ଭୁବନେଶ୍ୱର: ବାରବାଟୀରେ ଟି-20 ମ୍ୟାଚ ଦେଖିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ଆଜି ଆସନ୍ତା ଜୁନ ୧୨ ତାରିଖରେ ଭାରତ ଓ ସାଉଥ ଆଫ୍ରିକା ମଧ୍ୟରେ ଅନୁଷ୍ଠିତ ହେବାକୁ ଥିବା ଟି-20 ଅନ୍ତରାଷ୍ଟ୍ରିୟ ମ୍ୟାଚ ପାଇଁ ପ୍ରଥମ ଟିକେଟ କିଣିଛନ୍ତି । ଓଡିଶା କ୍ରିକେଟ ଆସୋସିଏସନ ବା ଓସିଏର ଅଧ୍ୟକ୍ଷ ଶ୍ରୀ ପଙ୍କଜ ଲୋଚନ ମହାନ୍ତି ଓ ଓସିଏର ସେକ୍ରେଟାରୀ ଶ୍ରୀ ସଞ୍ଜୟ ବେହେରା ମ୍ୟାଚର ପ୍ରଥମ ଟିକେଟ ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ପ୍ରଦାନ କରିଛନ୍ତି । ଏହି ଅବସରରେ 5T ସଚିବ ଭି.କେ ପାଣ୍ଡିୟାନ ଉପସ୍ଥିତ ଥିଲେ । ଏହା ସହ ଏଚଡ଼ିଏଫସି ବ୍ୟାଙ୍କର ଜୋନାଲ ହେଡ଼ ଶ୍ରୀ ଦୀପକ ସିଂହ ଏବଂ ଉପାଧ୍ୟକ୍ଷ ଅନିମେଷ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ଓସିଏ ସେକ୍ରେଟାରୀ ଶ୍ରୀ ସଞ୍ଜୟ ବେହେରା ସୁପରିଚାଳନା କରିଥିଲେ । ଏହା ସହ କିପରି ଟିକେଟ ବିକ୍ରି ସୁପରିଚାଳିତ ଭାବେ ସମ୍ପର୍ଣ୍ଣ ହେବ ସେ ବିଷୟରେ ବି ଆଲୋଚନା କରିଛନ୍ତି ।
