କିଟ୍ ବିଶ୍ୱବିଦ୍ୟାଳୟ ପରିସରରେ ଅନ୍ତର୍ଜାତୀୟ ମହିଳା ଦିବସ ପାଳିତ

0
144
କିଟ୍ ବିଶ୍ୱବିଦ୍ୟାଳୟ ପରିସରରେ ଅନ୍ତର୍ଜାତୀୟ ମହିଳା ଦିବସ ପାଳିତ
କିଟ୍ ବିଶ୍ୱବିଦ୍ୟାଳୟ ପରିସରରେ ଅନ୍ତର୍ଜାତୀୟ ମହିଳା ଦିବସ ପାଳିତ

ମାର୍ଚ୍ଚ ୪ ତାରିଖ
ଭୁବନେଶ୍ୱର
ଅନ୍ତର୍ଜାତୀୟ ମହିଳା ଦିବସ ପରିପ୍ରେକ୍ଷୀରେ କିଟ୍ ବିଶ୍ୱବିଦ୍ୟାଳୟ ପରିସରରେ ଆଇନ୍ ବ୍ୟବସ୍ଥାରେ ମହିଳାଙ୍କ ନେତୃତ୍ୱ, ସାଇବର ନିରାପତ୍ତା କ୍ଷେତ୍ରରେ ମହିଳାଙ୍କ ଭୂମିକା ଏବଂ ମହିଳାଙ୍କ ପ୍ରଜନନ ସ୍ୱାସ୍ଥ୍ୟ ଆଦି ବିଷୟ ବସ୍ତୁ ଉପରେ ଆଲୋଚନା ସହ ପ୍ରଜନନ ସ୍ୱାସ୍ଥ୍ୟ ସଂକ୍ରାନ୍ତରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରଜନନ ପ୍ରଣାଳୀରେ ସାମଗ୍ରିକ ସୁସ୍ଥତା, ଯୌନ ସଂକ୍ରମଣ ରୋକିବା, ନିରାପଦ ଗର୍ଭ ଧାରଣ ଓ ପ୍ରସବ ଏବଂ ପ୍ରଜନନ ସ୍ୱାସ୍ଥ୍ୟ ସମ୍ବନ୍ଧୀୟ ସୂଚନା ପ୍ରଦାନ କରାଯାଇଥିଲା । ସାମାଜିକ, ସାଂସ୍କୃତିକ, ଅର୍ଥନୈତିକ ଓ ରାଜନୈତିକ ଆଦି କ୍ଷେତ୍ରରେ ମହିଳାଙ୍କ ସଫଳତା ଏବଂ ସେମାନଙ୍କ ଅଧିକାର ସମ୍ପର୍କରେ ସଚେତନ କରାଇବା ପାଇଁ ପ୍ରତିବର୍ଷ କିଟ୍‍ ପକ୍ଷରୁ ଅର୍ନ୍ତଜାତୀୟ ମହିଳା ଦିବସ ପାଳନ କରାଯାଇଥାଏ । ଚଳିତବର୍ଷର ବିଷୟବସ୍ତୁ ଥିଲା ‘ଡିଜିଟଲ୍‍: ଇନୋଭେସନ୍‍ ଆଣ୍ଡ ଟେକ୍ନୋଲୋଜି ଫର ଜେଣ୍ଡର ଇକ୍ୱାଲିଟି’ ।
କିଟ୍ ନର୍ସିଂ ସ୍କୁଲର ଛାତ୍ରଛାତ୍ରୀମାନେ ପଥପ୍ରାନ୍ତ ନାଟକ ମାଧ୍ୟମରେ ଋତୁସ୍ରାବ ଜନିତ ସମସ୍ୟା ଏବଂ ଏ ନେଇ ସମାଜରେ ପ୍ରଚଳିତ ବିଭିନ୍ନ ଅନ୍ଧବିଶ୍ୱାସକୁ ଦୂର କରିବା ପାଇଁ ସଚେନତ କରାଇଥିଲେ । ଏହି ଅବସରରେ କିଟ୍ ନର୍ସିଂ ସ୍କୁଲର ଅଧ୍ୟକ୍ଷା ପ୍ରଫେସର ନିୟତି ଦାସ, ନର୍ସିଂ ସୁପରିଣ୍ଟେଣ୍ଡେଣ୍ଟ ସୁଷମା ସାହୁ, ଉପାଧ୍ୟକ୍ଷା ପ୍ରଫେସର କଲ୍ୟାଣୀ ରଥ ଏବଂ କିଟ୍ ୱିମେନ୍ ଫୋରମ୍ ସଦସ୍ୟା ଦୀପାଳି ମହାନ୍ତି ପ୍ରମୁଖ ଉପସ୍ଥିତ ହୋଇଥିଲେ ।
