ଫେବୃଆରୀ ୨୫/ ୟୁକ୍ରେନରେ ରହିଥିବା ଓଡ଼ିଆ ଛାତ୍ରଛାତ୍ରୀ ଓ ଅନ୍ୟମାନଙ୍କୁ ସୁରକ୍ଷିତ ଉଦ୍ଧାର କରିବା ନେଇ ଚିଂତାପ୍ରକଟ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ I କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ସହ ସେ ଏ ବିଷୟ ରେ କଥା ହେଇଛନ୍ତି I
ତେବେ ଫସି ରହିଥିବା ସବୁ ଭାରତୀୟ ନାଗରିକ ଙ୍କୁ ସୁରକ୍ଷିତ ପ୍ରତ୍ୟାବର୍ତ୍ତନ ନେଇ କେନ୍ଦ୍ର ସରକାର ଉଦ୍ୟମ ଜାରି ରଖିଥିବା ସଂପର୍କରେ ସୂଚନା ଦେଇଥିଲେ ଗୃହମନ୍ତ୍ରୀ ଅମିତ ଶାହା।
କେନ୍ଦ୍ର ସରକାର ଏ ନେଇ ୟୁକ୍ରେନ ସରକାରଙ୍କ ସହ ନିୟମିତ ଯୋଗାଯୋଗ ରଖୁଛନ୍ତି ବୋଲି ଗୃହମନ୍ତ୍ରୀ କହିଥିଲେ I
ୟୁକ୍ରେନ ଉପରେ ରୁଷିଆ ର ଆକ୍ରମଣ ଫଳରେ ୟୁକ୍ରେନ ବେସାମରିକ ବିମାନ ଉଡାଣ ପାଇଁ ଏହାର ଆକାଶପଥ କୁ ବନ୍ଦ କରିଦେଇଛି I ତେଣୁ, ଭାରତ ଏହାର ନାଗରିକ ମାନଙ୍କୁ ଉଦ୍ଧାର କରିପାରି ନାହିଁ I ତେବେ, ଭାରତୀୟ ନାଗରିକ ଙ୍କୁ ଆଣିବା ପାଇଁ ବିକଳ୍ପ ବ୍ୟବସ୍ଥା ଗ୍ରହଣ କରାଯାଉଛି ବୋଲି କହିଛନ୍ତି ଗୃହମନ୍ତ୍ରୀ I
ୟୁକ୍ରେନରେ ଫସିଥିବା ଓଡ଼ିଆ ଛାତ୍ରଛାତ୍ରୀ ଓ ଅନ୍ୟମାନଙ୍କ ସମ୍ପର୍କରେ ତଥ୍ୟ ସଂଗ୍ରହ କରିବାକୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର I
ସୂଚନା ଯୋଗ୍ୟ ଯେ, ୟୁକ୍ରେନରେ ବହୁ ସଂଖ୍ୟାରେ ଓଡ଼ିଆ ଛାତ୍ରଛାତ୍ରୀ ଏମବିବିଏସ୍ ପଢୁଛନ୍ତି। ସେମାନେ ଏବେ ଭୟଭୀତ ଅବସ୍ଥାରେ ଅଛନ୍ତି I
ୟୁକ୍ରେନରେ ଫସିଥିବା ଓଡ଼ିଆମାନଙ୍କୁ ଫେରାଇ ଆଣିବା ପାଇଁ ରାଜ୍ୟ ସରକାର ସମସ୍ତ ଖର୍ଚ୍ଚ ବହନ କରିବେ ବୋଲି ମୁଖ୍ୟମନ୍ତ୍ରୀ ଙ୍କ କାର୍ଯ୍ୟାଳୟ ପକ୍ଷରୁ ଘୋଷଣା କରାଯାଇଛି। ରାଜ୍ୟ ସରକାର ନିଜ ଖର୍ଚ୍ଚରେ ଫେରାଇ ଆଣିବା ପାଇଁ କେନ୍ଦ୍ରକୁ ପ୍ରସ୍ତାବ ଦେଇଛନ୍ତି।
