- ବିଜେଡିର ନିଜ ସିଟ, ଗାନ୍ଧିମୂର୍ତ୍ତି ତଳେ ପ୍ରତିବାଦ
- ଗୃହ ୭ଥର ମୁଲତବୀ, ସର୍ବଦଳୀୟ ବୈଠକ ବିଫଳ
- ତିନି ସର୍ତ୍ତ ରଖିଲେ ବିରୋଧୀ ବିଜେପି, କଂଗ୍ରସ
ଭୁବନେଶ୍ୱର : ଆଜି ବି ଚାଲିପାରିଲାନିି ବିଧାନସଭା । କ୍ରମାଗତ ଭାବେ ୭ଦିନ ପାଇଁ ଗୃହ ଅଚଳ । ବିରୋଧୀ ବିଜେପି ଓ କଂଗ୍ରେସ ସଦସ୍ୟମାନେ ପୂର୍ବଦିନ ଭଳି ହଟ୍ଟଗୋଳ ଜାରି ରଖିଛନ୍ତି । ହାତରେ ଫ୍ଲାକାର୍ଡ଼ ଓ ବ୍ୟାନର ପ୍ରଦର୍ଶନ ସହ ଘଣ୍ଟ ବଜେଇ ପ୍ରତିବାଦ କରିଥିଲେ । ଅପରପକ୍ଷରେ ଶାସକ ସଭ୍ୟମାନେ ମମିତା ମେହେର ପ୍ରସଙ୍ଗରେ ଜବାବି ହମଲା ସହ ଗୃହ ବାହାରେ ଗାନ୍ଧିମୂର୍ତ୍ତି ତଳେ ଧାରଣ ଦେଇଥିଲେ । ଗୃହ ସୁପରିଚାଳନା ପାଇଁ ବାଚସ୍ପତି ଡଃ. ସୂର୍ଯ୍ୟ ନାରାୟଣ ପାତ୍ର ଦୁଇଥର ସର୍ବଦଳୀୟ ବୈଠକ ଡାକି ଆଲୋଚନା କରିଥିଲେ ସୁଦ୍ଧା କୌଣସି ନିଷ୍କର୍ଷ ବାହାରିପାରିନି ।
ବିଧାନସଭାରେ ଥମୁନି ମମିତା ତାତି । ବୁଧବାର ପ୍ରଶ୍ନକାଳ ଅ ।ରମ୍ଭରୁ ଶିକ୍ଷୟତ୍ରୀ ମମିତା ମେହେର ହତ୍ୟାକାଣ୍ଡକୁ ପ୍ରସଙ୍ଗ କରି ସରକାରଙ୍କୁ ଘେରିଛନ୍ତି ବିରୋଧୀ । ଗୃହ କାର୍ଯ୍ୟ ଅ ।ରମ୍ଭ ହେବାମାତ୍ରେ ଉଭୟ ବଜେପି ଓ କଂଗ୍ରେସ ସଦସ୍ୟମାନେ ଗୃହର ମଧ୍ୟଭାଗରେ ହୋହଲ୍ଲା କରିଥିଲେ । ବଜେପି ସଦସ୍ୟମାନେ ଘ ବାଡେଇ ପ୍ରତିବାଦ କରିଛନ୍ତି । ମମିତା ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ନବୀନ ନିବାସ ଯାଇଥିବା ଫୋଟ ପ୍ରଦର୍ଶନ କରି ସରକାରୀ ଦଳକୁ ଟାର୍ଗେଟ କରି ନାରାବାଜି କରିଥିଲେ ବିଜେପି ସଦସ୍ୟ । ଏପରିକି ବାଚସ୍ପତିଙ୍କ ପୋଡିୟମ ଉପରକୁ ପ୍ଲାକାର୍ଡ଼ ଫିଙ୍ଗିଥିଲେ । ସେହିପରି କଂଗ୍ରେସ ସଦସ୍ୟମାନେ ଫ୍ଲାକାର୍ଡ ଓ ବ୍ୟାନର ପ୍ରଦର୍ଶନ କରି ମନ୍ତ୍ରୀ ଦିବ୍ୟ ଙ୍କର ମିଶ୍ରଙ୍କ ବହିଷ୍କାର ଦାବି କରିଥିଲେ । ଅନ୍ୟପକ୍ଷରେ ବିଜେଡି ସଦସ୍ୟମାନେ ନିଜ ସିଟରେ ଛିଡ଼ା ହୋଇ ପ୍ଲାକାର୍ଡ ଧରି ନାରାବଜି କରିଥିଲେ । ଏହାସହ ମମିତା ପ୍ରସଙ୍ଗରେ ବିଧାନସଭା ପରିସରରେ ଥିବା ଗାନ୍ଧିମୂର୍ତ୍ତିର୍ ତେଳ ଧାରଣା ଦେଇଥିଲେ ବିଜେଡି ସଦସ୍ୟ । ଗୃହ ଅଚଳ ହେବାରୁ ପ୍ରଥମେ ପୂର୍ବାହ୍ଣ ୧୦.୩୧ରୁ ୧୧.୩୦, ୧୧.୩୩ରୁ ୧୨.୦୩, ୧୨.୦୩ରୁ ୧୨.୩୩ ଓ ୧୨.୩୩ରୁ ଅପରାହ୍ନ ୪ଟା ଯାଏ ଗୃହକୁ ମୁଲତବୀ ରଖିଥିଲେ ବାଚସ୍ପତି ।
