କୋଲକାତା: ଶନିବାର ଇଡି ଦ୍ୱାରା ଗିରଫ ହୋଇଥିବା ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଚାରିଥର କଲ୍ କରିଥିଲେ ମଧ୍ୟ କୌଣସି ଉତ୍ତର ମିଳିପାରିନି। ପ୍ରକ୍ରିୟା ଅନୁଯାୟୀ, ଯେତେବେଳେ ବି ଜଣେ ବ୍ୟକ୍ତିଙ୍କୁ ଗିରଫ କରାଯାଏ, ସେ ଜଣେ ବ୍ୟକ୍ତିଙ୍କୁ ଗିରଫ ବାବଦରେ ଜଣାଇ ପାରିବେ । ସେହି ବ୍ୟକ୍ତି ପରିବାର ସଦସ୍ୟ, ସମ୍ପର୍କୀୟ କିମ୍ବା ବନ୍ଧୁ ହୋଇପାରନ୍ତି।
ଗିରଫ ହୋଇଥିବାବେଳେ ପାର୍ଥ ଚାଟାର୍ଜୀ ଇଡି ଅଧିକାରୀଙ୍କୁ କହିଛନ୍ତି ଯେ ସେ ଗିରଫ ବିଷୟରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଜଣାଇବାକୁ ଚାହୁଁଛନ୍ତି। ସେ ଚାରିଥର ଫୋନ୍ କଲ୍ କରିଥିଲେ। ସକାଳ ୨.୩୧ (ଏଏମ୍), ୨.୩୩ (ଏଏମ୍) ୩.୩୭ (ଏଏମ୍) ଏବଂ ୯ଟା ୩୫ (ଏଏମ୍) କିନ୍ତୁ କୌଣସି କଲର ଉତ୍ତର ମିଳିନି । ଜାତୀୟ ଗଣମାଧ୍ୟମରୁ ଏପରି ଏକ ରିପୋର୍ଟ ମିଳିଛି।
ପଶ୍ଚିମବଙ୍ଗ ବାଣିଜ୍ୟ ଓ ଶିଳ୍ପ ବିଭାଗର ମନ୍ତ୍ରୀ ତଥା ଟିଏମସିର ହେଭିୱେଟ୍ ନେତା ପାର୍ଥ ଚାଟାର୍ଜୀଙ୍କୁ ଶନିବାର ସକାଳେ ପଶ୍ଚିମବଙ୍ଗରେ ଶିକ୍ଷକ ନିଯୁକ୍ତି ଘୋଟାଲାରେ ଯାଞ୍ଚ ଘଟଣାରେ ଇଡି ଗିରଫ କରିଥିଲା। ପାର୍ଥ ଚାଟାର୍ଜୀଙ୍କ ଗିରଫ ପରେ ପୂର୍ବତନ ଶିକ୍ଷା ମନ୍ତ୍ରୀଙ୍କ ଘନିଷ୍ଠ ସହଯୋଗୀ ଅର୍ପିତା ମୁଖାର୍ଜୀଙ୍କ କୋଲକାତା ବାସଭବନରୁ ୨୧ କୋଟି ଟଙ୍କା ନଗଦ ଟଙ୍କା ଜବତ କରାଯାଇଥିଲା। କୋର୍ଟଙ୍କ ଅନୁମତିକ୍ରମେ ଅର୍ପିତା ମୁଖାର୍ଜୀଙ୍କୁ ଦିନିକିଆ ରିମାଣ୍ଡରେ ଇଡି ନେଇଛି। ସୋମବାର ପିଏମଏଲଏ କୋର୍ଟରେ ହାଜର କରାଯିବ।
ଗିରଫ ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀଙ୍କୁ କୋଲକାତାର ଏସଏସକେଏମ ଡାକ୍ତରଖାନାରୁ ସ୍ଥାନାନ୍ତର କରିବାକୁ ଇଡି କୋର୍ଟରେ ଆବେଦନ କରିଥିଲା। ଏହି ସମୟରେ ଇଡି କୋର୍ଟକୁ କହିଛି, ମନ୍ତ୍ରୀ ପାର୍ଥ ଚାଟାର୍ଜୀ ଡାକ୍ତରଖାନାରେ ଗୁଣ୍ଡା (ଡନ୍) ଭଲି ବ୍ୟବହାର କରୁଛନ୍ତି। ଇଡି ଅଧିକାରୀଙ୍କୁ ଦୁର୍ବ୍ୟବହାର କରୁଥିବା କୋର୍ଟରେ କୁହାଯାଇଛି। ଆଇନର ଜାଲରୁ ବର୍ତ୍ତିବାକୁ ଯାଇ ପାର୍ଥ ଚାଟାର୍ଜୀ ଅସୁସ୍ଥତାକୁ ଆଳ କରିଛନ୍ତି। ଏବଂ ଡନ ପରି ବ୍ୟବହାର କରୁଛନ୍ତି ବୋଲି ଇଡି ହାଇକୋର୍ଟର ଜଷ୍ଟିସ ବିବେକ ଚୌଧୁରୀଙ୍କ ବେଞ୍ଚକୁ ଅବଗତ କରାଇଛନ୍ତି।
