ଫେବୃଆରୀ ୨୦
ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏବଂ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଆଜି ପରସ୍ପର ଙ୍କୁ ମୁମ୍ବାଇ ରେ ଭେଟିଛନ୍ତି I ଏହି ଅବସରରେ ଉଭୟ କହିଛନ୍ତି, ‘ଦେଶରେ ପରିବର୍ତ୍ତନ ପବନ ପ୍ରବାହିତ ହେଉଛି ଏବଂ ଏହା ହେଉଛି ପରିବର୍ତ୍ତନ ର ସମୟ I ‘
ଭାରତୀୟ ଜନତା ପାର୍ଟିକୁ ଚ୍ୟାଲେଞ୍ଜ କରିବା ପାଇଁ ଦେଶରେ ବିରୋଧୀ ଦଳର ଏକ ମିଳିତ ତୃତୀୟ ସାମ୍ମୁଖ୍ୟର ମୂଳଦୁଆ ମହାରାଷ୍ଟ୍ର ରେ ହିଁ ପଡିବ ବୋଲି ଠାକୁର-ରାଓ ଯୋଡି ଘୋଷଣା କରିଛନ୍ତି।
ବିଜେପି ଦ୍ୱାରା ପରିଚାଳିତ “ଭେଣ୍ଡେଟା ରାଜନୀତି” କୁ ଦୃଷ୍ଟିରେ ରଖି ସେମାନେ ଦେଶର ଭବିଷ୍ୟତ ଏବଂ ଦେଶ ବର୍ତମାନ କେଉଁ ଆଡକୁ ଯାଉଛି ସେ ନେଇ ଚିନ୍ତା ପ୍ରକଟ କରିଛନ୍ତି।
ରାଓ ଶାସକ ମହା ବିକାଶ ଆଗାଡି (MVA) ସହଯୋଗୀ ରାଷ୍ଟ୍ରବାଦୀ କଂଗ୍ରେସ ଦଳର ସଭାପତି ଶରଦ ପାୱାରଙ୍କୁ ମଧ୍ୟ ଭେଟି ରାଜନୀତି ତଥା ଦେଶର ସ୍ଥିତି ଉପରେ ଆଲୋଚନା କରିଥିବାବେଳେ ବିରୋଧୀଦଳର ଏକତା ଗଠନ ପାଇଁ କଂଗ୍ରେସ ସଭାପତି ନାନା ପାଟୋଲ ପୂର୍ଣ୍ଣ ସମର୍ଥନ ଜଣାଇଛନ୍ତି।
“ଆମେ ବିଭିନ୍ନ ପ୍ରସଙ୍ଗରେ ବିସ୍ତୃତ ଭାବରେ ଆଲୋଚନା କରିଛୁ। ଦେଶରେ ଗଠନମୂଳକ ତଥା ନୀତିଗତ ପରିବର୍ତ୍ତନର ଆବଶ୍ୟକତା ରହିଛି ବୋଲି ଆମେ ଅନୁଭବ କରୁଛୁ। କେନ୍ଦ୍ରୀୟ ଅନୁସନ୍ଧାନକାରୀ ସଂସ୍ଥାଗୁଡ଼ିକର ଅପବ୍ୟବହାରକୁ ଆମେ ନିନ୍ଦା କରୁଛୁ। କେନ୍ଦ୍ର ଏହାର ନୀତି ବଦଳାଇବାକୁ ପଡିବ କିମ୍ବା ଏହାର ପରିଣାମ ସାମ୍ନା କରିବାକୁ ପଡିବ ବୋଲି ରାଓ କହିଛନ୍ତି।
ଦୁଇ ନେତା କହିଛନ୍ତି ଯେ ଏହା କେବଳ ଆରମ୍ଭ ଏବଂ ବର୍ତ୍ତମାନ ଅନ୍ୟ ଜାତୀୟ ଓ ଆଞ୍ଚଳିକ ଦଳ ଗୁଡିକ ସହ ଆଲୋଚନା ହେବ ଏବଂ ଦେଶକୁ ମଜବୁତ କରିବା ପାଇଁ ଏକ ଦୃଢ ଓ ବିକାଶମୂଳକ କାର୍ଯ୍ୟକ୍ରମ ହାତକୁ ନେଇ ଦେଶକୁ ଆହୁରି ଉନ୍ନତ କରିବାକୁ ପଡିବ I
ରାଓ ଠାକୁରଙ୍କୁ ଅନ୍ୟ ଏକ ରାଉଣ୍ଡ ବୈଠକ ପାଇଁ ହାଇଦ୍ରାବାଦ ଗସ୍ତ କରିବାକୁ ଆମନ୍ତ୍ରଣ କରିଥିଲେ ଏବଂ ଆବଶ୍ୟକ ସ୍ଥଳେ ରାଜ୍ୟ ନେତାଙ୍କ ସହ ତାଙ୍କର ପରବର୍ତ୍ତୀ କନକ୍ଲେଭ ବାରମାଟୀରେ ଅନୁଷ୍ଠିତ ହେବ ବୋଲି କହିଥିଲେ।
