ଭୁବନେଶ୍ୱର: ଭୁବନେଶ୍ୱର ପଳାଶୁଣି ଛକରେ ହୋଇଥିବା ଲୋମହର୍ଷଣକାରି ସିରିଜ ଦୁର୍ଘଟଣା ମାମଲାରେ ଅଭିଯୁକ୍ତ ହାଇଓ୍ୱା ଡ୍ରାଇଭରକୁ ଗିରଫ କଲା ମଞ୍ଚେଶ୍ୱର ଥାନା ପୋଲିସ । ଗିରଫ ହୋଇଥିବା ଅଭିଯୁକ୍ତ ହେଉଛି ଖୋର୍ଦ୍ଧା ଜିଲ୍ଲାର ସୌଭାଗ୍ୟ ପାତ୍ର । ଅଭିଯୁକ୍ତକୁ ବେଗୁନିଆରୁ ଗିରଫ କରିଛି ପୋଲିସ । ପୋଲିସ ଆଗରେ ଦୁର୍ଘଟଣା କରିଥିବା ନେଇ ସ୍ୱୀକାର କରିଛି ଡ୍ରାଇଭର । ତେବେ ଏହି ଗାଡିଟି ଏଲ.ଜି କନଷ୍ଟ୍ରକସନର ଗାଡି ବୋଲି ଜାଣିବାକୁ ପାଇଛି ପୋଲିସ । ଜବତ ହୋଇଥିବା ଗାଡିର କାଗଜ ପତ୍ର ଠିକ୍ ଥିବା ଜଣାପଡ଼ିଛି । ଓଭୋରଲୋଡିଂ ଯୋଗୁଁ ଭାରସାମ୍ୟ ହରାଇ ଦୁର୍ଘଟଣା ଘଟିଥିବା ପ୍ରାଥମିକ ତଦନ୍ତରୁ ସୂଚନା ମିଳିଛି । ତେବେ ଅସାବଧାନତା ଓ ବେପରୁଆ ଗାଡ଼ି ଚାଳନା ହିଁ ଦୁର୍ଘଟଣାର ମୁଖ୍ୟ କାରଣ ବୋଲି କହିଛି ପୋଲିସ ।
ସୂଚନା ଅନୁସାରେ, ଗତ ୪ ତାରିଖ ଦିନ ଭୁବନେଶ୍ଵର ପଳାଶୁଣୀ ଛକରେ ସିରିଜ୍ ଦୁର୍ଘଟଣା ଘଟିଥିଲା। ଏକ ହାଇଓ୍ୱା ଭାରସାମ୍ୟ ହରାଇ ଏକ କାର୍କୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ଗୋଟିଏ କାର ସମ୍ପୂର୍ଣ୍ଣ ଭାଙ୍ଗି ଯାଇଥିବାବେଳେ ଘଟଣାସ୍ଥଳରେ ହିଁ କାର ଡ୍ରାଇଭରଙ୍କର ମୃତ୍ୟୁ ହୋଇଥିଲା । ଏହି ଦୁର୍ଘଟଣା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲା ଡ୍ରାଇଭର ।