ଅପରାହ୍ନ ୪ଟାରୁ ଗୃହ କାର୍ଯ୍ୟ ଅ ।ରମ୍ଭ ହେବା କ୍ଷଣି ପୁଣି ବିରୋଧୀ ବିଜେପି ଓ କଂଗ୍ରେସ ସଦସ୍ୟମାନେ ଘ ବଜେଇବା ସହିତ ପ୍ଲାକାର୍ଡ ପ୍ରଦର୍ଶନ କରିଥିଲେ । ପୁନର୍ବାର ବାଚସ୍ପତି ଶ୍ରୀ ପାତ୍ର ୪.୦୨ରୁ ୪.୩୨ ଓ ୪.୩୨ରୁ ୪.୪୭ ଯାଏ ଗୃହକୁ ମୁଲତବୀ ରଖି ସର୍ବଦଳୀୟ ବୈଠକ ଡାକି ଅ ।ଲୋଚନା କରିଥିଲେ । ପ୍ରଥମାର୍ଦ୍ଧ ଓ ଦ୍ୱିତୀୟାର୍ଦ୍ଧରେ ଦୁଇଥର ସର୍ବଦଳୀୟ ବୈଠକ ବସିଥିଲେ ମଧ୍ୟ ତାହା ବିଫଳ ହୋଇଥିଲା । ଫଳରେ ସ୍ୱାରାଷ୍ଟ୍ର ବିଭାଗର ଖର୍ଚ୍ଚଦାବି ଅ।ଲୋଚନା ନକରାଯାଇ ଗିଲୋଟିନକୁ ଯାଇଥିଲା । ତେବେ ଗୃହ ଚଳାଇବା ପଇଁ ଶାସକଦଳ ଅ।ଗରେ ବିରୋଧୀ ବିଜେପି ଓ କଂଗ୍ରେସ ଦଳ ପକ୍ଷରୁ ତିନୋଟି ସର୍ତ୍ତ ରଖାଯାଇଛି । ପ୍ରଥମ ସର୍ତ୍ତ ହେଉଛି ମୁଖ୍ୟମନ୍ତ୍ରୀ ଗୃହକୁ ଅ।ସନ୍ତୁ । ଦ୍ୱିତୀୟ ସର୍ତ୍ତ ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଇସ୍ତଫା ଦିଅନ୍ତୁ । ୩ୟ ସର୍ତ୍ତ ଯଦି ଗୃହ ବିଭାଗର ଖର୍ଚ୍ଚ ଦାବି ଅ ।ଲୋଚନା ହେବ, ତାହା ହେଲେ ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଗୃହରେ ଅନୁପସ୍ଥିତ ରୁହନ୍ତୁ ।
ଅନ୍ୟପକ୍ଷରେ ଗୃହ ବାହାରେ ବିଜେଡି ବିଧାୟକ ପ୍ରତାପ କେଶରୀ ଦେବ କହିଛନ୍ତି, ଦୋମୁହାଁ ନୀତି ଅ।ପଣାଉଛି ବିଜେପି । ମମିତା ପ୍ରସଙ୍ଗରେ କୁମ୍ଭୀର କାନ୍ଦଣା କାନ୍ଦୁଛନ୍ତି ବଜେପି ସଦସ୍ୟମାନେ । ଗୋଟିଏ ପଟେ ମମିତାକୁ ନ୍ୟାୟ ଦେବା ପାଇଁ ଗୃହକୁ ଅଚଳ କରୁଥିବା ବେଳେ ଅଭିଯୁକ୍ତକୁ ଖସାଇବା ପାଇଁ ଓକିଲାତି କରୁଛି ବୋଲି ସେ ଅଭିଯୋଗ କରିଥିଲେ । ବିରୋଧୀଦଳ ମୁଖ୍ୟ ସଚେତକ ମୋହନ ଚରଣ ମାଝି କହିଛନ୍ତି, ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କ ସହ ସରକାରୀ ଦଳର ସମ୍ପୃକ୍ତି ରହିଛି । ଗୋବିନ୍ଦଙ୍କ ସପକ୍ଷରେ ଲଢ଼ୁଥିବା ଓକିଲ ମୋହନ ଲାଲ ଶର୍ମା ବିଜେପିର ସଦସ୍ୟ ଅଭିଯୋଗକୁ ଖଣ୍ଡନ କରିଛନ୍ତି ଶ୍ରୀ ମାଝି ।
ସେପଟେ କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର କହିଛନ୍ତି ଯେ ଗୃହକୁ ଚଳାଇ ନଦେବାରେ ସରକାରୀ ଦଳର ଏକଛତ୍ରବାଦ ମନୋଭାବ ଗଣତନ୍ତ୍ର ପାଇଁ ଶୁଭଙ୍କର ନୁହେଁ । ବୋଧେ ଶାସକ ଦଳ ଜାଣିସାରିଲେଣି ଅ ।ଗକୁ ଅ ।ଉ ସରକାରକୁ ଅ ।ସିପାରିବେ ନାହିଁ । ତେଣୁ ଗୃହକୁ ବନ୍ଦ କରି ବିରୋଧୀ ଦଳର ଭୂମିକା ନିର୍ବାହ କରିବାକୁ ଉଦ୍ୟମ କରୁଛନ୍ତି । ଅ ।ଜି ଗୃହ ବିଭାଗ ଭଳି ଗୁରୁତ୍ୱପୂର୍ଣ୍ଣ ବିଭଗର ଖର୍ଚ୍ଚଦାବି ଉପରେ ଅ ।ଲୋଚନା ହେବାର ଥିଲା ଗୃହ ନେତା ଗ୍ରହକୁ ଅ ।ସନ୍ତୁ ଓ କଂଗ୍ରେସ ଅ ।ଲୋଚନା ପାଇଁ ପ୍ରସ୍ତୁତ ଅଛି ବୋଲି ଶ୍ରୀ ମିଶ୍ର କହିଛନ୍ତି ।