“ଆମର ଆଲୋଚନା ନୀତି ଏବଂ ଦେଶ ସମ୍ମୁଖୀନ ହେଉଥିବା ସମସ୍ୟା ଉପରେ ଆଧାରିତ ଥିଲା। ଦେଶବାସୀଙ୍କୁ ରାସ୍ତା ଦେଖାଇବା, କୃଷକ ଏବଂ ସାଧାରଣ ଲୋକଙ୍କ ସମସ୍ୟାର ସମାଧାନ କରିବା ଆମର ଦାୟିତ୍” ବୋଲି ପାୱାର କହିଛନ୍ତି।
ଉଭୟ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି ଯେ ବର୍ତ୍ତମାନ ସମୟ ଆସିଛି ସବୁ ଦଳକୁ ଏକାଠି କରିବା ଏବଂ ଦେଶର ଲୋକଙ୍କ ଆଶା ଏବଂ ଆକାଂକ୍ଷାକୁ ପୂରଣ କରିବା ପାଇଁ ଏକ ନୂତନ ଏଜେଣ୍ଡା ସହିତ ମିଳିତ ଭାବରେ ଆଗକୁ ବଢିବା ।
କଂଗ୍ରେସ ମୁଖପାତ୍ର କହିଛନ୍ତି, “ବିଜେପି ଏହାର ପୂର୍ବ ସହଯୋଗୀମାନଙ୍କ ସହିତ ଏହାକୁ ଶେଷ କରିବା ପାଇଁ ଚେଷ୍ଟା କରୁଛି, ଏବଂ ବର୍ତ୍ତମାନ ସେମାନେ ସମସ୍ତେ ଏହା ଅନୁଭବ କରିଛନ୍ତି। ଏପରିକି ଦେଶର ଲୋକମାନେ ମଧ୍ୟ ବିଜେପିର ରଣନୀତି ବୁଝିସାରିଛନ୍ତି ।”
ପାଟୋଲ କହିଛନ୍ତି ଯେ ବର୍ତ୍ତମାନ ସମୟ ଆସିଛି ବିଜେପିକୁ ଏକ ଚ୍ୟାଲେଞ୍ଜ ଦେବା ଯାହା ଦେଶର ରାଜନୀତିରେ ପରିବର୍ତ୍ତନ ଆଣିବା I ଏ ଦିଗରେ କଂଗ୍ରେସ ଏବଂ ୟୁପିଏ ପ୍ରଭାବଶାଳୀ କାର୍ଯ୍ୟ କରିପାରିବ।
ବିରୋଧୀ ରାଜ୍ୟ ବିଜେପି ସଭାପତି ଚନ୍ଦ୍ରକାନ୍ତ ପାଟିଲ ଠାକୁର-ରାଓ ଏବଂ ପାୱାର-ରାଓ ବୈଠକ କୁ ପରିହାସ କରିଛନ୍ତି ଏବଂ ଘୋଷଣା କରିଛନ୍ତି ଯେ 2024 ଲୋକସଭା ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନେତୃତ୍ୱ ରେ ବିଜେପି ୪୦୦ ଟି ଆସନ” ଜିତିବ ।
ବିଜେପି ସହଯୋଗୀ ରିପବ୍ଲିକାନ୍ ପାର୍ଟି ଅଫ୍ ଇଣ୍ଡିଆ (ଏ) ସଭାପତି ତଥା କେନ୍ଦ୍ର ମନ୍ତ୍ରୀ ରାମଦାସ ଆଥୱାଲେ ଦୋହରାଇଛନ୍ତି ଯେ ଶିବସେନା ଏବଂ ବିଜେପି ଅତୀତକୁ ଭୁଲିଯିବା ସହ ଲୋକଙ୍କ ହିତ ପାଇଁ ହାତ ମିଳାଇବା ଉଚିତ୍।
ଅଥବାଲେ ଅନୁରୋଧ କରିଛନ୍ତି, “ମୁଁ ବିନମ୍ରତାର ସହିତ ଉଦ୍ଧବ ଥାକର ଙ୍କୁ ନିବେଦନ କରୁଛି ଯେ କିଛି ଭୁଲ ବୁଝାବଣା ଯୋଗୁଁ
ଦୁଇ ଦଳ ମଧ୍ୟରେ ଦୂରତା ଆସିଛି I ଉଭୟ 25 ବର୍ଷରୁ ଅଧିକ ସମୟ ଧରି ବନ୍ଧୁ ଥିଲେ। ସେମାନେ ରାଜ୍ୟର ବିକାଶ ପାଇଁ ମିଳିତ ଭାବରେ କାର୍ଯ୍ୟ କରିବା ଉଚିତ ।”
