ଫେବୃଆରୀ ୧୮
ତାଙ୍କ ସ୍ୱାସ୍ଥ୍ୟ ଅବସ୍ଥା ଭଲ ନଥିବା ଗୁଜବ ମଧ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ଜନସାଧାରଣ ଆଜି ଲିଙ୍ଗରାଜ ମହାପ୍ରଭୁ ଦର୍ଶନ କରିବା ସମୟ ରେ ଦେଖାଦେଇଛନ୍ତି I
ମନ୍ଦିର କୁ ପ୍ରବେଶ କରିବା ସମୟ ରେ ସେ ଖୁବ ଫିଟ ଲାଗୁଥିଲେ I କାର ରୁ ଓହ୍ଲାଇ ସେ ଖୁବ ଫୁର୍ତ୍ତି ର ସହ ଅନ୍ୟ ମାନଙ୍କ ସହ ମନ୍ଦିର ଭିତରକୁ ଯାଇଥିଲେ I
ମନ୍ଦିର ମଧ୍ୟରେ ବେଢା ମଧ୍ୟ ପରିକ୍ରମା କରୁଥିବାର ଦେଖାଯାଉଥିଲା I ପରେ ପରେ ସେ ସେବାୟତ ଙ୍କ ସହଯୋଗ ରେ ଲିଙ୍ଗରାଜ ମହାପ୍ରଭୁ ଙ୍କୁ ପୂଜାର୍ଚନା କରିଥିଲେ I ମନ୍ଦିର ପରିସର ମଧ୍ୟରେ ସେ ସେବାୟତ ଏବଂ ଅନ୍ୟମାନଙ୍କ ସହ ଏକାମ୍ର ପ୍ରକଳ୍ପ ଏବଂ ଶୈବ କ୍ଷେତ୍ର ର ଅନ୍ୟାନ୍ୟ ଉନ୍ନତି ମୂଳକ କାର୍ଯ୍ୟକ୍ରମ ନେଇ ଆଲୋଚନା କରିଥିଲେ I
ମନ୍ଦିର ରୁ ଫେରିବା ସମୟ ରେ ଅପେକ୍ଷାରତ ସାମ୍ବାଦିକ ଙ୍କୁ ହସି ହସି ସ୍ୱାଗତ କରିବା ସହ ସେମାନଙ୍କ ପ୍ରଶ୍ନ ର ଉତ୍ତର ଦେଇଥିଲେ I ଜଣେ ସାମ୍ବାଦିକ ଙ୍କ ପ୍ରଶ୍ନ ର ଉତ୍ତର ରେ ସେ କହିଥିଲେ, ନିର୍ବାଚନ ଆସିଲେ..ତାଙ୍କ ସ୍ୱାସ୍ଥ୍ୟ କୁ ନେଇ କିଛି ଗୁଜବ ହୁଏ …ସେ କିନ୍ତୁ ସମ୍ପୂର୍ଣ ସୁସ୍ଥ ଅଛନ୍ତି …ଖୁସି ଅଛନ୍ତି…ଏବଂ ସବୁବେଳେ ଓଡ଼ିଶାର ଜନସାଧାରଣଙ୍କ ସେବା ପାଇଁ ପ୍ରସ୍ତୁତ ଅଛନ୍ତି I
