ଭୁବନେଶ୍ୱର: ପୁଣି ଅଶାନ୍ତ ହେଲା ବାଣୀ ବିହାର କ୍ୟାମ୍ପସ୍। ଶନିବାର ବିଳମ୍ବିତ ରାତିରେ ବାଣୀବିହାର ଭିତରେ ପଶି ହଷ୍ଟେଲ ସାମ୍ନାରେ ଥିବା ୨ରୁ ୩ଟି ଗାଡ଼ି ପୋଡ଼ି ଦେଲେ ଦୁର୍ବୃତ୍ତ। ବାଣୀବିହାର ଗୋଦାବରୀଶ ଛାତ୍ରାବାସ ନିକଟରେ ଘଟିଛି ଏହି ଘଟଣା । ବିଳମ୍ବିତ ରାତିରେ ଦୁଇ ଗୋଷ୍ଠି ମଧ୍ୟରେ ଗଣ୍ଡଗୋଳ ପରେ ଗାଡି ପୋଡ଼ି ଦେଇଛନ୍ତି କିଛି ଦୁର୍ବୃତ୍ତ।ଗାଡ଼ି ପୋଡ଼ାକୁ ନେଇ ଛାତ୍ରାବାସରେ ଚାପା ଉତ୍ତେଜନା ଦେଖିବାକୁ ମିଳିଛି। କିଏ ଓ କାହିଁକି ଗାଡି ପୋଡ଼ିଛି ତାହା ଜଣାପଡ଼ିନାହିଁ । ପୂର୍ବ ଶତ୍ରୁତାରୁ ଏପରି ଘଟିଥିବା କୁହାଯାଉଛି । ଏବେ ବି ଘଟଣାସ୍ଥଳରେ ଲାଗି ରହିଛି ଉତେଜନା । ଛାତ୍ରମାନେ ଗୋଦାବରୀଶ ହଷ୍ଟେଲରେ ତାଲା ପକାଇ ପ୍ରତିବାଦ କରିଛନ୍ତି। ପିଜି କାଉନସିଲ୍ ଅଧ୍ୟକ୍ଷ ସମେତ ଦୁଇ ଜଣିଆ ଟିମ୍ ଛାତ୍ର ନିବାସକୁ ଯାଇ ପିଲାମାନଙ୍କ ସହ ଆଲୋଚନା କରିଛନ୍ତି। ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
