ନଭେମ୍ବର ୨୯
ହାଇଦ୍ରାବାଦର ଏକ ଡାକ୍ତରଖାନାରେ ଜଣେ ହୃଦଘାତ ରୋଗୀଙ୍କ ଚିକିତ୍ସା କରୁଥିବାବେଳେ, ନିଜେ ଡାକ୍ତର ହୃଦ୍ଘାତର ଶିକାର ହେଲେ। ରୋଗୀଙ୍କୁ ଚିକିତ୍ସା କରୁଥିବା ଅବସ୍ଥାରେ ହଁ ତାଙ୍କର ମୃତ୍ୟୁ ଘଟିଲା I ଯେଉଁ ରୋଗୀଙ୍କୁ ଡାକ୍ତର ଚିକିତ୍ସା କରୁଥିଲେ ସେ ମଧ୍ୟ କିଛି ସମୟ ପରେ ମୃତ୍ୟୁ ବରଣ କଲେ। ଡାକ୍ତରଙ୍କ ବୟସ 40 ବର୍ଷ ବୋଲି କୁହାଯାଉଛି I
ଘଟଣା ରୁ ପ୍ରକାଶ, ରବିବାର ସକାଳେ ହାଇଦ୍ରାବାଦର ଗୁଜାଲା ଅଞ୍ଚଳର ବାସିନ୍ଦା ଜାଗିୟା ନାୟକଙ୍କ ହୃଦଘାତ ହୋଇଥିଲା। ତାଙ୍କୁ ଚିକିତ୍ସା ପାଇଁ ଗାନ୍ଧାରୀ ମଣ୍ଡଳର ଏସ.ଭି ଶ୍ରୀଜା ନର୍ସିଂହୋମକୁ ଅଣାଯାଇଥିଲା। ଡାକ୍ତର ଲକ୍ଷ୍ମଣ ତାଙ୍କୁ ଡାକ୍ତରଖାନାର ଆଇସିୟୁରେ ଚିକିତ୍ସା କରୁଥିଲେ । ସେ ହଟାତ ହୃଦ୍ଘାତରେ ପୀଡିତ ହୋଇଥିଲେ ଏବଂ ତଳେ ପଡ଼ିଯାଇଥିଲେ।
ହୃଦ୍ଘାତ ପରେ ଡକ୍ଟର ଲକ୍ଷ୍ମଣଙ୍କ ସାଥୀମାନେ ଜରୁରୀକାଳୀନ ଚିକିତ୍ସା କରିଥିଲେ ମଧ୍ୟ ତାଙ୍କୁ ଉଦ୍ଧାର କରାଯାଇ ପାରି ନଥିଲା। ଏହା ପରେ ହସ୍ପିଟାଲର କର୍ମଚାରୀମାନେ ତାଙ୍କ ମୃତଦେହକୁ ଆଇସିୟୁରୁ ବାହାର କରିଥିଲେ। ଏହି ସମୟରେ ଚିକିତ୍ସିତ ହେଉଥିବା ନାୟକଙ୍କ ଅବସ୍ଥା ମଧ୍ୟ ବିଗିଡି ଯାଇଥିଲା। ରୋଗୀର ପରିବାର ତାଙ୍କୁ ଅନ୍ୟ ଡାକ୍ତରଖାନାକୁ ନେଇଥିଲେ। ସେଠାରେ ଡାକ୍ତରମାନେ ତାଙ୍କୁ ମୃତ ବୋଲି ଘୋଷଣା କରିଥିଲେ।
