କଟକ: କଟକରେ ଚାଞ୍ଚଲ୍ୟ । ରାସ୍ତାକଡ଼ରୁ ଡେଲିଭରୀ ବୟଙ୍କ ମୃତଦେହ ଉଦ୍ଧାର । ଜାତୀୟ ଆଇନ ବିଶ୍ୱ ବିଦ୍ୟାଳୟ ନିକଟରୁ ମୃତଦେହ ଉଦ୍ଧାର ହୋଇଛି । ମୃତ ଯୁବକ ସିଡିଏ ୭ନଂ ଅଞ୍ଚଳର ନିରାକାର ବେତାଳ ବୋଲି ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ଏହା ହତ୍ୟା କି ଦୁର୍ଘଟଣା ତାହା ସନ୍ଦେହରେ ରହିଛି ।
ସୂଚନା ଅନୁସାରେ, ଆଇନ ବିଶ୍ୱବିଦ୍ୟାଳୟ ନିକଟରେ ଏକ ମୃତଦେହ ପଡିଥିବାର ଦେଖିବାକୁ ମିଳିଥିଲା । ଏହାପରେ ପୋଲିସକୁ ତୁରନ୍ତ ଖବର ଦିଆଯାଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ତେବେ ମୃତକ ଖାଦ୍ୟ ଡେଲିଭରି ସଂସ୍ଥା ସ୍ୱିଗିରେ କାମ କରୁଥିଲେ । ହେଲେ ଏପରି ରାସ୍ତାକଡ଼ରେ ଡେଲିଭରି ବୟଙ୍କ ମୃତଦେହ ମିଳିବା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ସେପଟେ ପୋଲିସ ଯୁବକଙ୍କୁ ହତ୍ୟା ସନ୍ଦେହରେ ତଦନ୍ତ ଆରମ୍ଭ କରିଛି । କିଏ ଓ କାହିଁକି ହତ୍ୟା କଲା, ସେନେଇ ଖୋଳତାଡ଼ ଜାରି ରଖିଛି ପୋଲିସ । ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ର ସହଯୋଗ ନିଆଯାଇପାରେ ବୋଲି ସୂଚନା ମିଳିଛି ।
