ନୂଆ ଲୋକସଭା ବାଚସ୍ପତିଙ୍କ ହସକୁ ପ୍ରଶଂସା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

0
25
ନୂଆ ଲୋକସଭା ବାଚସ୍ପତିଙ୍କ ହସକୁ ପ୍ରଶଂସା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
ନୂଆ ଲୋକସଭା ବାଚସ୍ପତିଙ୍କ ହସକୁ ପ୍ରଶଂସା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ଆପଣଙ୍କ ମୁହଁରେ ଥିବା ମଧୁର ହସ ସମଗ୍ର ଗୃହକୁ ଖୁସି ରଖିବ ବୋଲି ପ୍ରଧାନମନ୍ତ୍ରୀ କହିଛନ୍ତି।

ଭୁବନେଶ୍ୱର: ଜୁନ ୨୬: ତିନିଥର ବିଜେପି ସାଂସଦ ଓମ ବିର୍ଲା ବୁଧବାର ଦ୍ୱିତୀୟ ଥର ପାଇଁ ଲୋକସଭା ବାଚସ୍ପତି ଭାବରେ ନିର୍ବାଚିତ ହେଇଛନ୍ତି । ଏହି ବହୁ ଚର୍ଚ୍ଚିତ ପ୍ରତିଯୋଗିତାରେ ଭଏସ୍ ଭୋଟ୍ ମାଧ୍ୟମରେ ଇ-ଣ୍ଡି-ଆ ବ୍ଲକ୍ ପ୍ରାର୍ଥୀ କେ ସୁରେଶଙ୍କୁ ପରାସ୍ତ କରିଥିଲେ | ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିରୋଧୀ ଦଳର ନେତା ରାହୁଲ ଗାନ୍ଧୀ ଏବଂ ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ଓମ ବିର୍ଲାଙ୍କୁ ବାଚସ୍ପତି ଆସନକୁ ପାଛୋଟି ନେଇଥିଲେ I ନୂତନ ବାଚସ୍ପତିଙ୍କୁ ତାଙ୍କ ଆସନକୁ ପାଛୋଟି ନେବା ଅବସରରେ ପ୍ରଧାନମନ୍ତ୍ରୀ ମୋଦୀ ଏବଂ ରାହୁଲ ଗାନ୍ଧୀ ହାତମିଳାଉ ଥିବାର ଦେଖାଯାଇଥିଲା I
ଦ୍ୱିତୀୟ ଥର ପାଇଁ ବାଚସ୍ପତି ଭାବରେ ନିର୍ବାଚିତ ହୋଇଥିବାରୁ ଓମ ବିର୍ଲାଙ୍କୁ ପ୍ରଧାନମନ୍ତ୍ରୀ ମୋଦୀ ଅଭିନନ୍ଦନ ଜଣାଇଛନ୍ତି। ତାଙ୍କ ବିବୃତ୍ତିରେ ବିର୍ଲାଙ୍କ “ମଧୁର ହସ” ପାଇଁ ପ୍ରଶଂସା ମଧ୍ୟ କରିଛନ୍ତି ।

“ମୁଁ ଆପଣଙ୍କୁ ଗୃହ ତରଫରୁ ଅଭିନନ୍ଦନ ଜଣାଇବାକୁ ଚାହୁଁଛି। ଅମୃତକାଳ ସମୟରେ ଦ୍ୱିତୀୟ ଥର ପାଇଁ ଏହି ଆସନରେ ବସିବା ଆପଣଙ୍କ ପାଇଁ ଏକ ବଡ ଦାୟିତ୍ୱ ଅଟେ। ଆପଣଙ୍କ ଅଭିଜ୍ଞତା ସହିତ ଆମେ ଆଶା କରୁଛୁ ଆପଣ ଆସନ୍ତା ୫ ବର୍ଷ ପାଇଁ ଆମକୁ ମାର୍ଗଦର୍ଶନ କରିବେ। ଆପଣଙ୍କ ମୁହଁରେ ଥିବା ମଧୁର ହସ ସମଗ୍ର ଗୃହକୁ ଖୁସି ରଖିବ ବୋଲି ପ୍ରଧାନମନ୍ତ୍ରୀ କହିଛନ୍ତି। ବିରୋଧୀ ଦଳ ନେତା ରାହୁଲ ଗାନ୍ଧୀ ମଧ୍ୟ ଇ-ଣ୍ଡି -ଆ ମଞ୍ଚ ତରଫରୁ “ଓମ ବିର୍ଲା” ଙ୍କୁ ଅଭିନନ୍ଦନ ଜଣାଇଛନ୍ତି।
” ମୁଁ ଆପଣଙ୍କୁ ଅଭିନନ୍ଦନ ଜଣାଇବାକୁ ଚାହୁଁଛି ଯେ ଆପଣ ଦ୍ୱିତୀୟ ଥର ପାଇଁ ନିର୍ବାଚିତ ହୋଇଛନ୍ତି। ମୁଁ ସମଗ୍ର ବିରୋଧୀ ତଥା ଇ-ଣ୍ଡି-ଆ ବ୍ଲକ ତରଫରୁ ଆପଣଙ୍କୁ ଅଭିନନ୍ଦନ ଜଣାଉଛି। ଏହି ଗୃହ ଭାରତର ଲୋକଙ୍କ ସ୍ୱରକୁ ଉପସ୍ଥାପିତ କରେ I ଆପଣ ହେଉଛନ୍ତି ସେହି ସ୍ୱରର ଅନ୍ତିମ ମଧ୍ୟସ୍ଥ I ସରକାରଙ୍କର ରାଜନୈତିକ ଶକ୍ତି ଅଛି, କିନ୍ତୁ ବିରୋଧୀ ମଧ୍ୟ ଭାରତର ଲୋକଙ୍କ ସ୍ୱରକୁ ପ୍ରତିନିଧିତ୍ୱ କରନ୍ତି ଏବଂ ଏଥର ବିରୋଧୀ ଦଳ ଗତଥର ଅପେକ୍ଷା ଭାରତୀୟ ଲୋକଙ୍କ ସ୍ୱରକୁ ଅଧିକ ପ୍ରତିନିଧିତ୍ୱ କରୁଛନ୍ତି ବୋଲି ବିରୋଧୀ ଦଳର ନେତା ରାହୁଲ ଗାନ୍ଧୀ କହିଛନ୍ତି’।

Also Read  Congress raises Alwar lynching case in Lok Sabha