ନୂଆଦିଲ୍ଲୀ : ଦେଶରେ ଧୀରେ ଧୀରେ କମୁଛି ମହାମାରୀ କରୋନାର ପ୍ରକୋପ । ଦୈନିକ ସଂକ୍ରମଣ ମଧ୍ୟ ଧୀରେ ଧୀରେ କମୁଛି। ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ ପାଇଁ ଭୋଟ୍ ଗଣତି ପରେ ବିଜୟ ଶୋଭାଯାତ୍ରା ଉପରେ ଲଗାଯାଇଥିବା କଟକଣାକୁ ନିର୍ବାଚନ ଆୟୋଗ ହଟାଇ ଦେଇଛନ୍ତି ।
ଏକ ବିବୃତ୍ତିରେ ଆୟୋଗ କହିଛନ୍ତି ଯେ ଯେଉଁ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହୋଇଛି ସେହି ରାଜ୍ୟ ଗୁଡ଼ିକରେ କୋଭିଡ-୧୯ ମହାମାରୀର ସ୍ଥିତିକୁ ଦୃଷ୍ଟିରେ ରଖି ଭୋଟ୍ ଗଣତି ସମୟରେ ଏବଂ ପରେ ବିଜୟ ଶୋଭାଯାତ୍ରା ନେଇ କଟକଣାକୁ କୋହଳ କରିବାକୁ ନିଷ୍ପତ୍ତି ନିଆଯାଇଛି। ଶୋଭାଯାତ୍ରା ଉପରେ ପ୍ରତିବନ୍ଧକ ସମ୍ପୂର୍ଣ୍ଣ ରୂପେ ହଟାଯିବ |
ଉତ୍ତରପ୍ରଦେଶ, ଉତ୍ତରାଖଣ୍ଡ, ପଞ୍ଜାବ, ଗୋଆ ଏବଂ ମଣିପୁରରେ ବିଧାନସଭା ନିର୍ବାଚନ ପାଇଁ କାର୍ଯ୍ୟସୂଚୀ ଘୋଷଣା କରିବା ବେଳେ ନିର୍ବାଚନ ଆୟୋଗ ବିଜୟ ଶୋଭାଯାତ୍ରା ବ୍ୟତୀତ ନିର୍ବାଚନ ସହ ଜଡିତ ବିଭିନ୍ନ ଦିଗ ଉପରେ ପ୍ରତିବନ୍ଧକ ଲଗାଇଥିଲେ।
