ ଓ ରତି ରଞ୍ଜନ ରାଉତରାୟ।
ସୂଚନା ଅନୁଯାୟୀ, ବ୍ରାଉନ୍ସୁଗାର କାରବାର ନେଇ ଗୁଇନ୍ଦା ସୂଚନା ମିଳିଥିଲା । ଏହିକ୍ରମରେ ଏସ୍ଟିଏଫ୍ ଟିମ୍ ଜଟଣୀ ରାଜାବଜାରରେ ଚଢ଼ାଉ କରିଥିଲା । ଏସଟିଏଫ ଟିମ ଦ୍ୱାରା ୧ କେଜି ୩୨୦ ଗ୍ରାମ ଧଳା ଜହର ଜବତ ହୋଇଥିବା ବେଳେ ଏହାର ମୂଲ୍ୟ ପ୍ରାୟ ୧ କୋଟି ୩୨ ଲକ୍ଷ ଟଙ୍କା । ଏହାସହ ଗୋଟିଏ ପଲସର ବାଇକ୍ ଓ ନଗଦ ୧ ଲକ୍ଷ ୬୫ ହଜାର ଟଙ୍କା ମଧ୍ୟ ଜବତ ହୋଇଛି।