ଗୁରୁବାର ଦିନ ଲିଙ୍ଗଗତ ସମାନତା, ସର୍ଜନା, ପ୍ରଯୁକ୍ତିବିଦ୍ୟା ଏବଂ ସାଇବର ସୁରକ୍ଷା ଉପରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବିଶିଷ୍ଟ ସାଇବର ବିଶେଷଜ୍ଞ ପ୍ରଶାନ୍ତ ଗୁପ୍ତା ମୁଖ୍ୟ ଅତିଥି ଭାବେ ଯୋଗଦେଇ ମୋବାଇଲ ଫୋନ ଏବଂ ଇଣ୍ଟରନେଟର ସୁରକ୍ଷିତ ବ୍ୟବହାର ନେଇ ସଚେତନ କରାଇବା ସହ ତାଲିମ ପ୍ରଦାନ କରିଥିଲେ । ଏହା ସହ ଅନ୍‌ଲାଇନରେ ହେଉଥିବା ଠକେଇଠାରୁ ଦୂରେଇ ରହିବାକୁ ପରାମର୍ଶ ଦେଇଥିଲେ ।
କିଟ୍ ବିଶ୍ୱବିଦ୍ୟାଳୟ କୁଳପତି ପ୍ରଫେସର ସସ୍ମିତା ସାମନ୍ତ ପ୍ରଯୁକ୍ତି ବିଦ୍ୟା ଏବଂ ସାଇବର ସୁରକ୍ଷା ମହିଳାଙ୍କ ପାଇଁ କେତେ ଉପଯୋଗୀ ସେ ବିଷୟରେ କହିଥିଲେ । କୁଳସଚିବ ପ୍ରଫେସର ଜ୍ଞାନ ରଞ୍ଜନ ମହାନ୍ତି କିଟ୍ କିସ୍ ପ୍ରତିଷ୍ଠାତା ପ୍ରଫେସର ଅଚ୍ୟୁତ ସମାନ୍ତ ନାରୀଶିକ୍ଷା ଏବଂ ନିଯୁକ୍ତିକୁ କିଭଳି ଗୁରୁତ୍ୱ ଦେଉଛନ୍ତି ସେ ବିଷୟରେ ଆଲୋକପାତ କରିଥିଲେ ।
କିଟ୍ ୱିମେନ୍ ଫୋରମ୍ ପକ୍ଷରୁ ଅଯୋଜିତ ଏହି କାର୍ଯ୍ୟକ୍ରମରେ କିଟ୍ ସ୍କୁଲ ଅଫ ଇଞ୍ଜିନିୟରିଂର ପ୍ରଫେସର କ୍ରୀର୍ଷ୍ଣା ଚକ୍ରବର୍ତ୍ତୀ, କିଟ୍ ୱିମେନ୍ ଫୋରମ୍ ଅଧ୍ୟକ୍ଷା ପୁଷ୍ପଲତା ପାଟ୍ଟଯୋଶୀ ପ୍ରମୁଖ ଉପସ୍ଥିତ ଥିଲେ ।
ମହିଳାମାନେ ସମ୍ମୁଖୀନ ହେଉଥିବା ବିଭିନ୍ନ ସମସ୍ୟାରୁ କିଭଳି ଆଇନଗତ ସୁବିଧା ପାଇପାରିବେ ସେ ନେଇ ମଙ୍ଗଳବାର ଆଲୋଚନା କରାଯିବା ସହ ଉପସ୍ଥିତ ଅତିଥିମାନେ ମହିଳାମାନେ ଆଇନ୍‍ ପେଶା ପ୍ରତି ଆଗ୍ରହ ରଖିବା ଆବଶ୍ୟକ ବୋଲି କହିଥିଲେ ।
ଏଥିରେ କିଟ୍ ଲ ସ୍କୁଲର ନିର୍ଦ୍ଦେଶକ ପ୍ରଫେସର ଭବାନୀ ପ୍ରଶାଦ ପଣ୍ଡା, ଜାପାନ ଦୋଶିଶା ବିଶ୍ୱବିଦ୍ୟାଳୟର ପ୍ରଫେସର କେଜି କାୱାଇ ଏବଂ ପ୍ରଫେସର ଆକିରା କାୱାଗୁଚି, ପ୍ରଫେସର ପରମିତା ଚତୋରାଜ, ପ୍ରଫେସର ବିନିତା ବେହେରା, ପ୍ରଫେସର ଜିନିଆ କୁଣ୍ଡୁ, ପ୍ରଫେସର ପାରୋମିତା ଚାଟ୍ଟୋରାଜ, ପ୍ରଫେସର ସୌମ୍ୟା ମହାପାତ୍ର ଓ ପ୍ରଫେସର ସଙ୍ଘମିତ୍ରା ପଟ୍ଟନାୟକ ପ୍ରମୁଖ ବକ୍ତା ଭାବେ ଯୋଗ ଦେଇଥିଲେ ।

Also Read  Dalabehera's murder case: Villagers' protest holds verification of nomination papers in Baghamari panchayat of Mohana in Gajapati, Odisha

LEAVE A REPLY

Please enter your comment!
Please enter your name here