ଭୋଜି ଖାଇ ଶତାଧିକ ଲୋକ ଅସୁସ୍ଥ

0
104

ଉମରକୋଟ : ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଅଧିନ ଜାମରୁଣ୍ଡା ଓ ପଡ଼ିଗୁଡା ଗ୍ରାମର ଶତାଧିକ ଲୋକ ଭୋଜି ଖାଇ ଅସୁସ୍ଥ ହୋଇଛନ୍ତି। ଉଭୟ ଗ୍ରାମରେ ଅସ୍ଥାୟୀ ସ୍ବାସ୍ଥ୍ୟ ଶିବିର ଖୋଲି ଅସୁସ୍ଥମାନଙ୍କ ଚିକିତ୍ସା କରାଯାଉଛି। ଜାମରୁଣ୍ଡା ଗାଁର ବିଶ୍ୱ ରଞ୍ଜନ ମିର୍ଧା ଙ୍କ ମାଁ ଙ୍କ ଦଶାହ ଭୋଜି ଶନିବାର ଆୟୋଜନ ହୋଇଥିଲା । ପ୍ରାୟ ୬୦୦ ଲୋକ ଭୋଜି ଖାଇଥିଲେ। ରବିବାର ଜାମରୁଣ୍ଡା ଗ୍ରାମର ୭୫ ଜଣ ଓ ପଢେଇ ଗୁଡ଼ା ଗ୍ରାମ ର ୪୨ ଜଣଙ୍କୁ ଝାଡ଼ାବାନ୍ତି ହୋଇଥିଲା । ରାତିରେ ଉଭୟ ଗ୍ରାମ ର ଆଶା କର୍ମୀ ପୂଜାରୀଗୁଡ଼ା ମେଡିକାଲ ର ଡାକ୍ତରଙ୍କ ନେତୃତ୍ଵ ରେ ଏକ ଟିମ୍ ଜାମ୍ ରୁଣ୍ଡା ଗ୍ରାମ ଅସ୍ଥାୟୀ ଶିବିର କରି ଔଷଦ ବାଣ୍ଟିଥିଲେ ।

ପରେ ସୋମବାର ନବରଙ୍ଗପୁର ଏଡିଏମଓଙ୍କ ନେତୃତ୍ୱ ରେ ଆଉ ଏକ ଟିମ୍ ଉଭୟ ଗାଁ କୁ ଯାଇ ଆକ୍ରାନ୍ତଙ୍କ ସ୍ବାସ୍ଥ୍ୟ ଅବସ୍ଥା ପଚାରି ବୁଝିଥିଲେ। ଘରକୁ ଘର ବୁଲି ସେମାନେ ବ୍ୟବହାର କରୁଥିବା ପାଣିର ନମୂନା ସଂଗ୍ରହ କରିଥିଲେ । ବର୍ତ୍ତମାନ ସମସ୍ତଙ୍କ ଅବସ୍ଥା ସ୍ଥିର ରହିଥିବା ନବରଙ୍ଗପୁର ଏଡିଏମଓ କହିଛନ୍ତି । କେଉଁ କାରଣରୁ ରୁ ସମସ୍ତେ ଆକ୍ରାନ୍ତ ହୋଇଥିଲେ ତାହା ସ୍ପଷ୍ଟ ହୋଇ ନଥିବାବେଳେ ନମୁନା ପରୀକ୍ଷା ପରେ ସବୁ ଜଣା ପଡ଼ିବ ବୋଲି ଏଡିଏମଓ କହିଛନ୍ତି।

Also Read  ତଦନ୍ତରେ ଉତ୍କର୍ଷତା ପାଇଁ ଓଡ଼ିଶାର ୪ ସମେତ ଦେଶର ୧୫୧ ଜଣ ପୋଲିସ ଅଫିସର ପାଇବେ ଗୃହ ମନ୍ତ୍ରାଳୟ ପଦକ

LEAVE A REPLY

Please enter your comment!
Please enter your name here