ଭୁବନେଶ୍ଵର: ନକଲି ଡାକ୍ତର ରମେଶ ସ୍ୱାଇଁଙ୍କ ଅସଲି ସ୍ତ୍ରୀ ଗିରଫ । ରମେଶଙ୍କ ଦ୍ୱିତୀୟ ସ୍ତ୍ରୀ କମଳା ତୀର୍କିକୁ ଝାଡଖଣ୍ଡରୁ ଗିରଫ କଲା କମିଶନରେଟ ପୋଲିସ । ଠକେଇ ମାମଲାରେ ମାଷ୍ଟରମାଇଣ୍ଡ ଥିଲେ କମଳା । ଓଡିଶାର ପାରାଦୀପରେ ଡାକ୍ତରାଣୀ ଥିଲେ କମଳା ତିର୍କୀ । ତେବେ ଠକ ଡାକ୍ତରଙ୍କ କାରନାମା ଜାଣିବାକୁ ରିମାଣ୍ଡରେ ଆଣିବାକୁ ଯୋଜନା କରୁଛି ପୋଲିସ । ୫ମ ଥର ପାଇଁ ରମେଶଙ୍କୁ ରିମାଣ୍ଡରେ ଆଣି ଜେରା ବେଳେ କମଳା ବିରୋଧରେ ପ୍ରମାଣ ମିଳିଥିଲା।
ସୂଚନା ମୁତାବକ, ନକଲି ଡାକ୍ତର ରମେଶ ଚନ୍ଦ୍ର ସ୍ୱାଇଁ ଗିରଫ ପୂର୍ବରୁ ମିଛ କହି ୧୮ରୁ ଅଧିକ ମହିଳାଙ୍କୁ ବିବାହ କରିଥିଲା । ରମେଶ ବିଭିନ୍ନ ରାଜ୍ୟରେ ମହିଳା, ଡାକ୍ତର, ଓ ଶିକ୍ଷତ ଛାତ୍ରଛାତ୍ରୀଙ୍କ ଠାରୁ କୋଟି କୋଟି ଟଙ୍କାର ଠକେଇ କରିଛନ୍ତି । ୧୮ ଜଣ ମହିଳାଙ୍କୁ ବିବାହ କରିବା ସହ ସେମାନଙ୍କ ମଧ୍ୟରୁ ୧୬ଜଣଙ୍କୁ ଧୋକା ଦେଇଛନ୍ତି । ୭ ନମ୍ବର ପତ୍ନୀଙ୍କ ଅଭିଯୋଗ ପରେ ମହିଳା ଥାନା ପୁଲିସ୍ ରମେଶଙ୍କୁ ଗିରଫ କରିଥିଲା । ସତ ବାହାର କରିବା ପାଇଁ ୪ଥର ରିମାଣ୍ଡରେ ଆଣି ଜେରା କରିଥିଲା ପୁଲିସ୍ । ହେଲେ ଚତୁର ରମେଶ ରିମାଣ୍ଡ ସମୟରେ ପୁଲିସ୍କୁ ବାଟବଣା କରିଥିଲା । ଯାହାକୁ ନେଇ ସ୍ପେଶାଲ୍ ସ୍କ୍ୱାଡ୍ ଓ ମହିଳା ଥାନାର ଅଧିକାରୀମାନେ ନାକେଦମ୍ ହୋଇଥିଲେ ।
